Vietnam rama missionary pakhain a ziak ka chhiar pakhat ka la hre reng, An School naupang pakhat kha thisen pek a ngai a thisen pe turin a thiante chu an pek ngam leh ngam loh a zawt a, anni ho chu an ngawi thap mai a nakinah chuan mipa naupang pakhat hi a rawn ding chhuak a, kemahin ka pe ang a rawn ti ta a , an zirtirtu chu a lawm hle mai, damdawiin lamah thisen pe tur chuan a hruai ta a , a thian dangte chuan mittui tla chungin an thlir liam a, amah ngei pawh chu thisen lakna room a luh pah chuan a inhnit faih faih a, nakinah chuan thisen chu a pe zova, school lamah chuan a kir leh ta a, a thiante chuan mak ti em em in an thianpa dama an hmu leh chu an lo thlir a,engtin nge a thih loh zawk tih an lo zawt liam liam a.

Chu chu hriain an zirtirtunu chuan a zawt chiang ta a. Chu naupang chuan thisen a pek khan amah kha a thi turah a lo inngai reng mai a. Chuti ni si ngatinge thisen pek chu i tum tho tia a zawh chuan,ka thiannu tan hian ka nunna hi hlan ka huam ani tiin a chhang ta a. Shillong a ka thawh lai khan damlo thisen pek ngai an awm chuan, ka thawhpui te hian Mizo anni em an lo ti thuai thin, Mizo chu thisen pek ngai an awmin a buaithlak ve ngai lo,an inko khawm a unit tam tak pek tur kan nei thuai mai zel ani ti mai thin,hei vang hian Mizo doctor nih kha nuam ka ti rilru viau thin ani.

Kan zirlai chuan damlo na zual an awm chang a an chhungte leh thenrual buaupui tham khawp leh ninawm khawpa an rawn in hawr khawm vak te hian, hau hauvin mi 3 aia tam awm suh u te pawh ti mah ila thu an awh tha duh hauh lo,mipui hnawh bo dan tha ber chu, in damlo hian thisen a mawmawh mai thei a thisen pe tur lo in ring reu reng ang che u han ti ila an bo diak mai,mamawhna dang neih a han zawn leh pawhin koh an har talh tawh zel nia, hei hi vai ramah mai ni lo khasi leh Assamese ho pawh khu an ni tho mai.

Keini chu anuam asin,lak sen loh thisen kan nei a, pawl hrang hrangin Blood donation camp an buatsaih chamchi bawk a.Hetiang a Thian Thi(h) ngam hnam dang an vang asin aw. Hmanlai angin Pasaltha nih duh a hmelma leh Sahuai kara thiante tana Thih ngam a huaisenna tihlan kan mamawh tawh lova,i thisen tlemte i pek khan midangte tan thi(h) i ngam ani tih i lo tilang mai a chu chu Pasaltha tih tur dik tak a ni, he kan thil chin tha leh mawi tak hi i chhawm nung zel ang u.

Link::-http://thingpuisen.wordpress.com/2010/02/18/thian-chhan-thih-ngam/

Share

-----------------------------------------------------------------------
Similar Posts

• Mizo mipa!
• Tlawmngaihna leh AIDS
• Friday the 13th zan ti ti
• Thalai hna hmulo tam laia, pension tawh rawih nawn leh hi?
• Tlaitla Engmawi

He thu hi Thursday, February 18th, 2010 dar 7:15 pm a Articles, Health . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.