Mizo Aw : Mizoramah a bikin Aizawl-a Bike te hi a bo nasa tawh hle a. Thenkhatin City of Bike an tih hialna Aizawl-a Bike bo tam tak hi a neitu fimkhur tawk loh vang a ni fova, zanriak tura kawngpui kama kalsan mai maite a bo duh zual niin a lang. Hman deuh khan Pulsar Bike a bo duh zual a, mahse tunah phei chuan Karizma leh company dang dang pawh a bang chuang ta lo.
Inven theih a ni chiang a, kan kalsan danahte, dahna hmun kan fimkhur leh fimkhur loh kar hla tak a ni ngei ang.
Rs.150-200/- inkar vel man lek Wheel Lock vuah hi a tha khawp mai a, thenkhat chuan Bike hmel timawi loa an hriat vangin vuah an hreh a. Mahse mawi tak chunga Bike bo ai chuan tlema mawi lo deuh pawh nise vuah vanga cheng sing tam man himna tur kha ngaihpawimawh chi zawk a ni ang. Wheel lock vuah chunga bo hriat tur a vang hle a, a bo an tihte pawh a bul hnaiteah an tihchhiat theih loh vanga an kalsan te a ni hlawm a, tuman quintal 1 chuanga rit |iau kam thlengin an pu chho peih lo ang tih hriat a tha.
Bike seat thlawn daih mai pawh a tha khawp mai. A seat tel lova KM 1 chuan pawh thil peihawm lo tawp a ni a, a air filter vela tui a loh nana saranga tuam erawh a tha thung.
Steering lock vanga ngaihtha taka kalsan ngawt chi a nih loh zia chu bike bo tawh ten an hrechiang ang. Karchhiat theih a ni a, a ru thinte hian an hre khawp a ni ang harsatna an nei lem lo tlat. Mahse tihdan a awm a, kar chhiat theihna lai kar awngah tak mai hian thir han dah ila, welding phui hmak mai ila, an kar chhe lo tawp ang.
Tin, a plug hi kalsan dawnah thlawn hmak lai ila, a nung har chu an ti ve ngawt ang. Tui a luh theih loh nana khuh that erawh a ngai a, mahse he tactic hi a bike ruk expert ho tan chuan a common deuh tawh a, a him phah em em lo.Ruk tum tak tak ho chu plug nen an inring sa thlap thei tlat a ni. A bo miah lohna tur chu tlaivara ven a ni tawp mai a, hei hi a him ber naa tuma tihpeih loh tur a nih avangin a chunga kan tarlan takte hi tlema thatchhe deuh pawhin zawm tum ila a finthlak viau ang.
-----------------------------------------------------------------------
Similar Posts
- Mizo blog thar
- Dil ah tlahlum
- Truck in bike a chuang a chilhlum
- ATC sum Rs. 70,000 a bo
- Lungrem chimin motor delh
He thu hi Thursday, February 4th, 2010 dar 11:04 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Bike bo tur ka la nei lo tlat. Hmanah scooter chu ka nei tawh, a bo tawh bawk.