Zoram Drivers Union chuan Vawin Jan 26 chawhma Dar 11 khan an headquaters Office Bawngkawn ah Special meeting an nei. ZDU Special Asembly hi an President Pu.F Zakhuman a kai hruaia General Secretary Pu.Lalramhlunan Report a pe a ni.Chawhnu lamah Rorel inkhawm an nei a he hun ah hian Sub-Headquaters Branch Unit leh General Headquaters a tanga Agenda lut te sawihona hun hman a ni.
Special Assembly Agenda lut langsar zual zingah Serchhip Sub Hqrs chuan Serchhip ah Damna in din nirawhse tih an pulut a,Seling Branch a tangin Sawrkara driving Licence dil tur ten ZDU Gen Headquaters, Sub Headquaters, Branch leh Unit te hriatpuina la tura ngen nise, chu chuan Foreigners leh kum tlinglo Licence latur a ven bakah Accident a tih tlem phah ang tih lut chu chakzawk a bawhzui nise tih an rel a, Unit.Branch leh sub headquaters a member ni duh silo direct a Headquaters a member ni thin te chu pawm tawhloh nise,Sub Headquaters Lunglei chu Southern headquaters ah hlan kai nise, ZDU member Inralna chu Rs.20,000 ni tawh se tih te an rel.
ZDU Genral headquaters a tanga lut ZDU member dik tak a chhirtur te chu inkaihhruaina dan in a sawi ang zawm leh tihtur ang ti te chauh, ZDU member ni tur chuan Licence Authority in Licence a pek te chauh an ni tur a ni. tih te an ngaihtuah ho a ni. ZDU hian kum 2009 kalta chhung khan Crane hman man a tangin hlawkna Rs.2,93,910. an hmu a,Abulance hman man a tangin Rs.63,215 hlawkna an hmu bawk.
-----------------------------------------------------------------------
Similar Posts
- Mizoram College Teachers Conference
- Pandal hnam dang cheitir rem ti lo
- Silaimu chi hrang hrang man a ni
- MUP General Assembly vawi 38-na
- ILP chungchang zir ho
He thu hi Tuesday, January 26th, 2010 dar 6:29 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
