Kumin Khawvel Sunday School Ni, November 1, 2009-a Mizoram Presbyterian Kohhran Naupang lam zir tur Zoluti chanchin ziak tura MSSU hotuten min ruat angin Zolut chanchin hi ka ziak a. Zoluti laklet a nihna hmun chungchangah inhnialna a lo awm thei hle mai a. Hemi lehkhabua tarlan (Sailam) hi ziaktu hrang hrangte atanga lak chhawn a ni.
He lehkhabu hian tarlan a tum ber zawk erawh chu:
Zoluti hi sal anga man ni mah se a mantute leh Mizorama a awm chhunga amah enkawltute hian an tiduhdah lo va, hruai let leh a nih thlengin a hruaitute leh a lo enkawl mektute inberem thlapa him taka hruai let leh a nih thu te; he hmeichhe naupang him dam taka enkawl a lo nihna hi Mizorama Pathian khawngaihna Chanchin Tha thlenna kawnga pawimawhna nei thei a nih leh ngaihtuah zawm a remchanzia hi tarlan ka tum ber a ni.
A kaihhnawiha khua leh mihring hming ziak tel hi chu Pathianin Zoluti tha taka enkawltu hmun tinah a lo dah tih tilangchiangtu atan ziak tel mai a ni.
T.Vanlaltlani
Aizawl Theological College
******
KUM 2009 KHAWVEL SUNDAY SCHOOL NI (NPSS)
THU ZIR TUR CHUNGCHANGA
SYNOD OFFICER MEETING THU CHHUAH
Zoluti (Mary Winchester) laklet lehna hmun ‘Sailam’ tih leh ‘Serchhip Kawlri’ tih te hi thu inchuh lai mek a ni a. Khawvel Sunday School Ni 1.11.2009 Naupang Sunday School (NPSS) chawhmaa thu zir tur leh, Beihrual thupui 9th Sept. 2009 thu zira Sailam hmun atanga laklet leh tih lo lang hi a ziaktuten thu inchuh lai mek, thu leila thei tak a nih hre lova an thu lakna azira an ziak a ni a. Chhiartu leh Kohhran mite hnenah thu inchuh lai a ni tih kan inhriattir e.
Sd/-
REV. C. LALTANLIANA
Secretary
Mizoram Synod
Source : Synfocity_267 29 Oct. 2009
-----------------------------------------------------------------------
Similar Posts
- Zoluti vangin zirlaibu halral tum
- Presbyterian Kohhran in Zoluti chanchin a ziah danah Serchhip mipui lung a awilo
- 2010 a kohhran zirlai bu tur te
- Bru raltlante lo kir dawn?
- Bru laklet hlawhchham
He thu hi Thursday, October 29th, 2009 dar 6:38 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Engatinge Mizo History kan naupan laia kan lo zir tawhte kha an hal si lo? An duhleh Kohhran dangah chhuahtauh san se a ni mai alawm. Kan buaipui hi a ho em mai!!!
@zovala, i ti dik ka ti hle mai. Tunah hian KVSS thupuiah hian rawn ziak lo mahse kan rilru-ah Sailam a ni tawh tho si a. An hal dawn chuan Vanlaltlani source zawng zawng pawh hal vek tur an ni ang.
A thupui kan chhiar chu, “Schutzstaffel,” Nazi SS chanchin lam emaw kan tih hman dawn mai chu le. NOI
Kan changkang tulh tulh ang a, kan “history” hi kan la duh uluk tulh ang.
An hal dawn ta, saptawnga inziak ah Sailam tih khawiahmah a awm lo tiin, Sailam Lalfanu thil ti thei tak tihmai a ni an ti bawk.
Hman kum nilai zan thupui hal anih trum khan a ziaktupa a lar hluai mai a, chutiang deuh chuan tunah pawh an hal anih chuan a a ziaktunu hi a lar ve hluai mai ang a.
US a kohhran lian vak lo pakhat pawhin Bible hal an tum alawm, a chhan chu KJV chiah an ring a, version dang hian Pathian thu an her kual an ti ve tlat.