Evening Post : Nov 26 zing dar 5:00 vel khan SP CID (Crime) hnuaia Special Narcotics staff te leh BSF ‘G’ Branch tangkawp chuan an thudawn bawhzuiin Lawngtlai Night Bus-a phurh silai leh bomb ni a hriat puak thei thil chu Zemabawk Forest Check Gate ah an man a, a neitu nia insawi Rualzathanga (19) s/o Senkhara, Chamdul Project Lawngtlai Dist. pawh an man tel. Bawngkawn Police Station ah thubuai ziahluh a ni. Silai hi OG USA No. 9055 3617.05 a ni a, 9mm mu hmang a ni. A netu hian zawrh tura a kawl niin a insawi.

Share

November 18, 2009 a Silchar atanga Aizawl a mi rawn dahtu Ali Askar chu tun thlengin a chhungten a awmna chin an hre lova, amah hi an biakpawp theih tawh loh avangin tukin khan Aizawl Police te tanpuina an ngen.

Aizawl Police Station atanga thudawn danin Nov. 18 khan Silchar atangin Aizawl-a kal duhte chuan Ali Askar hi a motor Hyundai i-10, AS-11 D 4173 an hire sak a, hemi zan hian Zarkawt an thlenin Silchar-a awm a nupui chu a phone a, a haw tlai dawn avangin lo mutsan mai turin a ti a. A nupui hian a fapa in a be ve duh tih pawh chu chhang lovin phone hi a dah a, heta tang hian an be pawp leh thei ta lo niin an sawi a. A motor hire saktu hi tute nge an nih tih an hriat bawk si loh avangin an rubo nge tih pawh an hre lo tiin Mizoram Police te tanpuina hi an ngen ani.

Share

Evening Post : Nimin Evening Post chhuaka AIG-III motor anga siama zu phurh man chungchangah, he motor hi Transport Dept. a in register dan hnuhnung bera a neitu hming in ziak danah Sangthanmawii d/o Lianthangpuia, Thakthing veng ani tih tarlan ani a. sangthanmawii hian Tanpuii (TP-i) Mel-8 hnenah a hralh tawh a, Transport Dept. lamah hian a neitu hming hi la thlak loh niin he thilah hian Sangthanmawii hian in hnamhnawihna a neilo tih thu dawn a ni.

More >>>>

Share

click image to enlarge

I thlir ang u Lalpa thilsiam zawng te, sawi sen rual a ni lo. Ka pu hi hmanlai chuan, a to vanglai chuan khawvel hi a phu tawkin alo hmachhawn tawh thin ngei ang. Chutiang hunlai chuan khawkhat tlangval tha leh tlawmngai ber te pawh alo ni mahna. Mahse lenrual duhte u, he khawvel tah leh lungngaihna ram ah hian HUN hian kan hringnun min nghak ngai silo, par ang kan chuai vanglaini a liam, kan chuai hun tur lah kan dawn ngailo.

Share

Niminpiah a M.D Enterprise, Peter’s Street, Khatla a MJA Gen. Hqrs Executive Committee thukhawm chuan an member thar atan Laltlanzova Khiangte (Editor Thlifim monthly, Aizawl) David Chawngthantluanga (Managing Editor Harhna daily, Aizawl) F.Lalramliana (Sports Writer, Evening Post Aizawl) Robert Zoliana (News Editor, The Zozam Times daily, Aizawl) Zodinpuii (Sub-Editor Highlander daily, Aizawl) James Lalramruata (News Editor, Romei daily, Aizawl) Lalhruaitluanga Chawngte (Editor, Zozam weekly, Aizawl) C.Lallawmzuala (Editor, Vairengte Aw daily, Kolasib) Lalbiaknunga (News Editor, Chhuahtlang daily (Kawnpui) Kolasib) Rita Malsawmi (News Editor, Hringlang daily, Kolasib) te an la lut thar.

Share

Evening Post : Nov 26 zing dar 8:00 vel khan Zobawk leh Hrangchalkawn inkarah Saingura (36) s/o Saibuanga, Zobawk Venghlun, Lunglei chu ama bike khalha a chetsualna nia hriatah thi a hmuh ani a, a chetsual hun hi nizan lam a nih theih thu Lunglei Police Station atanga thudawnna chuan a sawi. A chetsual dan hi hriat a ni lova, kawng kai culvert-ah a tlanliam niin a lang. A ruang hi post mortem a ni.

Share

Evening Post : Nimin tlai khan Kolasib Excise & Narcotics Staff te chuan Mizoram Police AIG-III motor anga tih danglam, gypsy pakhat atangin a senchi case 27 an man.

Thudawn danin Vairengte-a duty Excise mi leh sa pakhat chuan motor hi ringhlelin Kolasib Petrol Pump bulah Excise force te hian an lo tiding a, he motor designation plate ah hian AIGP-III tih an tar a, motor registration number MZ-01 6570 chu computer atanga print chawp number MZ-01 A 2593 in an bel hnan a, VIP light pawh vuah telin a hnunglam thutna chu parda varin an zar hnan a, a seat an thlawn thung a, a hnungah hian buara chhungah zu case hi an dah a ni.

More >>>>

Share

Lungawilohna khawvel leihringnun

“Ka duhin min duh silo, min duhtu ka duh silo….Aw…Saw Pa/Saw Nu neih ang te  saw han nei ve thei ni ila….”

He ngaihdan hian i suangtuahna vawitam alo luahve tawh thin ngei anga, mahse lungngai duh hran suh, mite aia duham ta lua i ni lem chuang love. Sual sa a piang hringfate zingah hian he ngaihdan tellova hringnun hmang hi chu Sodom leh Gomora khua mifel zat pawh an awm chuang bik lo ania! I star em em leh  i phulo ngawih ngawih ni a i hriat pawh khan khi ngaihdan tho khi a nei a, chutih laiin nangin “Min phulo…” ti a i lo hnawl ve ngawt pawh khan amah phulo inti em em tu a tawng ve tho asin! Dawt ani lo!

More >>>>

Share

click image to enlarge

“Enteh thianpa, sawlai pa inchei dan han Zo tiah tiah zia saw!”
“Awi thiannu, nizana lo leng pa hmel chu a Zo fia fia ania aw…!”

He’ngte hi entirna ve mai an ni a, tunlai tawngkam lar an ni bawk. Sawi fiah kher lo pawhin an sawi tum chu thil tha lam inkawhhmuh an nilo tih chu kan hrethiam vek awm e. Zirsang leh lehkha thiam rual te’n Rel kawng, ILP, etc. an helh em em a, hnam inchim ral an hlau a ni.

More >>>>

Share

Vanglaini : Chhawrpial Group YMA chuan thuchhuah siamin, Tuikuk helte’n Zarzokima, Bungthuam an kap hlum chu an dem thu leh, lusûn chhungte an tawrhpui thu an tarlang a, Tripura atanga Mizorama Tuikuk lâk lêt turah Tuikukte chu an group huam chhunga awmtir an remtih loh thu an puang.

More >>>>

Share