November 13-a Zarzokima, Bungthuam tualthihna avanga Tuikuk in kang chungchanga sorkar laipuia Mizoram sorkar hektu, Asian Centre for Human Rights (ACHR) chuan Home Minister R. Lalzirliana sawmna chhangin, Mizoram sorkarin rem a tih hun hunah rawn enfiah an inpeih thu an sawi. Home Minister pawhin ACHR rawn kal chu an remtih reng thu a sawi.
Home Minister R Lalzirliana chuan, ACHR chu an duh hun hunah Mizor4am khawthlang lam boruak enfiah an phalsak thu Vanglaini a hrilh a, “ACHR lam hian Mizoram khawthlang lam boruak enfiah tura sawmna an pawm thu hi lehkhain min rawn hrilh tawh a. An duh duh hunah an rawn enfiah chu phal lohna tur a awm lo a, tlawmngai pawl dangte pawhin duh hun hunah an enfiah nai a ni,” a ti.
ACHR-in Tuikuk in hal a nih chungchanga Mizoram sorkar leh NGO-te an inrawlh leh rawlh loh an endiknaah hian security pek an phut tih a sawi rualin, hei hi an la ngaihtuah loh thu Home Minister chuan a sawi.
New Delhi-a hmun nei, ACHR hian Mizoram khawthlang lama chenna in hal chu Mizoram sorkar leh NGO thenkhatte ruahmanna anga sawiin sorkar laipuiah an thlen a. Union Home MinisterP Chidambaram hnenah lehkha thehlutin, Mikzoram khaw thhlang lama chenna in hal chungchang chu CBI chhuitir turin an ngen a, “Tuikuk raltlante Mizorama hruai kir an nih lohna turin, Tuikuk beihnaah khan Mizorama sorkar leh NGO thenkhatte an inrawlh a ni. Lal Thanhawla rorel apiangin Mizoram chhunga hnam tenau zawkte’n beihna an tawk thin. He thil thlengah hian CBI inrawlhtir ngei chi a ni,” an ti.
Sorkar laipuia ACHR thu thlen chungchangah hian R Lalzirliana chuan, ACHR chu thil finfiah hmasa tur leh buaina chhuak tur veng tura Mizoram sorkar chet dante zir hmasa turin a hrilh a; hemi bawhzui hian ACHR chuan Mizoram rawn kal an tum thu Home Minister hi an rawn hrilh a ni.
ACHR hian Mizoram sorkarin venhimna a pek theih chuan Fact Finding Team member panga awmna rawn tirh an inhuam thu an sawi. Thudawn danin, ACHR mi tirhte hi an rawn kal chuan, sorkar thuneitute, MZP leh YMA hruaitute leh Tuikuk Tripura-a tlanchhiate kawm an tum a, chenna in kanna hmunte chipchiar taka fan an tum bawk.
Ruahmanna ang chuan, ACHR team hi UN Special Rapporteur on the Rights to Adequate Housing hlui, Miloon Kothari-in a ho dawn a. Member turte chu – Director of ACHR, Sushas, Chakma; Meghalaya-a human rights activitist, Dashalene Karbetang; Guwahati Press Club Gen. Secretary, Nava Thakuria leh Arunachal Citizens Rights Chairman, Bamang Tago te an ni
-----------------------------------------------------------------------
Similar Posts
- Lal Thanhawla hun apiangin hnam tenau him lo: ACHR Diector
- ACHR in CM hnenah ngaihdam dil
- TAITESENA GROUP YMA PRESS RELEASE: Dt.31.4.2009
- HPC(D) te hi fapa awm tha duh lo angah kan ngai : Home Minister
- HM-in Burma sipai sorkar kuta hlan chungchang sawifiah
He thu hi Monday, November 30th, 2009 dar 4:29 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Lo kal teh se. Ral khat atanga thu mak deuh deuh an chhuah hma khan lo kal hmasa sela tha tur. Human Rights kan lo bawh chhia anih pawhin ‘Thian chhan thih ngam’ kan nihzia tal kan lo hmuh tir ang chu le.
An va lo kal har ve! Side neisa ranin an lo kal don tho2a, awmzeless khop ang. A ti hmasatu/kaphlumtu/tualthattu, nunna hial latu dem lova a tuartu side tlat reng maitute hi eng ‘Human Right’ group maw ni a?
hetiang pawl khawi khawi a mi ho hian Mizoram hi an rawn en fiah tur pawh kan ni bawk lo a .Tin,state dang kan ram rawn inti enfiah tute hian intih theih nan an hman phah dawn .Enfiah tir malek loh tur a sin le
Enfiah tu ni tur hian an lian tawk em maw ni le.Engtin pawn Mizo hi min sawi mahse kan zam tur a ni lo.Hetiang ho mai mai te enfiah tur a han sawm chu aw…
NGO te chu din a har vak hlei nem…
An website a tang chuan Janakpuri an address a nia Delhi-ah chuan Mizo bank pawh kha Janakpuriah a awm thin kha ka mumang a nih loh chuan .NGO office a awm tiarh tuarh in ka lo hria he mi hmunah hian .NGO workers tam tak pawh hi state dangah chuan opportunists an tih ang chi hi an tam mai tih tak tak a thawk lo hmanrua a tan