Presbyterian kohhran in November ni 1 Khawvel Sunday School ni a naupang zirtura a tih Zoluti (Marry Winchester) Chanchin leh Upa Rokunga chanchin ziahna zirlaibu ah Zoluti an lakletna Sailam tih a chuan avangin Serchhip ah he zirlaibu hi halral tumin an pungkhawm.
Zoluti (Marry Winchester) sap ho in an lakletna hmun hi inchuhlai mek a ni a, Zoluti an lakletna hmun ni a sawi thu inchuh awm mek chu Sailam tih leh Serchhip Kawlri tih a ni a, November ni 1 Khawvel Sunday School ni a naupang zirtura tih Zoluti (Marry Winchester) Chanchin leh Upa Rokunga chanchin ziahna zirlaibu ah Zoluti an lakletna hmun hi Sailam ti a ziah a nih avangin Serchhip khua hian an helh hle a, an lo tum lawk tawh angin Naktuk nov ni 1 khawvel Sunday School nia naupang Sunday School zirlai chu vawiin Oct ni 31 khan halral an tuma mahse DC in a phalloh avangin zirlaibu halral tuma pungkhawm te chu kal darh leh ta ni a thudawn a ni.
November ni 1 Khawvel Sunday School ni a naupang zirtur Zoluti (Marry Winchester) Chanchin leh Upa Rokunga chanchin ziahna zirlaibu buatsaihtute hi Dr.T.Vanlaltlani leh Upa C.Lalmuankima te an ni a, zirlaibu phek 6 na para hnihna ah Mohamed Azim-a chu january ni 21 1872 a bengkhuaia Sailam atang ngeia zoluti lachhuak tu leh hawpuitu a ni ta a ni tiin a inziak a, hemi chung chang ah hian Mizoram presbyterian church Synod chuan thuchhuah siamin Zoluti Mary Winchester laklet na hmun Sailam tih leh Serchhip Kawlri tih te hi thu inchuh mek a nih thu leh Khawvel Sunday School Ni Nov ni 1 2009 a Naupang Sunday School chawhma a thu zir tur leh, Beihrual thupui Sept. ni 9 thu zira Sailam hmun atanga laklet leh tih lo lang hi a ziaktuten in chuh lai mek, thu leila thei tak a nih hre lova an thu lakna a zira an ziak a ni tih an lo sawi tawh a, Chhiartu Kohhran mite hnen ah thu inchuh lai a nih thu hi an lo hriattir tawh nghe nghe a ni.
-----------------------------------------------------------------------
Similar Posts
- Khawvel SS ni Thu zir tur Chungchang
- Presbyterian Kohhran in Zoluti chanchin a ziah danah Serchhip mipui lung a awilo
- 2010 a kohhran zirlai bu tur te
- Mizoram Primary Teachers Assn. Thuchhuah
- Zirlai titha leh mi hmingtha te Serchhip MZP-in chawimawi tum
He thu hi Saturday, October 31st, 2009 dar 6:16 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
hal se eng nge anih phah ang te ka ti vel mai mai a
Hal tum kher…
Thu inchuh lai mek a thiam chang zawk anghrima lo hal kher chu. Historian te uluk theihtopin a dikzawk an hriat hnu a ziak chu nise Pi Tlani hi a thiamlo a ni ang a, mahse kan mizo history bu tamtakah sailam tiin a inziak si a.Chuti chunga mithenkhat ten hal an tum kher hi chu an ti mak (sak) ve ngawt mai.Tourist engzat tak hip phah ang maw..he he
hal han tum vel kher kha a,a tulna ka hremiah lo,Presbyterian member chu an ni ve ngei awm tho si a,he ti lo deuh hian action lak dan chu a awm ang mawleeeee..