Vaphai Insuihkhawm Pawl Gen.Hqrs. Aizawl chuan Mizoram DGP hnenah Vaphai daia ralthuam keng hmuh avanga an thlabar avangin hma laksak turin an ngen. Vaphai Insuihkhawm Pawl chuan DGP hnena an ngenna hehluhah chuan Vaphai VCP lehkha kan hmuh ang hian Oct 25, 2009 khan Vaphai daiah tute tih hriatloh mi pali ralthuam AK-47 leh Pistol keng hmuh a ni.
Hemi avang hian Vaphai mipuite vawiin ni thleng hian an thlabar hle a, ram, kal leh zana pawn chhuah thlengin an ralmuan loh phah tih kan hria a, heng an thlabarna leh raltitna hi a tihreh dan khawngaiha min ngaihtuahsaka hma min laksak turin kan ngen a che, tiin Vaphai VCP lehkha an thil tel a, a copy hi Home Minister hnenah an pe bawk.
Vaphai VCP chuan Vaphai Insuihkhawm Pawl Hqrs. Aizawl hnenah ralthuam keng tute tih hriat loh an khaw daia hmuh thu a report-naah chuan Oct 25 tlai dar 4 vel khan Champhai Road Km chanve vela hla kalkawng chhakah mi tu tih hriatloh mi 4, AK-47 Rifle leh Pistol keng theuh ten Pu Vanlalpeka, Pi Lalhmingmuani pasal, Vaphai, daia a kal chu kut an thlak nual a. Heng mite hi a hma ni chiah inrinni tlai khan Kawn veng nuho tuichawite pawhin an lo hmu tawh a, Pu Vanlalpeka sawi danin an zinga mi pahnihte chuan vai hmel an ang a, mahse Mizoin an tawng hlawm a. Hemi thu hi Champhai PS ah repoprt nghal a niin a ni thumnaah kut ruak maiin Dungtlang Beat Police an lo lang ve tawk a. Heng avang hian kan khua a ralmuang lovin nuho phei chu a fala ram kal pawh an ngam tawh lo a ni, tiin a tul anga hma lo la a thuneitute dawr turin ngenna a siam a ni.
-----------------------------------------------------------------------
Similar Posts
- AR ten pistol leh a mu an man
- Rifles Grenade leh 40 mm High Explosive leh a neitu an man
- Tupuiral Zirlai Pawl press meet
- Police ten Bomb an man
- Police kut atanga vawihnih tlanchhuak man leh
He thu hi Friday, October 30th, 2009 dar 4:38 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Kan Out Post leh Police Station a duty te hian an hna ah hian fail deuh chang an nei leh thin hi chu a thalo ngawt mai……. Kan Police lam hotute leh kan sawrkr hotu te hian tan an lak thar leh deuh angai in ka hria. A bikin Police Dept. ah hian……
ralthuam hi zoram ah hian a tam ani ang an man an hmu tih fo mai kan ram hruaitu te [poh hian ram muan na tur in ram ah duty post siam ve vek se a trha ng