Zaipawl hriat hlawh tak, Baptist Choir, Aizawl te chuan kum khat teh meuh an buaitsaih hnu ah music video album ‘Min chhandamtu’ tih chu naktuk October 31, 2009 hian an tlangzarh dawn.
‘Min chhandamtu’ tih hi Upa C. Ramhluna, MLA chuan a tlangzarh dawn a, tlangzarh inkhawmah hian zaithiam lar tak TBC Zaithanpuia leh Rosie K. Remsangpuii te an zai bawk ang.
Tlangzarhna hi Chanmari Hall a neih tura ruahman a ni a, Baptist Choir te hian hriat an hlawh hle a, an album ami tur T.B.C. Zaithanpuia nena an sak ho Damlaini a liam hnuah tih hla pawh demand channel ah kan hmu tawh kha.
‘Min chhandamtu’ Album-ah hian hla 14 dah an tum a, Voice recording hi Hauhnar Recording Studio,ah an neiin Video shooting hi Germany ah a tam zawk chu an nei a, a bak chu Aizawl hmun hrang hrangah an nei. Video hi Zo-a (Zozam) te, Patea (redmark) te, dinagrafix ten uluk taka an shoot sak a ni hlawm.
Album cover hi Dinagrafix kutchhuak niin vairam lamah print tir a ni. Tunah hian release mai turin hma an la mek a, a release na hmun tur an la tih fel theih chiah loh avangin a ni tur pawh an la sawi thei rih lo.
An conductor Tetea chuan, “Music video kan siamchhan chu hlim tak hian Pathian hi a fak theih a, lungngaite, beidawngte rirlu hah te, hnenah Lal Isua fak hi kan mamawh chhanna a ni tih hriattir kan duh a ni.” a ti.
Theihtawpa uluka an buaipui thu sawiin, “Kan album siam hi kan bei rei tawh khawp mai, kan hmanhmawh em em lo bawk a. Audio mixing ah pawh midang la hman ngai loh hman kan tumna lamah vawi tamtak kan thlak kual a, Video editing pawh chi hran hran 5 ten kan dah phawt a chuta tha ber chu kan la a, DVD menu pawh dangdai deuh kan duh avangin siam chhung a rei khawp mai. Hei bakah hian DVD ah hian Music Video bakah zaipawl member te testimony leh gallery kan dah tel bawk a, Cover pawh midang hman ngai loh hman kan duh bawk nen kan tichhuak hma thei lo a ni a ti.” a ti bawk.
Baptist Choir Aizawl te hi nikum khan Leipzig Germany ah khawvel pumpui Baptist thalai intawhkhawmna ah Mizoram aiawhin an kal a, anni zaipawl hi zaia rawngbawl in Mizoram chhung leh pawnah an tul thei hle. An Album siam lai hian zaipawl member a mi Tv. Lalfakliana phei chu damchhunga Pathian rawngbawla missionary ni turin Arunachal Pradesh ah kal a ni.
-----------------------------------------------------------------------
Similar Posts
- Pensy English Album “I’m a Pilgrim” release ani….
- Lelte award 2009 Nominee
- BCM zaipawl intihsiakna
- CHRIS-A VIDEO THAR
- Zaipawl Intihsiak Leh Zoawi Award
He thu hi Friday, October 30th, 2009 dar 6:58 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
