Evening Post : Asian Centre for Human Rights (ACHR) chuan home minister P Chidambaram hnenah Mizo tlangval Zarzokima November ni 13, 2009-a a thihna leh a nghawngte chu Central Bureau of Investigation (CBI) chhuitir an ngiat a. Mizoramah Lal Thanhawla’n sawrkarna a chan apiangin hnam tenauin an tuar ziah niin an sawi bawk.
New Delhi-a hmunpui nei Asian Centre for Human Rights (ACHR) chuan Zarzokima thihna chu CBI-in chiang zawkin chhui se an ti a, thil inthup awm theiin an ngai niin a lang. Hetihlai hian hemi nghawng November ni 14 chhoa Tuikuk in 500 vel lai hal leh Tuikuk nunau mangang 5,000 lai Tripura leh Assam rama an tlanchhiat chungchang chu CBI hian chhui bawk rawh se tiin union home minister hnenah thu an thlen.
“Thil chiang taka lang chu Mizoram sawrkar leh NGO-te hian Tuikuk raltlan Mizorama an kir leh lohna turin November ni 14, 2009 atanga Tuikuk beihna phenah khan an awm tlat a ni, Mizoram chhunga hnam tenau zawkte hian chief minister Lal Thanhawla roel apiangin beihna lian tham an tawk zel a ni, hengte avang hian CBI hian an chhui ngei tur a ni,” tiin Director for Asian Centre for Human Rights, Suhas Chakma chuan a sawi.
ACHR lam sawi dan chuan Congress sawrkar hian chi leh chi intihbuaina a veng zo lo a, hnam tenau zawk a humhalh hneh lo an ti a. Mizorama hnam tenau zawk beihna lian tham i.e. August n1992-a Marpara-a Chakma beihna, kum 1995-a Chakma tam tak voter list atanga paiha 1955 Citizen Act and 1986 Citizenship Amendment Act bawhchhiat leh kum 1997 October thlaa Bru beihnate chu chief minister Lal Thanhawla sawrkar laia thil thleng vek a ni tiin an sawi. Tun hnaia Tuikuk raltlante chhawmdawla pakhatmah Mizoram sawrkar hian a pe lo tih a sawi bawk.
ACHR chuan sawrkar laipui, Mizoram sawrkar leh Mizoram Bru Displaced Peoples Forum (MBDPF)-te chuan Tuikuk raltlante Mizorama him leh thlamuang taka huaikir a nih theih nan intawhkhawmna nei thuai turin an nawr bawk a. Harsatna tuar mekte chhawmdawlna a rang lama ngaihtuah nurin a ngen nghal bawk a ni.
-----------------------------------------------------------------------
Similar Posts
- ACHR-in Mizoram enfiah tum
- ACHR in CM hnenah ngaihdam dil
- Tuikuk in mizo 17 that tawh:MPCC
- Mizoram Human Rights Report 2009
- Regime change in Burma
He thu hi Saturday, November 21st, 2009 dar 4:57 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Mizoram a nih hi hnamdang inrawlhna tur ka hmu dah dah lo Mikhual nihnaah hian kan mikhualna te tan hian hnawk lutuk nih hi an pawiti der nang le.Remchang hi an zawng thum mai.Tha te te in mikhual awm ve hlawm ang hmiang te ka ti a nge ni keiniho hian kan lo mikhual chei lo chiam zawk mikhual duat te hi Pathian thu nen a inhmeh mahse …
Bronco, misual.Com ah i post zawk lo nia aw…!
Mizoram sawrkar leh NGO te khan zuk chhu zui ve sela aniang chu.
[...] Source: Buannel.com [...]
mi(sual).com ah chuan a la vung tha hlarh hlarh khawp mai… ka va chhiar leh zawk teh ang…. hetah chuan tunah inleng in la tlem em mai !)
Ka rilruah thil pahnih chiah a awm :
1. Congress ho in vote hmuh nan Bru-ho an ziak lut chiam thin an tih nen a va in khalh ang reng si ve.
2. Thil thleng reng reng hi keimahni min nghawng (effect) anih loh chuan kan va namnul em em ve tih te. Entirnan. Hman kum Burma nunau hawhchhuah chiamte kha Congress hunlai a ni em? (ka congress vang a ni lo a nia, kei chu pawl lo pawl
) Tin, khata Mizoramin Human Rights in bawhchhia titute khan an ka an rawn ang leh em? Human Rights kan tih pawh hian mahni hamthatna tur chinah chiah hian em ni kan hman leh tak…. tih vel nawi te te hi a ni e.