A hmasa berin engkim chunga thuneitu, lei leh van Lal berin a fapa duhtak a thlawna min pe hi a ropuiin lei mihring te tan hian a va hlu tak em!
Misual te tana nun hlan tura bethlehem bawng in tlawma rawn piang, Pathian fapa meuh kan tana nun hlan tura leia tlawm taka rawn piang hi hmangaihna ropui ber a ni.
A hnen kan thlen theih nan Pathian tak chu mihringah a rawn chang a, khualbuk pawh chang lo chu Pathian tlawm taka rawn piang chuan nang leh kei min chhandam nan thil ropui tak min tihsak a, misual ber tan Van nun kan neih theih phah ta. Chu hmangaihna aia nasa chu Van hnuai khawvelah a awm leh tawh ngai lo vang!
Nausen lo piang chibai buk tura kan inpuahchah dan hrang hrangah erawh Van mipuite khi an lawm ang em tih hi zawhna lian a ni. Mahni inhaivur nana midangte tawrhna en liam thei, khawvel thil ngaihtuah reng renga chu hun hman tum, thilpek hlu ber aia Krismas kawr mawi a lawm, a piancham kan lawmnaa par mawi ber ber, heng ho an hmuh hian Van mipui te khian sawi tur chu an nei ve ngei ang le!
Kan hmuh phak leka awm chanhai, rethei, riangvai te lam ve thung le… Nawi khat pawh pek tur neilo thinlung tur hi dawn pui ve teh? Kawrmawi an chang lo a, thilpek hlan tur an nei hek lo, mahse thangvan siar hnuaia leng heng chanhai leh riangvai tan hian a ni lawm ni Isua Krista kha tlawm taka a lo pian ni? Ei zawh sen loh neia inhaivur, puar ul te thinlung ai chuan Bethlehema piang Isua an ngaihna thinlung chuan Van mipuite a ti hlim zawk lo’ng maw?
He hunpui lo thlena puak thin halpuah leh ri thei dang zawng zawng kan tihrik te hian lei mite beng bak a thlen a rinawm loh. Heng hi lei mite dan mai a ni. Lal Isua piancham kan lawmdan tur dik erawh hei hi a ni ang – Thinlung A lama hawn mai hi. Tichuan kan thinlungah chu nau thar chu a lo piang nawn ngei ang.Engkim zawng aia hlu Lal Isua kan nei hi i lawm thar leh ang u. Khawvel rosum leh thil tha ber ber hian chu Isua chu a hen zo ngai dawn lo. Lei leh van kailawn ni tura a inpekna chuan hmangaihna famkim a awm a, khawngaihna leh lainatna a khat bawk. Chu Lal neitute thinlung chu a hlim a, kawr ruam atang pawhin puarna an hmu thin. Chutiang taka Lal ropui leh thianghlim thiltithei piancham chu a ni kan hmuaha kan hman mek, Van mipuite tel ve na LAL BER Piancham pha hi nawmsipbawlna nen i hmang lul lo ang u…“A pianna tlawm mahse ka Chhandamtu ani si a” tiin a ke bulah chibai i buk thar leh ang u…. A hmasa berin engkim chunga thuneitu, lei leh van Lal berin a fapa duhtak a thlawna min pe hi a ropuiin lei mihring te tan hian a va hlu tak em!
Misual te tana nun hlan tura bethlehem bawng in tlawma rawn piang, Pathian fapa meuh kan tana nun hlan tura leia tlawm taka rawn piang hi hmangaihna ropui ber a ni.
A hnen kan thlen theih nan Pathian tak chu mihringah a rawn chang a, khualbuk pawh chang lo chu Pathian tlawm taka rawn piang chuan nang leh kei min chhandam nan thil ropui tak min tihsak a, misual ber tan Van nun kan neih theih phah ta. Chu hmangaihna aia nasa chu Van hnuai khawvelah a awm leh tawh ngai lo vang!
Nausen lo piang chibai buk tura kan inpuahchah dan hrang hrangah erawh Van mipuite khi an lawm ang em tih hi zawhna lian a ni. Mahni inhaivur nana midangte tawrhna en liam thei, khawvel thil ngaihtuah reng renga chu hun hman tum, thilpek hlu ber aia Krismas kawr mawi a lawm, a piancham kan lawmnaa par mawi ber ber, heng ho an hmuh hian Van mipui te khian sawi tur chu an nei ve ngei ang le!
Kan hmuh phak leka awm chanhai, rethei, riangvai te lam ve thung le… Nawi khat pawh pek tur neilo thinlung tur hi dawn pui ve teh? Kawrmawi an chang lo a, thilpek hlan tur an nei hek lo, mahse thangvan siar hnuaia leng heng chanhai leh riangvai tan hian a ni lawm ni Isua Krista kha tlawm taka a lo pian ni? Ei zawh sen loh neia inhaivur, puar ul te thinlung ai chuan Bethlehema piang Isua an ngaihna thinlung chuan Van mipuite a ti hlim zawk lo’ng maw?
He hunpui lo thlena puak thin halpuah leh ri thei dang zawng zawng kan tihrik te hian lei mite beng bak a thlen a rinawm loh. Heng hi lei mite dan mai a ni. Lal Isua piancham kan lawmdan tur dik erawh hei hi a ni ang – Thinlung A lama hawn mai hi. Tichuan kan thinlungah chu nau thar chu a lo piang nawn ngei ang.
Engkim zawng aia hlu Lal Isua kan nei hi i lawm thar leh ang u. Khawvel rosum leh thil tha ber ber hian chu Isua chu a hen zo ngai dawn lo. Lei leh van kailawn ni tura a inpekna chuan hmangaihna famkim a awm a, khawngaihna leh lainatna a khat bawk. Chu Lal neitute thinlung chu a hlim a, kawr ruam atang pawhin puarna an hmu thin. Chutiang taka Lal ropui leh thianghlim thiltithei piancham chu a ni kan hmuaha kan hman mek, Van mipuite tel ve na LAL BER Piancham pha hi nawmsipbawlna nen i hmang lul lo ang u…
“A pianna tlawm mahse ka Chhandamtu ani si a” tiin a ke bulah chibai i buk thar leh ang u….
-----------------------------------------------------------------------
Similar Posts
-----------------------------------------------------------------------
He thu hi Tuesday, December 22nd, 2009 dar 10:43 pm a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
