Zu chung changah hian In hnialna tam tak a awm tawh thin, a la awm zel bawk ang, kan hmel a in anloh ang bawkin kan ngaihdan pawh a dang thei hle mai, kei paw’n in ngaihdan a ni emaw ni lo emaw ka vei zawng rawn thai lan ve hram ka duh a, tam tak tan chuan lem a har khawp ang tih pawh ka chiang. Mahse, mi lawm zawng chauh sawi hi a that hle laiin mi lawm loh zawng sawite pawh hi kan that tlan zawk nan tul chang hi a awm ve fo mai, thlarau mite paw’n an vei zawng tam tak zinga tlem te an puang chhuak a, an thawl hawk thin ang hian bei tham viau pawh nise ka thawl hawk ngei ang.
Mizoram chu kan hriat theuh angin Zu khap na state kan ni a, chubakah kan kohhran leh khawtlang hian puan ang a hnawl a ni, India ramah pawh state dangte paw’n an lo practise tawh a, chu ti angin ram dangah te pawh, mahse kan hlawhchham tlang rih hle tih chu tu hrilhnawn ngai loin kan chiang tlang, abik takin ka pianna Zoramah hian Buhtawihtui hi eng hmuhin nge kan hmuh?
A that leh that loh lam ni loin zu in mite kan hmuh dan lam zawk hi ka rawn thlur bik tur chu a ni, Zu i in chuan vanram kai chu sawi loh lei lamah pawh misual ber ngaihin an ngai nghal vek ang che, i chhung leh kua ten an hriat phei chuan sual ta viauah ngaih nghal i ni ang, mipa ta ve chu tawhsual tawh changte pawh a awm thei accident emaw insual te pawh nise mahse chu ti ang i lo tawh palh hlauh chuan fimhkur hle rawh zu in ngai miah lo pawh ni la an puh zu rui leh mai dawn che nia, veng chhakah chuan a rui vak lo e an tih laiin veng thlangah chuan i chat thla ti tih tawh mai ang, zu nam chung phei chuan biak Inah luh reng reng loh tur mahse zu nghei thei si loa i inkhawm ve duh talh anih chuan a hnung berah mithianghlim ten i rim an hriat phak loh na chin ah thu ang che. Chu tilo zawng an vuak thluk loh vek che paw’n i hriat loh laiin veng pumin zu nam chungin i inkhawm tih an hre thuai mai ang.
Zu in mi i nih phei chuan hei hi hria la nitin bawnghnute no sawm leh zu no khat in pawh nila i bawnghnunte in ai chuan i zu no khat in kha miin sawi nuam an ti dawn, chubakah thil tha tih tum buai duh lo mai rawh mite thinlungah chuan Nickey cruz-a vanglai ang mai i ni tho ang, i ti lui talh anih paw’n lawm awm takin lawm miah si loin an lo fak vel luam ang che nga. Mahse, la enthlak deuh rih turin i chungchang thuah thutlukna an siam tho ang, thil pawimawh deuh pakhat chu i lo piangthar anih paw’n kohhranah va pawngpaw ngampat hauh suh, lawm awm tak chein lang mah se an lawm hauh lo che ania, eng tikah nge i tluk leh ang tih hi Isua lo kal an nghahhleh tluk zetin an nghakhlel tih hre ve kar la i lo tlu tak tak anih phei chuan rawn tawngtai sak che leh khawngaih leh lainat a hnek chein ka rin ang reng a ni tih bak engmah beisei suh.
Chu bakah tluang takin inhmang zel ta pawh nila kohhran meuh han hruai tur atan chuan nangni ang hnuhma nei tawh chu alangin sawichhuak lo mah se mithianghlimte mit i tlung zo chuang lo ang, nang ni ang ai chuan naupan lai atanga vawiin ni thlenga sualna nei reng reng lo Roman catholic-te phei chuan mithianghlima puan a tan pawha an iai loh tur a nun a tluan em avanga piangthar emaw inti ve ringawt eng tikah chiah nge i pianthar han ti ta i la chhang thei hauh lo tur misualte khawngaiha chhawmdawla tawngtai sak chu sawi loh sawi chhuah chi si loh a haw deuh tlat, a chungah thil an lo ti sual palh hlauh anih phei chuan ngaihdam ngaiin an awm ve ngai lo emaw tih theih khawp tura chetla leh fo thin mah se naupanlai atanga kohhrana a in hman tlat avanga kohhran zeizia hria kha nia an duh chu, sawi tur a tam duh tawk phawt ang.
Zu in miteah pawh hian zingkar atanga zan mut dawn thlenga in reng mai buaina siam ching mahni nupui fanaute bulah huai ber ni awm fahran a inluling vak vak mai thin hote hi chu kum nuaihkhat pawh lo liam se kan pawm loh tlan tur an la ni reng, mahse ,hmuhsita endawng tur chu an ni hauh lo, heng mite hi chu lo dahtha phawt ta ila, thenkhat leh thung chu in zeuh zeuh in ve chhun pawh a rui khawpa in ngai lo, chhungkua leh khawtlang tan pawh hnawksak lem lo nunphung ti khaihlak chuanglo te, patling thenkhat chaw ei dawna in leh mi thenkhat damdawi atana hmang thin ruih nana hmang miah lote an awm a, heng mite pawh hi kan hmu pangai chuang hlei law, damdawi atan hmang pawh ni se, zu kha a lem tawh hrim hrim chuan sual ta riaua in ngaihna te, sual ta riaua hmuhna leh hremhmun lam hawi ta anga inngaihna kan nei tlat thin hi zirtirna dik a ni thei ang em aw? tih hi ngaihtuah tham tak a ni.
Zu in avanga nun hlauh chan te awm bawk thin mah se tam tak tan chuan nun hlauh phah na leh chhiatpuina tham a tling lo, enjoyment lek a ni thei mihringa zir hi a ni thui em em a ni, zu in mi kan hmuh dan leh en dan hi inenfiah a thliar hran thiam a ngai khawpin ka hria, an vaia kan hmu he vek hi zawng tih loh tawp tur kan fel bik chuang si lo, zu hi ka sawi mawi a ni lo kan hmuh tak ang hian dik lo nia ka hriat ka rawn thai lang ve mai a nia, lo ngaihtuah ve chhin mah teh dawntisei buhtawihtui hi…..
-----------------------------------------------------------------------
Similar Posts
- U-AM-A HMANG THEUH THEUH
- Khawnge kei vala hi….
- IN PAWLAH KA LO TEL VE – Afaka, Saron Veng.
- Kei aiin I lo hausa mial em?
- Zu bawks
He thu hi Sunday, December 6th, 2009 dar 4:16 pm a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Inhnial angai hleinem. Sawrkar phalna hian zuar lo pawh ni sela, mi rethei zual, zu zuar ho chauh hi man bik kher lo se a fair a ni mai.
miretheite chuan a man theitu lo tihlungawina an nei ve lo tlat a lom
a sei emai ka chhiar zo vek lo mai .i sawi khi zoram ah poh rilru zim ho hmuh dan a ni e.kei ni chuan inkhawm ban te hian biakin zu ngat hanin hi niam ka ti tlat pek a .zuin hi sualah an ngailo a duhin an in a in ngailo poh in induh te intur biakin sum a lei hi an tha a nat phah ve chuang lo .
Mizoram din hmun i phawk chiang hle mai. Para-1ah hian a tawp berah chiah fullstop a hmang tlangpui a, chhiar a hreawm lek lek a nih hi. Fullstop a ren hle mai.
Ni e chhiar a hahthlak deuh hlek ani, chhiar tlang loh tur pui pui ka chhiar tlang a, a awmzia ka bo leh daih thin. Coma/fullstop han hmang uar deuhla chuan hei ai hian a ngaihnawm ngei ang mawle…
Kan enkawltu te pawh hi an buai em em nachungin kan thu thehluh te hi chhiar nuam zawk turin a tul lai lai hi chu lo edit thei hram se a va’n tha awm ve aw te ka lo ti ve mai mai a. Keipawh hi ziah zawm/zawm lohtur tih vel ah te hian la buai thei nak nak tak mai ka nia!
Tha zawk duhna vangin ka ngaihdan ka’n lo sawi ve lawk a ni e.
sawi sawi mahse la ka nghei don chuang loooo…. lool
tunlai ah chuan buhtrawihtui diktak te hi a vang tawh a… hmuh apiang hi in ngam pawh a ni tawh lo.. chawl ai ah chhangthawp yeast te an hmang a.. a tho hma duh an tia.. kua a thralo duh ru ra.. tha te a diklo thei an ti.. rakzu diktak hi vang tlat tawh..
Zu in mi ai chuan in lo mi hi chu an hmuh anuam deuh, zep loh vah chuan Mizo hi hnam hmeltha tak kan ni lova, ruitheih thil kan han ti ve hi chuan kan hmel chhiat hi a ti lang sar ka ti ve mai2, ka fihlim bik lo na in…
min lo chhiar sak a ka lawm e, nia he mi chungchangah hi chuan kan inhnial tawp thei dawn lo a ang khawp mai.
khawvel kristian ah hian vairengte chhaka kristiante chauh hian zu hi kan khap a ni mai lo maw? te ka ti vel mai2 a… eng pawl emaw hlauh vanga sawrkarin a khap leh mai thin hi a tha ber lem lo… zu hi ka in ngai lova, a ziaktupa pawh hian a inngai hek lo… mahse, zuin reng2 suala kan ngai ta tlat hi a fuh ber em? chhungkaw tan leh midang tan an hnaksak loh a, an mawhphurhna tha taka an hlen chuan enge a pawina awm chuang te ka ti vel mai mai a…