Hman ni chu Sairang ah picnic in kan kal a, kan haw lam chu tum aiin kan tlai ta a, khua a chianglo nen, accident tam lai lo ni bawk, ka hlauthawng ru viau maia, kal lama Bus hnung lama thu a zai vak vak si kha hmalam panin Driver hnung chiaha seat chu ka va chuh a, kawng awmdan chipchiar hmuve kar thei tura awm kha ka duh ani. Amaherawhchu vanneithlak deuh maiin kan chhuah dawna Driver in light a han tih en chuan thu mawi em em mai ka va hmu ta!
Driver sir ah chuan nalh deuh mai hian ‘LALPA CHU MIN VENGTU A NI’ tih hi alo inziak kalh mai. Chu thu chuan mak tak maiin thawk leh khatah min thlamuan nghal huai huai mai nia mawle!
Tichuan kan chhuak ta a, keipawh a hma zawnga hlauthawng em em si kha chu thu ziak ka hmuh hnu chuan chhun lama tuihleuh ka zirna lamah ka invai chau nen, hahdam thei ang berin ka inrem sauh sauhva ka thian tha ber, ka ngaihtuahna chu ka kawm chho leh ta mial mial a. Mahse chutia lungmuang taka Pathian venna hnuaiah chawl khawmuang lovin tluang takin kan thleng tawh mai dawn emaw tih lai chuan kan Driver ber chuan RV ah khuan zunram thiar a rawt ta tlat mai, ka ngaih a tha ta miahlo! Ka ngaih thatloh ang ngei mai chuan conductor zunram thiar rawn let leh lam chuan Polythene dum ngei mai chuan a rawn khai ta lang lang mai le! Ka mitthla ah chuan hman kuma kan kawmchhak lawka Taxi accident kan buaipui tuma a hma lama ‘HEIHI ISUA ZARA KA TA ANI’ tih lo inziah laia a hnunglama Rambo Polythene tam tak maia Zu infun kan va hmuh si tum kha a lo lang nghal a, tanpui ngai nisi in anmahni pui tur pawha YMA hruaitute pun lo hram tura min ngen ngawih ngawih laite kha!
Hetiang hi in tawng ve fo tawhin ka ring, Kristian ram ti a kan lo chhal ve thin Mizoram ah hian heihi kan dinhmun chu a ni. A kawr bakah kan hmanglo an tih thin hi alo ni takzet tawh a ni lo maw aw? Nang leh kei pawh hi i inngaihtuah teh ang, khawiah hian nge Kristian kan nihna chu a lanchhuah thin le? Biak In, Inkhawm, Bible, Pathian thu kan tar chiai chuai te leh Fakna hla sak te hi bo ta vekse kan nun ringawt ah hian Kristian kan nihna hi a la lang chhuak zo tho ang em? Kan Mizo ringtu hmasate kha chuan Biak In nei lovin, Bible zakzeh chhuah tur pawh la neilo mahse midangte khan “Hei chu Pathian ringtu ani e,” an ti thei thin asin.
Pathian venna chu kan duh a, a ven tlaka awm kan tum silo, malsawmna kan duh a, malsawm phu in kan nung reng em le? A Taxi a ‘Heihi Isua zara ka ta a ni’ tih ziaktu chuan eng rilru pu in nge a ziah? Pathian hi a bawla bawl lawm chi ani lo asin!
Ram hrang hranga Kristiante nen hian han in khaikhin kual ta ila Mizo Kristiante aia dal hi chu an vang ngawt tawh lo’ng maw? Enge Kristian kan nihve nachhan tak hi ni hlawm ta ang le? Kan thlahtute atanga Kristian chhungkua kan nih vang te, kan birth certificate leh kan form fill up na hrang hrang ah te Religion ziahna tura Christianity kan dah vang chauh leh keimahni insawina vang chauh hian emni Kristian kan nihna a lan chhuah tak le?
Kristian kan nihna kan nundana a la lan chhuah na ber chu hunbi neia Pathian biak inkhawm kan la nei thin hi ni in ka hria, hetah pawh hian Pathian kan be meuh em? Kan inkhawmna te pawh hi zir chian a hun ta. Chawlhni a lo her chhuaka, Pathian fak leh chawimawi tum rilru puin nge kan inkhawma a hunbi alo herchhuah vang chauhvin Biak In lam kan pan ve hram hram zawk? Biak In chhung kan han lut ta chiah a eng rilru nge kan put zui tak le? A tam zawk rilru ah hi chuan Pathian chawimawi tumna rilru aiin, inkhawm hun alo herchhuah vangin kan ti ve hram a, tihdan phunga kan lo neih tawh angin Chairman, kohhran thupuangtu, tantu leh thusawitu te an lo ding chhuak a, fakna hla sak te nen, kha’ng kan inkhawm dan programme pangngai duansa kha ning rilru takin kan va tlingtla ve hram hram ni berin ka hre thin. Tam tak te phei hi chu Lei leh Vana thuneitu biak buka kan luh ai hian khawi lai officer emaw dawr tura an office kan luh hian kan nungchang a mawi zawk fe lovang maw?
I inkhawm hi Setana huat tling khawpin i inkhawm thin nge Setana phal chinah i lo inkhawm thin zawk le? Hengte hi rilru ah i han ngaihtuah tlang teh ang u:
1) Kristian ka ni kan intih ve na hi keimahni insawi vang chauh nge Pathian hian Kristian ah min pawm ve tak tak?
2) Kristian kan nih avang hian kan Pathian biak piah lamah ringlo te nen hian kan nunzia ah danglamna a awm em?
3) “Pathian kan chawimawi,” kan tih lai hian Pathian hian, “Heng mite hian min chawimawi,” a ti ve angem?
4) Zorama “Pathian rawng ka bawl,” inti nazawng hi Pathian hian, “Hei hi ka rawngbawtu ani,” a ti ve angem?
Kan nun hi i inchhut tlang teh ang u, Kristian kan ni meuh em? Mi dangte’n, “Heihi Kristian a ni e,” min rawn tih nachhan hi eng ber nge nita le?
-----------------------------------------------------------------------
Similar Posts
- Mizo Thalaite an sakhaw mi lo
- Zohnahthlak zinga mi chhuanawm
- Khawtlang Leh Kohhran Bel Tan Chhungkua A In Kawm Ho Na Tur Zan Awl A Vang??
- KRISTIAN SAKHUA LEH MIZO HNAM SAKHUA DANGLAMNA
- June. 11 zan khan khau a puang
He thu hi Sunday, November 29th, 2009 dar 12:43 pm a Articles, ETC, Religion . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A zaktu pa hi a pi in Pastor atan a hlan a, mahse ani ta silo…… Mahse a thu ziak atang hian Pastor rim chu a nam deuh tho in ka hria. Ti tha thin mange…… Bena nge nge…..
deuh teh daih chuan engnge bus conductor in polythin dum a khai tak chuan pawi a khawih tak chu aw ka van hrethiam lo ve a.enge kristian te tan polithin dum khaikha sual a nih tak viauna chhan ni ta.a chhungah chuan zu a awm ngei ang a chu poh suala lani chuang lo in pohnnise a sual chuang lo.a service lai a a in anih chuan sual dan bawhchhia ani chauh.kha ai a sual lain hlep ruk na sual te hi haw zawk teh un.i trha zawk lo maw biakin lianpui te kha ei rukthawh a sak an ni mial lo mo ka unau kha daih kha asin
Hmingtea, i sawi dik e, eirukna chu sual ani a, biak In sak nan an hmang emaw hmanglo emaw sual ani hrim hrim a ni. Eirukna mai bakah thil sual tamtak hi he Kristian ram intihna ah hian insumkarna nei miah lovin kan khawih meka, polythene dum khai chungchang hi chu heng thilsual tamtak, eirukna i rawn sawi te thleng hian Pathian hming lam chung reng si a inthiamlohna nei miah lova kan tih thinte ngaihtuah chuak tura ka ngaihtuahna min kai hertu leh chhiartute’n suangtuahna an lo tih zau theih nana entirna pakhat tarlan ve mai zawk a ni e.
Polythene a Zu khai naran chuan ka ngaihtuahna a kaitho biklo, amaherawhchu uluk fahrana ‘LALPA chu min vengtu a ni’ tih inziak tar chunga Zu lam nana hman lehsi khan a ni dawn ti thui ta zawk ni. Ka tum aiin a entirna ah i rilru i lo pe thui mah mah a ni e. Zu hi sual anih leh nih loh lamah chuan inhnialna tawp theilo a lo awm tawh thin a, chu lam ai chuan Pathian hming lam chung rengin thil sual kan ti a, A venna kan mamawh zia leh A awmpuina inthlahrung hauh lova dil chung rengin a ven tlaka nun hman kan tum silo tih entirna pakhat ah i ngai mai ang hmiang.
Bena Ralte, i ziak tha hle mai. Ni e zu hi sual a nih leh nih loh ah chuan in hnial na hian top chin a nei don lo. Zu hi sual a nih na chu a awm miah lo. Mahse, Mizoram ah chuan zu hi khap a ni, dan phal loh a ni. Dan phal loh mi in a tih chiah hian sual a ni a, a ti tu chu thil sual ti tu a ni bawk. Ram hrang2 ah pawh ram chhung khat a state zing ah ngei pawh sorkar in a khap leh khap loh chu a in ang lo viau hlom ang. Mahse kan thil khap kha thil sual chu a ni kher lem lo bawk. Mahse sorkar in a a khap leh dan in a phal loh tih kha thil sual zok chu a ni. A hmun a zir a thil khap a dang lam ang bawk in, a hun a zir a thil khap pawh a in ang lo.
Eiruk na pawh kan vei, zu pawh kan vei, sorkar poh kan vei, thil dang tam tak poh kan vei theuh ngei ang. Thil pakhat kan vei kan soi lan a vang hian thil dang kan vei lo tih na poh a ni chuang kher lo. Dik tak chuan ei ruk hi thil tha a ni lo, thil sual a ni e ti a vei tu em2 tam zawk te hian an veng a eiru an hrait chian em em te hi hmai chhan ngei ah hrilh ngam eng zah tak awm ang maw, vei viau hlom si hian. Zu vei tu tak2 te hi chuan veng khat a zu ngawl vei te hi len chilh in a that loh zia leh sim tur a an duh zia te hrilh in camp a lut tur te in hmai chhan ah an sawm thin zawk. Khawnge eiru ka vei ti tu te ho hi an awm zawh tak vek si?
Chumi chu vei zawk ta che u in ti lo hian, thil vei kan nih chuan kan thil vei theuh te ti reh tur hian mahni theuh in tan la i la, kan vei ang lo vei tu te nen thawk ho in a tak ngei in kan thil vei hi ti lang ta i la, kan hlok pui zawk lawng maw?
Ka Kristianna chu midang thil tih sawisel tu ni lova, vanram kal tur hian mahni chakai khawrh ka nih ka hriatna hi a ni mai awm e.
Ka rilru suangtuahna in fel a tih mila mi an nun chauhin fel ka ti lova, an nun lovin an sual ka ti thei chuang heklo. Bible thu hi ka suangtuahna in ka hrilhfiah ngai lova, a in ziak hi entirna nen awm sa anih avangin a lan dan ang ang hian ka pawm mai. “chumi chu chumi tihna a ni,” tih ang vel hi ka pawm velo. Pathian thawk khum chu a ziaka kha a ni a, midang ten kan suangtuahna mila kan tawngkam thiam na a kan sawifiah tum hi, an risk huai ka ti thin.
Ka lawm khawp mai Rouvenettaz.
Dosil, “Sawisel suh u, sawisela in awm loh nan…” tih hi kan la uar mah mah a nilo maw ka ti thin. Lal Isua khan a hun chhung zawng khan Farisai te sawisel reng reng in a ni hun a hman ve tho, Temple ah phei kha chuan tharum a chelek ve hial sin. Mahse mi awm mai mai a sawisel a ni lova, a ngaihdan ang lova Pathian bia leh nun lem lutuk ho kha a sawisel thin. ‘Mihring siamthat na’n khawdur a ngai’ tih a nih angin kan innuih liam mai mai chhung hi chuan tumah kan insiam tha tak tak lovang.
Kan Kristianna hi mahni tana vanram kaina tur chauh atan ,nilovin midangte pawhin an lo kai ve theih nana bei tur kan ni zawk asin.
Mihring zingah hian misual leh mitha thliar hrang tura fel famkim tumah kan awm lovang, amaherawhchu Kristian tana tiha mawi leh mawilo hi chu mi tupaw’n kan hre vek thung ang.
I ti dik e, Bible thu te hi mahni ngaihdana lo hrilfiah tum hi a hlauhawm khawp mai, chubakah Pathian thawk khum a nih vang hian Kristiante chuan kan pawm em em a, helai tak hi Setana pawh hian hmanraw tha lutuk atan a hmang ve fo mai. Kan inkhawm dan tih tak loh zia leh dan ang chauhvin kan kal tih ka ngaihtuahna hi biakin chhung ngei a ni a, ka rilru a lo lang chu Lal Saul-a hnena Pathianin an halral thil hlan ah te a lawm loh zia hrilh tura Samuel-a a tirh chungchang kha a ni daih. Chu thu ka ngaihtuah ngut ngut chhung chuan inkhawm a zo der a, keimah ber kha Pathian biak ngaihtuah lo leka thil dang lo ngaihtuah tu ka ni tih ka hriatchhuah meuh chuan a tlai vek tawh. Hetiang hian thil tha ni a kan hriat ngei ngei hmang hian Setana hian mi a lo bei thin.
Ka thu ziak hi keimah ang bawka famkim lo leh nun lem nena nung hi mi tamtak an lo awmve ni a ka hriat tak vang leh kan insiam tha tlang thei mahna tih rinna vang chauhva ziak ka ni.
kei chuan zu in hi sualah ka ngailo ka duh chuan in phal na hmunah chuan ka in mai englai poh in ka kawl bawk ka tan a trhat loh hun hei tunlai poh hian kar thum ka in tawhlo ka kut ka hliam avang in in suh titu ka tawng lo doctor te poh in in loturin min ti lo bawk amah erawh chu tunhma chuan zu avangin tawnlohtur te poh ka tawng ve tawh fo chu poh chu keima thiam loh zu hneh lovin zuin min hneh vang mai zawk a ni tun hnuah chuan ka hneh tawk in zu ka in trhin tawh
Kei chuan Lalpa hi chu ka zu in emaw ka trawngtai lai emaw mawh a min vengtu ah ka ngai a sual kan tihlai hian ven kan ngaih lai tak zawk a ni hial in ka hria in Drver poh chuan ven a ngaih zia a hria anih chu a ti dik lom pui zawk ang u
Ngaihtuah a va tithui ve.
kei pawh hmingtea polythene dum ngiahmawh hi ka lo ngiamawh ve deuh a ha2 amaherawh chu i ziak tha khawp mai.
engtin nge Bible in a soi ve le…
I Korinth 6:9-10 “Anih leh mi fel lote chuan Pathian ram an luah lo vang tih in hre lo em ni le? Bumin awm suh u; Inngaih hmangte emaw, milem betute emaw, uirete emaw, mi hur te emaw, mawngkawhurte emaw, ruk hmangte emaw, mi duhamte emaw, zu ruih hmangte emaw, mi hau hmangte emaw, hleprute emawin Pathian ram an luah lo ang”
Vanram kailo tur list… Inchhira, sima Pathian lam an hawi loh chuan Vanram an kai lo ang… Tlai khaw hnuah ka rawn post ve