Evening Post : Chief minister Lal Thanhawla chuan sawrkar hnathawk zingah hnathawh dan, hun vawn dik leh mahni inthununna kawngah inthlahdahna a nasa hle-a a hriat thu leh, police te pawhin an duty kawng hrang hrang bakah VIP zah entirna kawng thlengah pawh an inthlahdah nia a hriat thu a sawi.
Mizorama Anti-Corruption Bureau (ACB) leh Central Bureau of Investigation (CBI) Academy, Ghaziabad te tangkawpa Mizoram Police mi 26 te tana eiruk dona dan leh chhuina ‘Course on Anti-Corruption Laws & Investigation’ training kharnaah tarlan a ni a. He hun hi chief minister Lal Thanhawla chuan a hmanpui.
Chief minister chuan eirukna a hluar chuan ram sum leh pai dinhmun a khawih chhia a, ram leh mipui hmasawnna a dal thin a ni tiin, Mizoram police ten eiruk chhui dan leh report ziah dan an thiam phawt chuan sawrkar tan pawhin kut tling lova sum hailutte chhui leh hrem kawngah hmalak a ti awlsam dawn a ni, a ti. Sawrkar chuan khauh lehzuala dan leh thupek kenkawh a tum avangin police te an intuaithar a tul a, an mamawh ang zela training pek an ni ang, a ti.
ACB Director P.Kamraj chuan CBI-in hetianga state ngeia kal a state police te training an pek vawi khatna a ni, a ti a. Sawrkarin ACB ngai pawimawha, a hma aia 60% velin a tih chak tawh thu sawiin Kamraj chuan, eirukna chhui chu police te tan hna hautak leh chona lian tak a ni a, ACB staff ten an hnathawhnaah phur zawk leh
thahnemngai zawka an thawh theihna turin Special Incentive Allowance pawh ngaihtuah sak an tum thu a sawi bawk. ACB tichak leh zual turin Law Officer, Engineer leh Auditor post te an mamawh tur thu Chief Minister hnenah a thlen nghal a ni.
Mizoram sawrkara Anti-Corruption Bureau (ACB) hnuaiah post 33 dahbelh a ni tawh a, Director (IGP Rank) in a ho a ni.
-----------------------------------------------------------------------
Similar Posts
- Nuai 89 chuang chingpenah MCS leh UDC suspend
- Corruption do chungchang Training
- Lal Thanhawla hun apiangin hnam tenau him lo: ACHR Diector
- ACB in AH & Vety director in leh lo an dap
- CM zin alo haw
He thu hi Saturday, November 21st, 2009 dar 4:55 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
kan minister te hian hna thawk trha tur deuh te chu an sawn leh daih ang nge ha ha ha
zah tlak hian han awm phawt se, zah te pawh an chakawm ve deuh ang chuuuuuu….