Zunthlum natna hian khawvel pumpui hi hrileng (Epidemic) angin a tuam mek zela; meizial zuk hi zunthlum veina thlentu zing ami (High Risk Group) ani. Cancer chi hrang hrang a thlen te chu thil dangah lo dah ta ila, meizial zuk hian zunthlum a thlen theih chu thil dang lo ni leh ta se, zunthlum vei mek te tan meizial zuk (Tobacco Smoking) hi a hlauhawm em em ani.
Zunthlum hian kan thisen zam kan taksa pumpui ami hi a khawihchhia in thisenzam te ati sawng (Atherosclerosis) thin a, chutiang bawkin meizial zuk hian thisenzam (Artery) te hi a ti sawng in ati khawng thin a (Atherosclerosis) chuvang chuan heng thil thalo pahnih – Zunthlum vei leh meizial zuk hi kan taksa tan a pawi em em ani.
Heti zawng hian sawi ta ila – Zunthlum vei ringawt (Meizial zu lo) hi zunthlum vei lo aiin a let thum (3 times) in lungnatna (Coronary Artery Disease) a nei tam bik a; zunthlum vei in mei a zuk ngat phei chuan; zunthlum veilo mei zu lo aiin a let kua (9 times) in lungna (Heart Attack) vanga thihna chance angah bawk.
Tin, zunthlum in a mit (Retinopathy), kal (Nephropathy), hriatna thazam (Neuropathy), thluak a khawih chhiatna (Stroke) te hi meizial a zuk chuan a let in an chhe chak ani. Chumi anih avang chuan zunthlum vei te chuan meizial zuk hi an thil nghei tur hmasa ber ani.
-----------------------------------------------------------------------
Similar Posts
- Meizial Zuk Lohna State-a Siam Tur CM-in A Ho
- Meizial zuk a hlauhawm Bomb tenau a ni thei!
- ZUNTHLUM LEH CHOLESTEROL TANA TANGKAI
- ZU – Dr. Lianhlupuii (Puitei)
- Hriselna Huang
He thu hi Tuesday, October 27th, 2009 dar 8:49 pm a Health . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Meizial te chu a rimchhiat vang ngawt pawh hian nghei tlak alawm. Hriselna lam chu sawiloh a sum tih hek zia ngawt pawh hi.
Taikheri in lo hmu em?
Tu tai emawni a kher mek lawm ni. misual.com lamah