Mizote zinga mi pawimawh leh kawng tam taka hmahruaitu Pu L.N Tluanga Ex MLA chu vawiin Nov ni 23 zinglam dar 2:45 khan Aizawl Civil hospital ah a boral a, vawiin vek nov ni 23 hian a chenna electric veng ah vui a ni.

Pu Lalnuntluanga (LN Tluanga) hi Pu saithuama leh Pi Kapthiangi te fa niin August ni 28 kum 1928 khan Samlukhai khua ah a piang a, pinapui unau 6 a nei a ni. Rethei leh harsa tak chunga inzirchhuak niin lehkha  a thiam thei hle a, pawlthum leh pawl 6 Scholarship exam ah Mizoram pum ah pakhat na ve ve a ni a, Coton college Guwahati atangin BA a zova, BA  zawh hnu kum 1957 khan Dawrpui Middle School ah Haedmaster hna a thawk a, he hi kum 15 lai a thawh hnu ah sumdawnna lam ah zuanglutin Class II contractor ah a inziaklut a, a hnu kum 8 hnu ah class I contractor ah a inhlangkai a, kum 1960 ah Pi Zaithanchhungi nen inneiin fapa pali leh fnu 2 an nei a ni.

Pu LN Tluanga hi vantlang tana mi inhmang tak a ni a, Tlawmngai pawl hranghrang nihna pawimawh tak tak a lo chelh tawh a, chung te chu President ME School Teachers assn Mizoeam kum 1960 atanga 1971, Founder president, Mizoram Boxing & Wrestling assn 1963, President MZP hqrs kum 1972 atanga 1978, Founder secretary Managing board republic H/S kum 1961 leh Mamawii memorial high School founder secretary 1972, electric veng Branch YMA president hmasaber atan kum 1967 ah thlantlin a ni a, kum 5 a zawna thlantlin zui a ni.

Central YMA ah kum 1968 khan Asst. Secretary atan thlan a ni a, kum 1972 atanga 73 ah vice President ah thlan a ni a, kum 1973 atanga 1977 leh 1979 atanga 1983 chhung president central YMA ah thlantlin a ni a, Chairman Aizawl citizen committe 1983, President, Mizoram contractor assn, kum 1985 atanga 1989, President Hrangbana college governing board 1981 atanga 1985, Member VC election Tribunal 1983, Chairman/Secretary Lushai Trading company ltd. 1967 atanga 2002, Board of directors Muco Bank ltd. Member Amnesty International bak ah Presbyterian kohhran ah Bial KTP leader leh naupang Sunday School Superintendent te a lo chelh tawh a ni.

Kum 1984 ah politics luhchilh in PC Party a zawm a, kum 1998 MLA inthlanpui neih khan tlungvel bial ah MLA atan thlantlin a ni a, thla 11 chhung zet Govt dy chief Whip a ni. kum 1998 atang khan thisen sang leh lunglam natna a nei tih hmuhchhuah a ni a, a natna chu zual zelin tun thla Nov ni 16 thawhtan ni khan aizawl civil Hospital ah luhpui a ni a, theihtawp chhuah a doctor ten an enkawl hnu ah a natna chu tuarchhuak zolovin vawiin nov ni 23 zing lam dar 2:45 vel khan Chatuan ram a pan ta a ni. Pu LN Tluanga hi vawiin Nov ni 23 vek hian a chenna in Electric Veng aizawl ah Rev Dr C.Chawnghmingliana’n a vui a, vuina hun ah hian vantlang tana a lo thawhpui tawh tlawmngai pawl hrang hrang aiawh te leh Sawrkar mi pawimawh tak tak te tel tha hle a ni.

Share

-----------------------------------------------------------------------
Similar Posts

• Mizoram Assembly Dy. Speaker hlui Pu Vanlalngena vuiliam a ni.
• AMC Councellor Te Rinawmna Thutiam La
• MJA in hruaitu thlang thar
• Mizoram Primary Teachers Assn. Thuchhuah
• MP inthlan zawh a ni.

He thu hi Monday, November 23rd, 2009 dar 4:32 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.