Kum zabi sawmpangngana daih tawhah khan khaw te tak te Nuremberg-ah khuan chhungkua chhangchhe tak mai an cheng a. Chhungkua member 18 lai mai hrawk chawm a ngaih avangin pa ber chuan nitin hahthikul a a thawh a ngai a, an hnathawh ber goldsmith chu nitin darkar sawm pariat lai mai a thawh a ngai a ni. Chutiang chhungkua atang a sei lian ni mahse a upa lam pahnih te Albrecht Durer leh Albert te chuan duhthusam an nei ve tlat a. An pahnih hian lemziah (art) lam an tui em em a, mahse chumi zirtur a zirna in a kal tur chuan an sumin a tlin mawlh dawn lo tih pawh an hai lo. Mihring hian rilru a kan ngaihtuah a theih ni a kan hriat tlat hi chuan theihdan kawng hi a lo awm zel mai a lo ni.

Sunday tuk khat chu an pahnih chuan ti hian an inrem siam ta a. Coin an toss ang a, a chak lo zawk chuan lungalhthei laihna khur-ah kum li chhung a thawk ang a, a chak zawk chu a chawm dawn a ni. Pakhat zawk kum li a zir leh chuan a lo haw ang a hna lo thawk kha a chawm leh thung dawn a ni. Coin an han toss a, Albrecht Durer chuan hnehna a chang a, a suangtuahna te tipuitlin turin lemziahna sikulah a kal ta a. Albert erawh chu lungalhthei khurah kum li chhung hnathawka a unaupa chawm turin a chhuak ve thung a. Ngaiteh! kumli a lo vei meuh chuan Albrecht Durer chu lemziak thiam tak a lo ni hman a. Kum li a zawh chuan a chhungte hnenah a rawn let ve leh ta a.

An chhungkua a Albrecht Durer lo let an lawmna-ah chuan chawhlui an kilho a. An hun chu hlimna leh lawmna nui ri in a khat a ni. Albrecht Durer chu a lo dingchhuak a, “ka vanneihna hi ka unaupa inpekna zar liau liau a ni a, chuvang chuan kei hian hnathawk ve tawhin ka chawm ve dawn a ni.” a rawn ti chhuak a. Kilkhatah chuan Albert hian kut khur der der chungin. “A theih tawhloh..a tlai tawh..a tlai tawh..” alo ti chuai raih a. Albert-a chuan lungalhthei khur a hnarim tak a thawhlai khan a kut a hman rim luatah natna pakhat arthritis an tih chu a lo vei a ni. “Unaupa, kum li chhung a hna ka thawhlai khan ka kut te hi vawikhat tal chu an tliak vek a sin..ka tan chuan a tlai tawh..a tlai tawh a ni” a ti a.

Mi tamtak chuan Albrecht Durer, German mi Renaissance painter thiam tak kuthnu tamtak nei ni in kan hre thin a. A lemziah tamtak zinga hriathlawh ber pakhat chu “Kut” ti a a vuah kha a ni. Albrecht Durer chuan atan a inpe a unaupa kut lem chu a theihtawkin a ziahsak a, color mai bakah mittui pawh lemziah ah hian a seng nasa hle ang. Mite chuan he lemziah chhan an an han hriatchian chuan an thinlung a khawih em em a,”Kut” tih mai duh tawklo in “tawngtaina kut” tiin an thlaksak ta a ni. He lemziak hi han en mah teh…tawngtaina kut mite tan a inpekna a lang tel tlat a sin! I hmu ve fo tawh thei bawk.

kakhawvel.blogspot.com (HJ request vangin ka han let pawp pawp a ni e)

Share

-----------------------------------------------------------------------
Similar Posts

• Khawtlang Leh Kohhran Bel Tan Chhungkua A In Kawm Ho Na Tur Zan Awl A Vang??
• Chhungkua hi engtin nge i lo din ve le? – Marem
• Duhthlanna sangber
• Pahrawn pawngsual tawkin thubuai thehluh tum!!
• AP Chief Minister a thi

He thu hi Tuesday, November 17th, 2009 dar 1:31 am a Literature . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.