Orissa Krista Tan Committee chuan thuchhuah siamin tunlai hian Mobile SMS hmangin Orissa chung chang a thuthang diklo pui pui mi thenkhat in an thawndarh tih an sawi a, hei hi inbumna mai niin a lang a, hetiang thuthang diklo ah hian mipuite fimkhur turin an ngen tih an sawi.

Thuchhuah chuan tunlai hian MSM hmangin mi tu tih hriat loh ten thu mak tak tak – Orissa ah Pastor 14 an that, Raikia Pastor RK Digal-a pawh an that, Orissa tan tawngtaipui an ngai tih te chu a titu hriatloh in an thedarh chiam a, hei hi thudik a nih leh nih loh finfiah tuma Cuttack khawpuia Pu VL Rema RIM manager leh Pastor Stephen-a tuna Raikia awm te an zawhfiah thu sawiin thuthang diklo mai a ni tih hriat a ni a,  tun ah tak hi chuan Kristiante tihduhdahna hmun Kandhamal Dist pawh a ralmuan lai tak a ni an ti. Thuchhuah chuan tunhnai lawk khan Graham Stein a te pafa halhlumtu Dara Singh-a kha a piangthar a Bishop Jonathana’n a Baptist dawn tih a darh chiam bawk a, heng hi inbumna thil mai niin a lang a, hetiang thuthang diklo ah hian mipuite fimkhur turin an ngen tih an sawi a, Mizo English Parallel Bible Jan ni 30 a Vanapa hall a Tlangzarh tura ruahmanna an lo siam tawh chu rokhawlhna avangin thulh leh rih a nih thu thuchhuah ah chuan an sawi bawk a ni.

-----------------------------------------------------------------------
Similar Posts

• ILP neilo leh hmang diklo lakah hma la dawn
• Addl. SP Aizawl dist. thuchhuah
• Mizofed gas tih chingpen a ni?
• Orissa ah chhiatna dangdai
• Thalai hna hmulo tam laia, pension tawh rawih nawn leh hi?

He thu hi Monday, January 25th, 2010 dar 6:37 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.