Mizo Aw : Asian Centre for Human Rights aiawha thu dik hmuhchhuah tumtute (fact finding team) chuan nimin zing khan Chief Minister Pu Lal Thanhawla chu a bungalow-ah hmuin inhawng tak leh engmah thup nei lova an hmuh duh ang ang hmuhtir a, an kal duhna hmunte tlawhtir an nih avanga lawmthu an hrilh a, an director Suhas Chakma chuan Bru chungchanga thil chiang tawk lo thu an lo chhuah avangin Chief Minister hnenah ngaihdam a dil.
MPCC press release chuan Asian Centre for Human Rights Fact Finding Team hian CM hnenah hian Mizoram sawrkarin Bru-te venhimna a pek leh a enkawl zui dan tha tawka an hriat thu an hrilh bawk a ni a ti a. Bru nunau leh pawisawilote tawrhna tizangkhai tur zawnga sawrkarin chhawmdawlna, tanpuina leh humhimna a pekte pawh tha tawka an ngaih thu an sawi a. Inhalsak Brute chu an buhte a kan vek avangin nakkum buh chin huna buh chi pe turin Mizoram sawrkar an ngensak bawk tih MPCC press release chuan a sawi.
Chief Minister chuan ACHR Fact Finding Team hnenah chuan tunhma atanga Bru leh Mizote lo awmho thin dan, Mizo chunga kut an lo thlak pawhin engtinmah tihlet an nih ve loh thu, tun hnai thil thleng pawh a rawn intanna chu Bru lam mi sual tuten emaw pawi an khawih vangin mipui thinrimte sawrkar chet hmaa an lo chet hmasak vang a ni a ti.
Pu Hawla chuan Tripura Sakhan tlangdunga Mizote an khua atanga hnawhchhuah an nih thute ACHR hotute hi hrilhin tun hnaia thil thleng avang pawhin Tripuraa Mizote chuan vauna an tawk a ni a ti a, an thlavang hauh tur pawhin a hman hmasak berah kal a tum thu a hrilh a ni.
Suhas Chakma chuan Tuikuk raltlante felfai taka Mizorama an lo luhlehna tura sawrkar leh NGO-te hma lakna tha a tih thu a sawi a, Bru lokirlehna turah buaina leh harsatna a awm loh nan engtiklai pawha puitu nih a inhuam thu CM chu a hrilh a ni.
ACHR hruaitute hi Suhas Chakma, Bamang Anthony Tago, Nava Thakuria leh Mangal Debramma an ni a, M.Kothari, UN Rapporteur ni thin chu thlawhna cancel vangin a lo thleng ve thei lo a ni. Heng mite hian Aizawlah NGO \henkhat, MZP pawh tiamin an hmuh hnuah Mamit leh Damdiai khua an tlawh a, Bru hruaitute pawh an kawm a, an harsatnate an ngaihthaksak a ni. Tumpanglui leh New Eden pawh an tlawh. Nimin khan Aizawl an chhuahsanleh ta a ni.
-----------------------------------------------------------------------
Similar Posts
- Lal Thanhawla hun apiangin hnam tenau him lo: ACHR Diector
- ACHR-in Mizoram enfiah tum
- Union Minister lo zin
- Gangte Welfare Society ten CM hnenah lawmthu sawi
- Sorkar kum khat tlin lawmnan CM in Press mite zanriah a siamsak
He thu hi Tuesday, December 15th, 2009 dar 8:24 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Zak chem chem ang chu. ‘Look before you leap’ tih hrilhfiah sak an ngai anih chu
ngaigdam hi an dil tak tak a ni em ang chu maw. An web side kan tlawh a, an ni lam chuan chutiang ngaihdam dillam chu an ziak lang duh ve lo a ni phawt ang chu.
Asia huap pawl inti ve si,tuikuk hoin anti tih vel mai mai vang a mizote leh sorkar na deuh deuh a rawn dem vak ringawt te chu, an heti leh mai dõn asin.an pawl an ti nep vek alawm.
Chakma 2 an tel a ni maw.