Hmanni  chu ka thianpa piancham lawman tur Vawksa lei turin kan thianpa tho pakhat bike in kan  in hawl  chhuak a, full face helmet  khum ngailo tih takah full face an tih ang chu ka rui tat lat mai a, vawksa dawr  kan thlen chuan vai ho hi a lo in line treuh mai a, ka thianpa dawr a a luh hnu chuan kei chu dawr kawt a chair ah chuan ka thu ta a,

helmet rui e ti lo chuan meizial chu ka zu ta vang vang a, vawksa dawr piah chiah mai ah chuan insakna tur balu hi an lo chhung khawm hnur mai a, en tur dang awm ta lo chuan balu lam chu ka hawi ta reng a, balu ah chuan vai naupang ho hi an lo in fiam ngat ngat mai a, a thren an inbuan a , a thren a in phum vel a.

Ka ngaihtuah ta rauh rauh a, thlasik lai kan naupan  lai a kan insakna tur balu a kan in fiam ve thin lai te chu min hriat chhuah tir ta a, thiante ho nen kan in buan  a , a changin tlakhawlh te kan siam thul , a sir ah lo inkhualtelem  awm bawk  a, a sir leh lam a  trap tawk lo awm bawk nen, nawm kha chu a lo nuam ve thin a ni Balu a chen kha chu… Mase a hnu a thilo thleng kha ka hre chhuak leh a, kei mah in ka nui deuh vur vur a , thlasik leh balu kha chu a lo inhmeh meuh lo a ni , nu ten inrinni tlai ah min han bual a, ban chat khawng bur mai kha nawhlung in min han nawh sak a ,” nu a na a na “ kan han ti ngei a , kan han dawh tha duh lo ngei mai a , unau mipa thah lo nih bawk chuan , unau dangte bual tur la awm bawk nen ,  nute chuan an han dawhthei  ta lo a , chutah leh nawhlungin  min hnungzang ah min han khawng fawk a , a chang chuan min khawng dawn tih kan han hria a lo in her zeuh phei chuan khel ruh laiah ngei mai an fuh palh chuan a na ting a ni mai.. Min han nawt a a khawk tup tup mai a, inbual zawh meuh chuan vun hi a pawr fup hian a hriat theih thin tih te kah kan hre chhuak a.. chuan inbual zawh in hurk hul hnu a  Glycerine  tui pawlh mang loh min han chulh a taksa pum hian a han thip sup sup thin thin kha a ni a. Chuan thnawmhnaw  fai min han hak tir a Balu a i chen leh veih chuan ka vua ang che ang a chuan zanah tui vawt in ka bual ang che ti in min han vo a.  Mase awmzia kha chu a awm chiah thin lo a lo ni.. hauh hmabak  leh tui vawt a inbual hmabak khan kan haw leh tho tho thin ….
( a ho viau na a ka rawn ti ve mai mai a nih hi..)

Share

-----------------------------------------------------------------------
Similar Posts

• My Diary!
• ENGATI NGE le!
• Lammual a Artificial Grass phah zawh a ni trep
• Dak In Pui a ka thil tawn hi in lo tawng ve tawh ngai em??
• Api, ka pa lo tawngtai pui ang che aw.

He thu hi Saturday, December 5th, 2009 dar 2:01 pm a Jokes . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.