Lalrinchhana (Patea tia koh) Jan ni 28 zana hliam na tak tuara kawngpuia chhar chu a hliam tuar lovin a boral.
Lalrinchhana kum 38 Zachhinga (L) fapa, Zemabawk Bungher chu jan ni 28 zan dar 8:10 vel khan Bung Bangla thlang lawk kawngpui laiah nikhaw hrelova chhar a ni a, a tukhumah hliam na tak tuarin a bengah thi a chhuak bawk a, Aizawl Civil Hospital panpui anih hnuin zan dar 1:30 khan a boral.
Lalrinchhana hi Saiha District chhung Niawhtlang chhuak a ni a, mi huan enkawl thin a ni a, fa 3 neiin a nupui nen an inthen a, parawlin a awm a, a ruang hi vawiin Jan ni 29 hian Civil Hospital, Aizawl ah postmortem a ni a, vawiin vek ni 29 tlai khan Bung Bangla thlanmualah vuiliam a ni. Lalrinchhana thih chhan hi he thu buatsaih lai hian hriat ani rih lova, a hliam awmdan atangin mi kut tuar emaw motor atanga tla emaw motor sut emaw pawh anih theih thu dawn a ni.
-----------------------------------------------------------------------
Similar Posts
- Truck chesual ah Lalsawmliani a thi
- Kangmei Chhuak-ah Lalthlengliana Thi; Hostel Atanga Tlan Chhuak Bike Chesual-ah Thi
- Sumo Chesual ah Mi 3 Thi
- Motor chesual ah 2 thi
- Truck chesual; 2 thi
He thu hi Friday, January 29th, 2010 dar 5:33 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
a va zia lo thrin ve awww
tunlai kan boruak chu a zia in a daih lo… poi thei khops mai.. hetiang thil hi tam ta khops mai..
Thih chhan ah emaw a van tam vele, kan forensic ho kha?!!