Zozam Times : Kum 2010 chhunga zirlai naupangte tana SSA in lehkhabu a sem tur chu a vaiin 8,84,515 niin cheng 3,84,07,500 a ni. SSA hian lehkhabute hi kum dangah chuan private atangin direct in a lei thin a, kuminah chuan MBSE atanga a chhang hniam ber hnenah supply order pek an ni.
Hetih lai hian zirlaite hnena lehkhabu sem tur hi nimin thleng khan sem a la ni lova, education department hotu liante phai lama an la zin rih avangin zirtirtute leh SSA lam inhmuhthiam lohna chu thutawp a la awm thei lo bawk.
FMGST President Lalrammawia chuan an dinna ngaiah an la din reng thu a sawi a, a hmaa Addl Secretary in a koh bak minister leh department hotu liante atangin thu leh hla engmah an la dawn leh loh thu a sawi.
SSA lehkhabu sem turah hian english medium zirlaibu chu a man a san avangin thenkhat chiah sem tura ruahman a ni a, mizo medium-ah erawh a zavaia sem kim tura tih a ni thung. Heng bakah hian CBSE medium te, bengali medium te, nepali medium te pawh sem vek tura tih a ni a, hetih lai hian private school zirlai naupangte hnenah erawh sem a ni ve dawn lo.
District pariat a mizo medium tan bika lehkhabu sem tur zawng zawng hi 4,89,385 a ni a, english medium a sem tur zawng zawng hi 3,76,165 a ni a. District pathum a bengali medium-a sem tur zat hi 16,090 a ni a, Aizawl leh Kolasib a nepali medium a sem tur hi 2875 a ni bawk. Heng zirlaibute hi SSA lam chua tunlai hian a thlenna tur hmunah an phur chhuak mek a ni.
-----------------------------------------------------------------------
Similar Posts
- Serchhip Dist-a Department 5 in NLUP sum sem zo fel tawh?
- 2011 atan sikul kal tan
- Project level Seminar on ICDS
- Literature Night
- Kumtlinglo Khawih Thin Man
He thu hi Thursday, February 4th, 2010 dar 10:05 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
SSA zirlaibu sem thin hi a tha khawp mai, amaherawhchu ahunah an sem lo thin a, hei hian nu leh pa te senso engmah a phuhruk ka hre hauh lo. Ka fate hi Mary Mount Schoolah an kal a, ka fate ber hi tunah hian Class-I a ni a, an lehkhabu/zirlaibu zawng zawng hi School luhhma in kan lei vek a ngai a, kan lei vek thin. Hmanni khan kan naute hian lehkhabu pahnih a rawn hawn a, chu chu SSA sem ni turah ka ngai mai a. Hei hian kan sum lo sen tawh chhawk zangkhaina a nei der lo. A huna an sem miau loh avangin semlo mahse a pawina ka hre der lo.
Kumtin hian an dawng ve fo a, lehkhabu kan leihmain an dawng bawk si lova. A ho ka ti hle a ni. December thlatir hian sem vek se chuan awmzia a awm ang. Chuti a nih loh chuan SATAHCHHUAKPEK pawh a tluk lou.
Sorkar lam level tinah an tlai a vangin a zarzo tur naupangte an tawrh phah niin a lang.
A hun taka sem tur hian harsatna lian tham a awm lovang.
1/MBSE hian syllabus thlak sek lo se,publisher leh printer te thlang hma thin se.
2/SSA hian tender ti hma in supplier te order pe hma se la.
3/School tinin kumthar tirah kawl vekin luh tan ni ah sem se.
4/VIP in vai liam tih vel ai chuan a huna hmu thei tura inhmakhawsuih a tawk mai.