Oct ni 26 khan New Delhi-a Ministry of Human Resource Development-a Central Hindi Directorate-ah committee neih a ni a, Hindi tawng tih hmasawnna tura rawtna hrang hrang te sawiho a, Mizoram atangin VR Ralte Director, UHCC  chu he meeting ah hian a tel.

Hindi tawng tih hmasawnna tura Ram pum huapa committee neih hi kum 1966 hnu ah a vawithumna niin ‘Meeting on Standardization of Devanagari & Hindi Writing’ tih a ni a, he hun ah hian Mizoram atangin Pu VR Ralte, Director, UHCC  a tel a, India ram tawngpuiber-‘Hindi’ chu ‘Tawng hmasawn chho mek’ (Developing language) anih avang leh Technology lam leh tunlai media hmanraw tharte mila a hawrawp ‘Devanagari’ leh a ziah dante chu siamthat tula hriat a nih avangin India Sawrkar chuan New Delhi-a Ministry of Human Resource Development-a Central Hindi Directorate-ah committe hi a kova; mithiamte an kalkhawm tha hle a ni. He meeting hi Kum 1966 hnua a vawithumna niin Hindi Expert te an tel tha hle a;  Hindi tawng hmang lo ram leh hnamte’n an hriatthiama an zir ve theih nan Hindi tawng ziah dan dik, awl leh tha leh zual zawk tur pheikhairual taka hman dan tur bu chu English tawng pawha dah tel a ‘Bilingual’-a siamchhuaha chumi mila ‘Hindi Keyboard’ siam an rawt a.

Pu VR Ralte chuan Mizo tawng Hindi hawrawp-‘Devanagari’-a ziah a nihin Hindi tawng hmangte’n chhiar an harsatna chhan chu Mizo tawngin hmun ala luah zau tawk loh vang leh Hindi tawng hmang leh a zawlpui tawng hmangte’n Mizo tawng  belh chian tul tak takna an ngaihtuah phak vak loh vang a nih theih thu a sawi a ‘hmandan in ang leh khairual an duh a nih chuan Mizo tawng  chu zir thiama an belhchian ve ngei a tul tih a sawi a ni. Standardization of Devanagari Script & Hindi Writing tih bu, India rampuma hman mek, siamthat chu Supreme Court-in a pawmpui hnuah India rampum Central Sawrkar deptt. zawng zawngte leh Central Sorkar recognised pawl hrang hrang te hman tura tlangzarh a ni ang.

Share

-----------------------------------------------------------------------
Similar Posts

• Middle School Hindi Teachers Assn. ten CM an hmu
• The Hunt ah Leite nula pakhatna a ni
• MZP in PAP duhlo lantir dawn
• H mawlh mai hian min tibuai!
• Ral thei dinhmunah Mizo tawng?

He thu hi Thursday, October 29th, 2009 dar 6:27 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.