Bungkawn pa Chawnghmingthanga thah anih avang Bungkawn khawtlang thinrim in Central Jail an pan.
Taxi Driver Chawnghmingthang tual thih thu ah Laltanpuia choh chu mawhphur tu ah an ngaih theih loh a vangin Midang an rinhleh te man turin Bungkawn khawtlang chuan Police te an ngena hemi chungchang lantir nan hian Nimin jan.14 zan khan central jail lam pan in kawng an zawh.
Bungkawn khawtlang mipui thinrim hi nizan khan Tualthat tu nia insawi Laltanpuia dahna Central lam pan tumin Bungkawn khawlai ah an pungkhawm a, Police lamin kal lui lo turin nasa takin an ngen a, nimahsela an in dang zo ta lo a ni.
Mipui thenkhat in Central Jail lam an pan an tum tih hriat a nih hian District magistrate Aizawl Pu.Lalsangliana leh Aizawl SP Pu.Lalbiakthanga Khiangte te chu Central jail hmun ah an thleng nghal a, Central Jail thlen hma ah Mipuite hi buaina a thlen loh nan an lo dang ta a ni. Bungkawn veng khawtlang hruaitute chuan Laltanpuian thurualpui a neih an rinthu te chung an mi rinhlelh te chu Police ten a rang theiangber a man tel ve tur leh, Laltanpuia chungah Dan in hremna a pek theih sangber pek nise an duhthu an sawia, Bungkawn khawltang chu Laltanpuia chungah an thinrim hle tih Laltanpuian a hriat theihna tura an Au ri hriase an duhthu te Laltanpuia thurualpui nia an rinhlelh te chu ni zan la la a man an duhthu te an sawi a ni.
Aizawl SP Pu.Lalbiakthanga leh District magistrate Pu.Lalsangliana te chuan Misual hnu chhuizui kawngah mipuiin an thu ngaichang se an duh thu an sawia, Pu.Lalbiakthanga chuan Mipui in hun ralmuang an pek chuan theihtawp a chakin hma an lak tur thu leh Police in dailoh zawnga mipui an che a nih chuan hma an lak chak theihloh tur thu a sawi, Khawtlang hruaitu leh YMA President ten mipui pungkhawm chu tha taka haw tura an ngen hnu ah mipui chuan thuawih takin in lam an pan leh ta a ni.Central Jail lam pana kal hi an thahnem hle a Bus leh Motor te hrang hrang bakah Two Wheelers engemawzat an tel a ni.
-----------------------------------------------------------------------
Similar Posts
- Naupang Thattu Jail-ah
- TAXI DRIVER BO THI A HMUH A NI
- Central Jail-ah Police Officer lian an tang mai thei: HM
- Taxi leh a khalhtu bo khawtlangin zawng
- A pasal in vithlum
He thu hi Thursday, January 14th, 2010 dar 5:41 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Hetia rik hul hul hi sim a hun tawh ka va ti emmmm..
Dan bawhchiatu chu dan in a hrem mai tur a nia mipui in pun khawm a rorel tum ang chi hi chu sim a hun tawh ka tih khop mai
Alexxfender a thu hi ka pom pui EEEEEEEEEEEEEEEEEEEEEE
Mahni veng te thlavang hauh ngam hi a mawi a ka ngaisang bawk. Mahse, dan hmanga na thei ang ber, tihhlum tir tur hial pawn hrem tir dan tur thiam taka zawn a fin thlak zawk maithei.
nia, pu alexx a sawi tawh ang tho in, rik hul hul hi chu a tha lo
A changkang lo leh thin mang e! Hetia inpunkhawm, ‘mob rule’ ang chi hi chu Kristianna nen a inhmeh lo teh e! KTP leader te an tel leh awm nuk sia! Police te’n lo dang lo se enge thleng ang…? Hmanah tualthat Saiha-a tang ve mek pawh mipui pungkhawmin tan-in chu panin lungin an zu denhlum ringawt kha! An la nui vur vur zui! Kar tawpah ngaih tha deuhin inkhawmin KTP huang chhungah te thu an la sawi awm si a! Kan veng chuti khati tih teh vak hian ‘communal feeling’ a hring a, Mizo hi hnam te tak kan ni chung hian mahni zingah kan in awmna, kilometre tlemtein a inhlat avang maiin kan la inhmusit ve leh chhawnga! A thilsual titu chu i dem mawlh ang u- mahse dan anga hrem ni tur, tang mek tawh kutthlak tum hram emaw, a veng/khua/hnam ang zawnga huat lak hi chu i sim mawlh ang u!
Kei chu he thil thlengah kher hi chuan mipui hi an fakawm ka ti, buaina siam lovin an kir leha. Mahse mahni vengte dikna avang poh ni lova kan in punkhawm hi a tam viauin ka ring, aveng zawngte a khua zawngtea thil lak hi kan ching si a.