Thlalak : http://beiseibo.blogspot.com
Burma rama Mizo tam zawkte chenna – Tahanah ni 30 , 31 March 2010, chhun dar 12 atang tlai lam dar 4 thelng, Centenary Hall, Mission Vengah Mizo Kut zinga ropui ber “Chapchar Kut” hman a ni leh dawn.
Kum in Chapchar Kut chu Kalay township chhunga awm Mizo khua zawng zawng sawm tur a ni a, Mualzawl khua leh Tuikhinzang te pawh sawm tel tur a ni. Khaw thalai hruaitute address-a sawm tur a ni a LWO(Lushai Welfare Organization) dinna khua a nih chuan LWO hruaitute true copy pek tel tur a ni. Tahan A Group – G Group te lam chi hrang hrang lam tura beisei an ni. Lam tur tlangpui : -
Cheraw (lam dan hlui)
Zawl khaw sir
Cheraw( lam dan thar)
Khual lam
Zo tlang sang
Kan zo tlang ram nuam
Khuang chawi lam
Lam thawh ve thei tur khuate chuan ni 18 aia tlai lo va lam Sub Commitee hnenah emaw Chapchar Kut Committee Secretary hnenah emaw hriattir tur a ni ang.
Tahana Chapchar Kut hman turah hian Burma ram chhunga Mizo zawng zawngte sawm an ni.
Thlalak: Tahan Chapchar Kut Video
-----------------------------------------------------------------------
Similar Posts
- Mizo Cheraw for Guiness World Record Website tlawh tura sawmna
- Hawh U, Chapchar Kut Website
- Chapchar kut 2010 hmandan tur
- Chapchar Kut lawmdan tur sawiho
- Chin National Day in Malaysia-ah Mizo Cheraw
He thu hi Friday, February 26th, 2010 dar 1:52 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Nuam deuhin in hmang dawn nia, Burma ram chhunga Mizo awm zawng zawng chiah lo deuh te khi sawm ve ula…
A tha e.Mizote kan awmkhawm tawhna hmun apiangah chuan Mizo ngaihhlut thil,kan Mizona lanchhuahna te hi chu tih theih zel tum ang u.Chuti chuan Mizo nih hi a lo nuam zual sauh sauh ang.