Lalrinzuala Varte Awtea tia koh Upper kanan veng ami thih chungchang ah Kanan veng mi thenkhat chuan Nimin Jan 27 zan khan Aizawl Police Station an pan khawm. Lalrinzuala Awtea tia koh hi Jan ni 24 zinga Rangvamuala a kal haw chu hliam a tawrh a vangin Aizawl Civil Hospital pan nghal a ni a,Lalrinzuala hi Aizawl Hospital a dahluh a nih leh hnu ah Nimin chawhnu Dar 1:15 khan a hliam tuar lovin a boral ta a ni.

Thudawna chuan Lalrinzuala hian Forest Checkgate bulah Truck Buhfai phur pahnih MZ 01D-4906 leh MZ 01-5346 in zui chu a hmasa zawk phar din a tum a,Truck chu a din mai loh a vangin Lal rinzuala hian a Glass ah a vawm ta niin a sawia,hemi hnu hian truck inzui te hian lalrinzuala chu Company peng thleng an phurh thu a sawi bawk.

Hemi chungchang ah hian lalrinzuala Nau chuan a U in Hliam a tawrh a vangin Vaivakawn Police station ah FIR a thehlut ta a ni.Truck neitu hi Vanlalchhuangi Chanmari West a ni a,Police ten rinhleh thila an man te chu Driver Vijay Gurung leh Vanlalruata te bakah an handyman te an ni.

Hemi chungchang ah hian Kanan veng mipuite chuan an mi rinhleh te man ngei an nih leh nihloh fiahtum in Aizawl Police Station chu nizan khan an pan a,Police te hian Gate ah lo dangin hun engemaw chen chu Aurinna hmanga in khap tum a ni a,Aizawl Additional Sp C.Lalruaia hova Kanan veng leh Chanmari West Khawtlang hruaitute in biak hnu ah thil awmdan mipui hriattir an ni a,Hemi hnu hian Khawtlang hruaitute ngenna ang in Zan dar 11:30 hnu lam khan pungkhawmte chu an tindarh ta a ni.

Share

-----------------------------------------------------------------------
Similar Posts

• 709 Truck a chesual
• Lailapur bulah hmeichhe ruang chhar
• Motor insut avanga sawisak hlum
• Truck chesual ah Lalsawmliani a thi
• Lalrinzuala aka Chengkhat-a a thi

He thu hi Thursday, January 28th, 2010 dar 5:34 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.