By bronco | November 30, 2009 | 4:33 pm | Posted in : NEWS | |
Vanglaini : Aizawl Theological College (ATC), Durtlang office pawisa, Rs. 70,000 chu a bo a, a bo dan hriat a nih loh vangin Bawngkawn Police Station-ah FIR thehluh niin, tun thlengin hmuh a la ni lo. ATC pawisa bo chungchangah hian Police-te’n FIR bawhzuiin, ATC-a thawk pathum – chowkidar, peon leh cleaner-te chu thu zawhfiah atan an la a, November 27 zan khan Police Station-ah dah niin, a tûkah chhuah leh an ni. Thu dawn danin, thu zawhfiah atan pawisa khawihtu Accountant leh mi dang pakhat erawh chu police-te’n an la la ve lo. Anni la lo a, hna hnuaihnung zawk thawkte zankhuaa lock-up-a hrên an ni zawk chu hriatthiam har an ti deuh nia thu dawn a ni
November 13-a Zarzokima, Bungthuam tualthihna avanga Tuikuk in kang chungchanga sorkar laipuia Mizoram sorkar hektu, Asian Centre for Human Rights (ACHR) chuan Home Minister R. Lalzirliana sawmna chhangin, Mizoram sorkarin rem a tih hun hunah rawn enfiah an inpeih thu an sawi. Home Minister pawhin ACHR rawn kal chu an remtih reng thu a sawi.
Nov.27 (FRIDAY) tlai dar 5:30 vel atang khan KOLKATA, NEW MARKET atangin a chin hriat lohin a bo a, ni thum leh tih a chin hriat a nih loh hnuah, Nov 30 zing dar 2 vel khan Mizoram House ah amahin alo let leh.
Lamawii bo chungchanga Kolkata a zirlai awmte inpekna a ropui a, Mizo nih nuam zia a lang chiang hle a ni. Tha leh zung senga Kolkata khawpuia theihtawpa hma latute chungah Lawmthu kan sawi e
By laltea | November 29, 2009 | 10:57 pm | Posted in : ETC, Health | |
Tirhkoh Pawla(Paula) khan Timothea hnenah khan i pum a that loh avangin tui chauh ni lovin uain tlem lo in thin ang che a tia. Doctor te pawhin hmanah chuan(ti mai ang)i lung that loh avangin wine tlem in thin ang che tiin damlo(lung thalo) an chawh thin.
Hman ni chu Sairang ah picnic in kan kal a, kan haw lam chu tum aiin kan tlai ta a, khua a chianglo nen, accident tam lai lo ni bawk, ka hlauthawng ru viau maia, kal lama Bus hnung lama thu a zai vak vak si kha hmalam panin Driver hnung chiaha seat chu ka va chuh a, kawng awmdan chipchiar hmuve kar thei tura awm kha ka duh ani. Amaherawhchu vanneithlak deuh maiin kan chhuah dawna Driver in light a han tih en chuan thu mawi em em mai ka va hmu ta!
Tin, Isuan a chhanga a hnenah ‘Tupawh he tui in apiang an tuihal leh ang. Tu pawh an hnena ka pek tur tui in apiang erawh chu, kum khuain an tuihal leh tawh lovang. Keiin an hnena tui ka pek tur erawh chu an kawchhungah tuihna a lo awm ang a, chatuana nun thlengin a chik chho vang’. Johana 4:13-14
Tunlai chu chanchin thar chhiar a nuam lo thin ngei mai. Rinloh takin thihna kut vawt chuan thalai nun duhawm takte chu dimna tel lovin, rawng takin a ava han man ngun laileng vele. Hman deuhah Lalhmaa zaithiam kan chan tawha tunah Isaac-a kan han chan leha, hemi inkarah hian thalai tam takin thihthutna tawkin khawvel min liamsan ta zawng a nih hi. A pawi thin teh e.
Thihna chu tar tan asin maw kan lo dah thin le. Mahse thihna hi chuan hun a vawng dik kan ti dawn nge diklo kan ti dawn tih pawh sawi thiam a harsa anih hi. Thihna hian hun pawh a neilova hunlo pawh anei More >>>>
By J | November 28, 2009 | 1:45 pm | Posted in : Music, Religion | |
Bawngkawn Pastor Bial Zaipawl te Krismas album hi hmanni deuh mai a an release kha ania. Anni hi thluk hnih zaiah ngat hi chuan tluk nei lo ka ti tawp. Tun tum a an hla sak pawh hi a mawi hlawm lutuk a khawvel pum hmuh leh hriat atan youtube sak vek mai ka chak. Mahse a tha ber dawn si lo. Hei hla 2 chu ka rawn ti hram e. An thiam thlawt a ni.
November 26 khan Dak In Pui (Post Office) NSC buaipui tur ka neih avangin ka va dawr ve a, kawngkapui luh chiah ah hian a thawk tu te thutna leh an hnathawhna dawhkan sei zet mai hi alo in hung a, chu dawhkan sei zet vei lam ta ber a thu chu ka dawr tur chu lo ni in ka va pan ta vang vang a.
Kum 2007 Mizo Idol thlanna atanga mipui in kan lo hmelhriat tan Isaac Lalmalsawma (24) chu Nov 28 zing dar 2:30 khan Aizawl Civil Hospital ah accident avangin a boral.
Isaac-a hi zing dar 2:00 vel khan a lenna Pi L. Tochhawng te in Zarkawt atangin a haw a, Canteen kual ah Taxi khalh zir nen an in su ta ni in kan thu dawn na chuan a sawi. A hmunah hian boral nghal mai lovin Hospital an thlenpui hnu reilo te ah a chatthla zui ta a ni.
