Evening Post : Mizoram Pradesh Congress Committee (MPCC) chuan kum za chhung velin Mizoramah hnam tenau zawk Gorkhali, Chakma leh Tuikukte leh Mizote chu an lo khawsaho tawh tih sawiin, hetih chhung hian Tuikuk hian Mizo nunna 17 lai an la hman tawh a ni tih an sawi. Heti chunga Mizo mipuiin Tuikukte chu unau anga an la en thei tlat chu an fakawm hle tih an sawi.
Vawiin chawhma dar 11.00 khan MPCC media cell chuan chanchinthar lakhawmtute an kawmnaah Bru buaina chungchanga Mizoram sawrkar hmalaknate an puang nghal.
MPCC chuan tun hnaia Tuikuk buainaa Tuikuk thlavang rawn hauhtu Asian Centre for Human Rights, New Delhi chu Mizote’n hun harsa tak an tawh laiin dawt hmanga lo puhtu a ni tiin an dem thu an tarlang a. He pawl hi National Human Rights Commission (NHRC) pawhin a ‘recognize’ loh a nih thu MPCC hian an tarlang bawk.
Puhnaa Tuikuk raltlan 5000 vel lai tling anga tarlan chu thil dik lo a ni tih tarlangin Congress party chuan raltlante hi a tam berah 500 vel bak an nih theih loh tur thu an sawi. Sawrkarin buaina tuartute chu \anpuina a sem nghal tih tarlangin a tirteah puitling pakhat tan buhfai kg 4, naupang tan kg 2 zel pein blanket 2 leh silpouline pakhat chhungtinte hnenah sawrkarin a pe nghal bawk. Harsa zualte tan buhfaite pawh pek belh zel an ni a, chempui leh bungbelte pawh an pe a ni, chenna in sak nan cheng 3000 sem mek a ni a, chhungkaw pakhat tan cheng 10000 chhawmdawlna pek tura ruahman a ni bawk.
Tuikuk raltlante an rawn kir leh theihna turin MPCC chuan chief minister Lal Thanhawla’n hma a la chhunzawm zel tih a sawi a, he buaina avang hian raltlan lak kir chu a \huanawp dawn lo tih an sawi lang a ni. Buaina avanga firing order pek chu political party \henkhatin ‘license to kill’ ang hiala an sawi chu a dik tawk lo tih an sawi a, ‘that rawh u’ tihna a ni lo niin an sawi bawk.
-----------------------------------------------------------------------
Similar Posts
- Lal Thanhawla hun apiangin hnam tenau him lo: ACHR Diector
- Mizoram Human Rights Report 2009
- ACHR-in Mizoram enfiah tum
- ACHR in CM hnenah ngaihdam dil
- Bangalore-Ah House Hmun Tur Lei Kan Tum Ngai Lo:MPCC
He thu hi Monday, November 23rd, 2009 dar 7:16 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
sorkhar sum tam tak sen leh na tur a nih te chuan chutiang sen ngailo tur in venhimna lam kha ken koh nghal mai awm
DRUGS leh zu in engzat nunna nge a lak tawh, malaria leh AIDS te pawh hi, heng ho hi i vei hmasa teh ang u….