Feb ni 19 zinglam dar 7:45 vela lailapura hmeichhe ruang an chhar chu Zorammuani kum 34 d/o Thangkimi, Bilkhawthlir Zamzo veng a ni tih hriat chhuah a ni tawh a, he tualthihna chungchang hi Vairengte police ten an chhui mek. Kan palai in thu a dawn dan chuan Zorammuani hi feb ni 18 khan Lailapur ah bazar turin a thian te nen an kal a, an haw dawna innghhkhawmn tur hmun atana an ruat ah a thin te hian an hmu ta lova, an nghahna tura an sawi hotela awm te chuan Truck ah an haw niin an sawi avangin sumo in an hawsan ta niin an sawi.
Hemi hnu atang hian a chanchin hi an hrezui ta lova, Feb ni 19 zing dar 7:45 vel khan Mizoram leh Assam Auto rickshaw Transit Stand bul lawk ah vairengte nu vawkchaw zawng ten thi in an hmu ta a ni. Zorammuani ruang an hmuh hian a mawza khing lehlam bak chu thuam engmah a inbel lo niin an sawi bawk.Zorammuani tualthihna avang hian Bilkhawthlir khawtlang chu an thin a ur hle a, vawiin feb ni 20 hian VC leh Tlawmngai pawl hrang hrang te huaihawt in he tualthihna duhloh lantir nan Bazar kawn ah an pungkhawm a, kalkhawmte chuan resolution siamin a rang thei ang bera hemi chung chang chhuichhuah an phut thu te, he thihna a mawh phurtu hi Mizo an ni emaw hnamdang mi an ni emaw thi chhungte hnen ah Zangna dawmna pek ngei nise an phut thu te an passed a ni. Bilkhawthlir thalai rual thinur zual 50/60 vel chu Zorammuani thihna hmun ah hian an kal
-----------------------------------------------------------------------
Similar Posts
- Ruang chhar
- Vairengte Bazar
- Vairengte Coordination Committee Thuchhuah
- Bilkhawthlir daia Motor Accident ah Mi-2 in nunna an chan
- Vairengte ah CrPc144of1973
He thu hi Saturday, February 20th, 2010 dar 4:52 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
