Kum 12 mi a ni a, pawl 6 zirlai a ni, Aizawl veng pakhat school tha tak pakhata lut a ni a, a pa chu officer a ni. He naupang hian mobile phone a nei a, tutu emaw a be ve thin. Tih palh thuah ka thianpa in hmet sualin he nau hi a be pawp palh a, a hnu lawkah he nau hian a rawn chhui zui ve nghal.
Ka thianpa sawi danin ‘a number hi ka hmet sual palh a, a hnuah a rawn dial vak vak a, ka lak hnuah a dah leh daih zel bawk si, a hnuah message ka thawn a, tunge aw? ka ti a, mahse a insawi duh lo, mahse a hnuah pawh a rawn message leh tak zauh zauh vangin khawngaihin i hming min hrilh rawh ka ti a, he naupang hian ‘I rilru ka tihnat palh takin’ tiin a hming chu a rawn sawi ta a, thiam taka dekin a address engkim ka zawt a, ka hriat chian meuh chuan pawl 6 zirlai sap sikula kal naupang satliah mai lo niin’ tiin a sawi.
Ka thianpa sawi leh zel danah a hnuah pawh he naute hian a be pawp reng a, mahse nuih en bakin a lo en chiah lo tih pawh ka chiang ka thiana hian. A message pawh kan en dun fo a…
He naupang thu thawn thiam zia leh a tawngkam mak zia ringawt pawh hian ngaihtuahna a ti thui a, pawl 6 mi lekin mipa a chhaih dan leh a tihdan velah hian ngaih a tha mawlh lo a ni.
Ka thianpa pakhat dang School-a thawk ve thung pawhin ti hian min hrilh tawh bawk, ‘Hmanni chu kan class 5 zirlai pakhatin sir thil hrilh duh che ka nei tiin min rawn pan a, enge kan tih chuan ka u in a star lutuk che a, a ti a, hrem mai chi ni si lo mak ka ti lutuk a, ka zak hial zawk a ni” tiin.
Hetiang a nih chuan nu leh pante’n hma lak kan ngai nasa ta hle. Kan fa te hi hriat loh lamah an nikhua lutuk ta. Mi felfa, mi lian fa leh zirtirna dawng awm tak tak fate pawh an bang chuang lo. Khing a chunga kan sawilan pahnih atang ringawt pawh khian kan fate khawsak dan leh rah loh tur an rah nasat tak zia chu kan hrethiam mai awm e.
Pawl 6 zir mi in tlangval senior tawh tak a chhaih ve zarh zarh ngam chuan a hmabak a pui lo khawp ang, mipat hmeichhiatna hman khawloh emaw, humsual dai a ni ringawt. Khatiang mi lek khan engtinnge mipa chhaihna chang a hriat a, engvangin nge mobile phone an pek phal tih pawh zawhna lian tlingin, in enfiah a ngai tak meuh a ni, kan fate kan zalen tirna hian nakin lawkah sual a hring chhuak hnem khawp ang tih kei chuan ka ring nghet bur bawk.
Naupang an ni a, an nu leh pa te bulah chuan naupang chhe awmin an awm leh lawi si ang, nu leh pa te tan pawh naupang chhawm chhaih baka tih vak ngaihna an awm lo mai thei. Mahse kan tunlai nun dik tak ka rawn chhawp chhuah atang hian fimkhur a tul zia erawh kan hre fur tawh awm e. Khawchhak film/korean film an en a, inngaizawng te awm dan leh an tawngkam zawng zawng an hria a, an titi tui ber leh an chaw lakna ber pakhat a ni a, he film hi inzir nan tak pawh an hmang a ni mai thei. Chuvangin an film en tur chenin kan khapa kan khuahkhirh an ngai tawh hle. Mobile phone mitinin kan nei tawh a, langlo lamah duhtawkin sual tih remchan nan a hman theih bawk nen, kum tlinglo naupang te te te hi chu pe in khawih tam tir lo teh ang, ‘Sodom nun zira hremhmun kal nan hmang loin, thil tha tih nan hmang ang u.’
-----------------------------------------------------------------------
Similar Posts
- Kan Ram A Kan Inbiak Pawhna Ka Hmuh Ve Dan
- Thlahrang ka thiannu sawi!
- Friday the 13th zan ti ti
- MS I Dawn Chiang Lo
- Rulngan bawk
He thu hi Saturday, February 6th, 2010 dar 10:42 am a Articles, ETC . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Nia.. kum naupang lutuk tan chuan mithiam te pawhin mobile phone signal electromagnet zungzam hi an hriselna atan pawh a tha lova a hlauhawm e an tih kha…. # Mobile phone ban phakah naupang dah loh tur# heheheh.
Sex leh a kaihhnawih lama kan society a “changkan” zia Cephas Sr.Ralte chuan a phawrh chhuak chiang khawp mai.