Aizawl leh hmun rang hrang a Motor ruk ching Lalfamkima s/o HV Thuama Kolasib hmarveng leh a thurualpui Vanlalhriata s/o J.Hautawna Durtlang leitan nia insawi te chu an motor ruk nen Silchar bulah Sonai Police ten manin Vairengte Police kuta an hlan hnuah Vairengte Police te chuan thubuai siamsakin, vawiin khan Judicial Custody a dah turin Kolasib ah an hruai.
Lalfamkima te thian dun hian tunhnai khan N.Chhimluang khua VC Member Pu Rothangpuia Motor Maruti Van MZ 05-0277 chu an mut hlanin an ru chhuak a, Silchar lam panin, an motor ruk chu hralh an tum a, Sonai a an awm laiin an Motor chu a nun theih loh vanga an din reng tak avangin Sonai Police te chuan ringhlelin an check ta a, Document leh Lisence pawh an neih loh avangin an man ta a, Sonai Police te hian Vairengte Police te kutah an hlan chhawng ta a ni.
Vairengte Police hnen atanga thu dawn danin Lalfamkima hi naupan tet atanga ruk ruk thil a lo inhnamhnawih tawh thin, Aizawl bazar a Pick Pocket lo ti fo tawh leh Motor pawh engemaw zat lo ruchhuak tawh ani a, Lalfamkima hian heng an motor ruk te hi a tlangpuiin zan lama Nula fawrpui nan ahmangin, an hman tawpna ah an hnutchiah mai thin niin Police te hma ah a sawi bawk.
Hei bakah hian Lalfamkima hi Hel pawl ‘Sinlung Hills Revolutionary Army’ ah pawh hun engemaw chen lotang tawh, chuta tang chuan Silai leh a Mu tlanbopuiin a hralh hnuah, 2008 kumtir lam khan mizoram CID kutah a in pe ta ani. Lalfamkima hian thil sual tam tak lo ti tawh mahse heng a thilsual tih avang hian man ala tawh ngai loh thu vairengte Police te chuan an sawi bawk.
-----------------------------------------------------------------------
Similar Posts
- Phai lama motor ruk nia rin an man khawm
- AIG-III motor anga cheiah a senchi case 27 man
- Truck chesual; 2 thi
- Zu UM 2844 MAN A NI
- Sairang nu 2 su hlumtu man
He thu hi Sunday, January 17th, 2010 dar 10:58 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Tu nge ni Lalfamkima s/o HV thuama an pafa hian ka van hre ngai lo ve le aw.MZ05-0277 kha chu Dawngtea Taxi hlui chu ani ngei mai .hre chiang deuh in awm em han sawi chiang teh u tu te inbul awm nge an nih
Kolasib Hmar veng chu hmmm, lunghlui a ti leng mai dawn alawm mawle
Vai ho chu an va ti tha leh lawi si ve…good job
an man chu avan tihzia ve mi tamtak an thlamuan pha sawt dawn a nih chu.