Nimin chhun khan Champhai Zotlang naupang pahnih Little Rose English Medium School-a pawl 6 zirlai ve ve chu Tuipui Lui hnar lam, Phaizau Zau FMC tuikhuahah an tlahlum a, fapa mal ve ve niin thudawnna chuan a sawi.
Heng mipa naupang te hi Zomuansanga (12) s/o K.Thanghnuna leh Lalramnghaka (11) s/o Khuangnghilhlovi te an ni a, tuia an tlak hun chiah leh an chetsual dan hi sawi thei an awmlo a ni.
Zomuansanga ruang hi nimin chhun dar 12:30 vel khan lakchhuah ani a, Champhai damdawi in papui nghal mahse tui atanga an lakchhuah hian a marphu an hmu tawh lo niin thudawn ani.
Lalramnghaka hi tuikhuah kamah a thuamhnaw hmuh a ni a, In lamah a haw nia ngaiin vengchhung an indap a, an hmuh loh avangin tuikhuh hi an dap leh a, chawhnu dar 2:30 vel khan Lalramnghaka ruang hi an hmu ve leh ta a ni.
Nimin sikul chawlh denchhan khan mipa naupang pahnih te hi tuikhuahah hian an cheng a nih an ring a, lawnglengah chuan an tum a, an chesual ta nia ring an awm.
-----------------------------------------------------------------------
Similar Posts
- Champhai Dist. ah mihring 1,25,383 awm
- Chhim lamah ruang pahnih chhar
- Rannung seh vangin thi?
- Khawzawl ah gypsy in naupang a chilhlum
- Serkhan ram kang thelhtu mi 2 an kanghlum
He thu hi Tuesday, November 3rd, 2009 dar 3:07 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A enkawltu te mawh a nih chu. Naupang an mahni in an thlahthlam mai mai ngailo. Tui hi khuannu siam tangkai em em si, hlauhawm rapthlak ni thei bawk a ni tih hi in hrilh a pawimawh fo.
A dik reng……