Tower Infotech Aizawl Branch chuan chanchinbu thenkhatin bank lem anga an chhuah chungchangah an hriatchian loh vang ni a an hriat thu an sawi. Thuchhuah chuan Tower Infotech Aizawl Branch chu Indian Companies Act 1956/1 of 1956 leh enrolment – AM n-019375/85 Govt. of India Enterprise West Bengal Register atanga din niin security tha tak neiin project hrang hrang hlawhtling takin a kalpui mek.
Banking ni lovin tuna Mizorama an project neih chhun chu solar product chihrang hrang monthly installment a pek a ni zawk a, heng solar product te hi Aizawl Branch Office, Opposite MUCO Bank ah stock a awm a, project kalphung te zawhfiah nghal theih a ni, an ti a, project tam tak hlawhtling takin a kalpui mek tih sawiin tuna Mizorama project ang te chu mi hnuaihnung zawkten an chhawr tangkai hle tawh a, Ram dangah project hlawhtling tawh 10 vel leh project khawih mek leh khawih mek engemawzah a awm a, USA ah chuan India ram atanga Project neih tum tam tak zingah Tower Infotech chiah hi thlan ani an ti.
Mizoramah Aizawl Branch kaltlangin Solar Product monthly installment chu tluang takin Tower Infotech Kolkota kaltlang leh kaihhruainain kalpui a ni a, installment a zo anih chuan solar product hi a pawisa milin an thleng thei a, chhungkaw harsatna emaw thil dang emaw vanga pawisa lalet duh an nih chuan an hotuten an lo siam fel sak mai thin niin thuchhuahah chuan an tarlang bawk.
-----------------------------------------------------------------------
Similar Posts
- NLUP hi Sekibuhchhuak ni lovin Hreipui Khuaituthei a ni – R.Selthuama
- Annular Solar Eclipse 2010
- UD&PA -in mirethei tan In a sa mek
- Pawisa lem man
- Solar City-a siam nan nuai 13.04 hmu tawh
He thu hi Monday, January 18th, 2010 dar 5:57 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
