Khawvel hmasawnnain min nang a, Radio, TV, Tape Recorder, Computer, Banking, Mobile, ladt. chu kan ni tin nunah hian an rawn bet tel ta tlat hlawm mai. Chu hmasawnna lo thleng chu kan dan theih a ni lo a, lo dan kan tum poh leh kan khawro telh telh a ni mai. Tin, he’ng hmasawnna lo lut te hi kan ni tin nun min tizangkhai a, ka eizawnna leh kan nunphung min tichangkang tura siamchhuah a ni lai hian mi tam tak chuan kan chhiat phah nasa a ni.
Hmasawnna kan Chhiat Phah??
Kan hmanrua leh thiamna hrang hrang hmasawnna tura siamchhuahte hi kan chhiat phah nasa hle, kan ti a. Hmasawnna tura tana siamchhuah ni si chu engvangin nge kan chhiatpui tak mai le? A chhan bulpui ber nia ka hriat chu – kan hmanrua leh thiamnate hi kan hrechiang HMASA tawk lo. Tin, lo hriatchian hmasak pawh tum i la, hun awl awm mang loa heng hmasawnna hmanrua leh thiamnate hian min rawn den thin vang a ni bawk.
TV en vanga naupang exam failed phah hi engzat nge awm ang? Tape recorder vanga intibuai, inhau, insual, ladt. hi eng zat nge awm ang? Computer vanga chhungkuaa buaina chhuak an awm ang em? Tun thlenga Biak Ina inkhawm laia mobile lo khawih ru zeuh zeuh engzat nge awm a, he’ng mite hian mobile leh Pathian awmzia hi an hre lo em ni? Silent/Off loh vanga inkhawm laia mobile phone ri hian inkhawm urhsun boruak a tichhe thei em?
A chungami khi a lehlam hawi zawnga ka han thlirna a ni a. A tha lawm zawnga hmang chu kan awm teh meuh mai. Nunphung a tizangkhai em em a ni.
Damna, damna!!!
Aw, Mizote hian damna hi kan va han duh em? Hruaikawnah tidamtu a awm! Zote-ah tawngtai dam thei a awm! Kan pan sup sup mai! Kum 2002-a Homiopathi zir ka thlan khan tumahin ‘a tha a sin’ an ti lo, ‘engati nge i thlan duh zawk a’ an ti vek! Mahse, 2008-2009 chhung khan media lamah A.Y.U.S.H. chu tihlar a han ni a, 2007 hma lama zir tur an inhmuh zawh loh thin kha 2008-ah chuan mi 20 velin an zir thar a, 2009-ah chuan mi 50 laiin an rawn zir thar ve ta!! Engvanga zir thar tam ta hluai nge an nih? Damna dawi an zir dawn tlat alawm! Damna pe theitu nih hi Mizote zingah chuan a hlu zual bik em ni le aw, ka ti thin. A chhan pawh mipuite hi damna duha tuihal huam huam kan nih vang a ni ber mai!
A.Y.U.S.H.
Health services monopoly ni thin chu mipuite hnena duhthlan theih tura allopathic thiamna chauh ni lo, thiamna dang rawn chhawpchhuah hi India Sawrkar sukthlek lam a ni a, chutah chuan (kan duh emaw duh lo emaw) Mizoram sawrkar pawh a bang bik lo. Hmanlaia tanga an lo hman thin damdawi- Ayurveda te, Unani te, Siddha te chu India sawrkar chuan chawikan a tum nasa em em mai a. Chumi rual chuan Yoga, insawizawi zirna (Hindu te’n an Sakhaw mila an kaihher a, Buddhist leh Jainism te pawhina an duhna lama an kawihher) chu India mite hming lanna langsar tak a niha vangin ken tel a ni ve bawk a. Tin, India mite kutchhuak ni lo mah se, Christian missionary te’n India mite thinlunga thuk tak maia an lo phun, mahni ta zawk ni mai ang hiala an vawn ngheh tawh chu chawilar tel a ni bawk a. Mizoramah phei chuan a lar ber a ni ta nghe nghe a.
Engtin nge kan lo chibai ang?
India danpui chuan India mi tinte hi zalenna min pe a, kan duhzawng thlan theihna zalenna a ni. Sakhua pawh kan duh duh kan zawm thei a, chutiang bawkin inenkawl damnaa tan pawh kan duh duh kan hmang thei a ni. A duhin damdawi an ei a, a duh chu tawngtai dam thei an pan mai a, phal vek a ni! AYUSH te pawh hi tunah chuan duhthlan tur zingah a lo tel ve ta reng mai! Heng damdawi thiamna chi hrang hrangte hi eng nge an nih chiah a, eng nge nghawng a neih dan te hi kan hrechiang lo hlawm rih hle a.
Rinthu leh ‘an ti’ tih mai loh chu sawi tur kan nei tlem hlawm hle a ni. Tam tak chuan heng damdawi te hi Sakhuana lamah kan kaiher nasa hle mai a. Ayurvedic te pawh Hindu a ni kan ti a, kan insawithaih nasa hle! Mahse, Aizawl Civil Hospital thlang kawng kama damdawi dawr te hi hmanni chu kan han enkual zuai zuai a (kal pahin), Ayurvedic damdawi an lo pho lang nasa hlawm hle mai (Ayurvedic damdawi zawrh phalna permit nei tak maw?). Himalaya brand te pawh kan lotion zawrh vel mai mai chu a ni a. Heti chung hian Ayurveda sawiselna chu a nasa hle a ni. A damdawi do lo hian a doctor -te hi kan do zawk em ni? Chuti a nih chuan monopoly kan khelh thin kha ui vangin itsikna lamah kan inher rem ta em ni ang le?
YOGA: Hei zet hi zawngin sawi leh sel a va han hlawh em! Medical science atanga thlir chuan Yoga hi taksa sawizawi zirna mai a ni. Mahse, mi thenkhatin Hindu te’n Yoga an hman dan chu Yoga tihdan tura an ngaih tlata vangin dodalna leh sawiselna hi tawk ta a ni ber a. Yoga hi Jainism -ah pawh a hranin a awm a, Buddhism-ah pawh a hranin a awm bawk.
Sawrkar Policy
Yoga tihhmasawna tihchangtlun hi India Sawrkar laipui policy a ni. Kan lo dang thei ngawt lo. Helai tak hi ngaihtuah chian ngai lai chu a ni. Lo dang thei lo mah i la, kan lo her rem thei a ni. Central programme tam tak kan lo herrem tawh thin kha maw!
Yoga hi an a scientific definition ang ngei hian pawm thlap mai i la – Taksa Sawizawi Zirna tiin. Yoga ti nasa ber Hindu te an ni a, an tihdan kan zawm ve kher a ngai chuang lo ang a. Chaw ei dawn, mut dawn, ladt. -a kan tawngtai thin ang hian Yoga kan tih dawn hian duh leh tawngtai ve thin mai ta i la! A fuh zawk fu lo maw? Eu ngawng ngawng mai hi a Hindu-na a awm lo, a ‘omm’ chin hi i thliar thiam mai ang zawk ang u.
(Note: Article tak taka tana ka ruahman a ni lo a, a tawngkam a ulhin a thu a hlawm tha lo ang, chhiartute’n chhiar dan i thiam mai teh ang u).
-----------------------------------------------------------------------
Similar Posts
- AP Chief Minister a thi
- Damna duhin boralna lamlianah(?)
- AYUSH pawisa a hmanna turah an la pechhuak lo
- To My Doctor with Love – Lallunghnema, Charity Lodge
- Hindi tawng tih hmasawnna tur a meeting
He thu hi Wednesday, January 20th, 2010 dar 12:37 pm a Health . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
This is Bullshit. Ayurveda = Hinduism. Unless you convert Hinduism itself to Christianity, there can never be Christian Yoga.
Ayurveda hi sakhua a ni e.. Ayurveda sakhaw vuantu ka ni e ti an awm sup sup hma chu… Ayurveda = Hinduism tih hi ka pawm thei ngai lo ang. Sacrament = Christianity te ti ta ngawt ila, helh fe fe chu kan awm ngei ang.. tu te emawni in Sacrament hi lo kil ve se, an rilru ah tum hrang daih nei si ta se..a hming ai chuan a practice-tu te rilru chhungril lam a pawimawh zawk awm e. ‘is equal to’ tih hi, inang emaw tlukpui emaw tihna kha a ni in ka hria. Ayurveda translated would mean science of life… Science leh Religion hi chu a hrang deuh lawng maw.. herbs hi christian te hian damdawi ah an hmang ve thei tho a, a vai hming lai ‘Ayurveda’ hrim hrim hi kan duh lo a nih pawh in… mahni rilru ah hming dang lo vuah ta mai ila… Yoga a nilo, Physical exercise a lom.. te ti ta ila?
Christian Yoga. Healthy heroin, curable AIDS, Hot snow, an inang vek. Mizote hi bawh lam bawh huk kan ching a, ayurveda kan buai thul, yoga kan buaipui thul, art of living, diwali, ..kan vai zo tawh.
Khawvel hi a te tawh.. kan duh emaw duh lo emaw.. thil hi a inpawlhsawp chho zel dawn.. mahni rinna threuh ah i chiang ila.. mi in an bawh huk vanga lo chhiat phah ve ngawt tur chi kan nih chuan.. kan bawh ve hma in ka chhe tawh tihna a ni mai.
chhiar ve thin la, hetiang te adang tam tak te pawh.
http://www.religionfacts.com/hinduism/practices/ayurveda.htm
Heihi, Dhanwantri, god of Ayurveda a nih hi…………..
—– 0——-
http://i48.tinypic.com/294tmxj.jpg
Kristian in zirtir naah chuan, ringlo tu te thil tihna ang chi ah tel lo tura zirtir kan ni lawm ni?
Chhiar ve thrin mai thei a sin.. google chawp nawk nawk a .. in post siak phei chuan … pastor tam tak in a pawina a awmlo tih an ziah te pawh kan google chhuak thei tho ve tho ang chu.. yoga, ayurvedic, etc. rawn ti ve te hi hindu ho in hindu ah an chhiar kher lo.. herbal medicine ti ila.. excercise ti leh ta daih bawk ila ni mai a lom.. ayur-veda/vedic leh yoga chu kan practice velo tihna ni mai a lom…a hming a kan buai em em a hnu.
Cross awrh ringawt hi christian nihna a nilo a… christian tihdan tam tak kan tih vang in christian kan ni ngawt hek lo. Sakhaw dang tihdan kan tihloh avangin kan chuti teh hluai bawk lo..
An rawn chhiar kher tih kan sawi nem le. ” Kristian in zirtir naah chuan, ringlo tu te thil tihna ang chi ah tel lo tura zirtir kan ni lawm ni?” tih lam a ni e.
“You cannot drink the cup of the Lord and the cup of demons. You cannot partake of the table of the Lord and the table of demons. ” Corinthians
alexxa ka tan e. Gandhi-a pawh Isua thlalak te a inah a tar kul a, He is our peace a tih te kha a duh em em a Kristian anih kan hre lem hlei law.
Yoga hi chi hnihin a then theih ang: insawizawi nan leh thlarau biak nan. Insawizawina anih chuan ti-hrawl sawi zawi leh thawk lak dan zirna ani mai a. Taksa in a ngeih zawng tak ani. Thlarau biak nana hman anih chuan yoga titu kha ‘psychic’ angin a awm thin. Hemi chungchang hi chu Nicky Cruz-a’n a ziak nual.
Yoga hi sual ani em tih chu armani suit hak hi sual ani em tih nen chhan thiam a har dan a inang vel ang, Bible ah ziak fek fawk tlat hek lo.
Mahse, insawizawinan a hman ngawr ngawr hi sual/kristian lo anih a rinawm loh.
Ni te Thla te pawh eng sakhua emaw tan chuan pathian an nia.. Ni leh Thla hi ringlo mite ta kan ti kher hlei nem.. akekkee