Aizawla cham mek Dr.HT Sangliana, National Commission for Minorities Vice Chairman chu vawiin (March 25, 2010) khan a thlenna Raj Bhavan-ah Mizoram Educated Welfare Association (MEWA), Mizoram Amatuer Taekwondo Association (MATA), Martyr Family Association leh Shinlung Hills Development Council hruaitute chuan a kawm a.
MEWA chuan Mizo thalaiten hma an sawn theihna tur hrang hrangte Prime Minister hnenah hmaichhan ngeia thlen an duh thu leh Prime Minister hi an hmuh theih nana tanpui turin an ngen a.
MATA chuan HT Sangliana hi an Senior Adviser a nihna anga an hmuh thu leh an hmalakna hrang hrangte hrilh tura an hmuh thu sawiin, Hall sakna tur Central Sponsored Scheme-a an dil mek pawh a hlawhtlin theih ngeina tura tanpui turin an ngen a. Pu HT Sangliana chuan central atanga sponsored ngai ang chiah chuan a theih chinah puih zel a tum thu a lo hrilh a ni.
Martyr Family Association te pawh in an harsatna hrang hrang tawhte chu Pu HT Sangliana hnenah hian thlenin, UPA Chairpersion Sonia Gandhi a lo kal tuma an memorundum thehluh pawh a copy an lo pe a. He memorundum hi lo bawhzui sak turin an ngen a ni.
SHDC hruaitute pawhin Pu HT Sangliana hnenah hian SHDC dinhmun hrilhin, Council chungchanga hmalak zel dan tur an sawipui a ni.
Dr.HT Sangliana hian naktuk chawhma dat 11:30 hian I&PR Auditorium -ah Press Conference a nei ang a. Dar 1:00-ah Aizawl Mosque a tlawh ang a. Dar 2:00-ah Karate Championship, Electric Veng YMA hall-a neih mek chu kharin, hemi hnu hian Central YMA, MZP leh MSU Office te a tlawh ang a. Inrinni khian Delhi-ah a haw ang.
-----------------------------------------------------------------------
Similar Posts
- SHDC Chairman chungchangah sorkar-in MoU bawhchhia!?
- HPC(D) hi Mizoram sorkar biak tur a ni lo: CM
- CM in PM hmu
- CM in thil leh rial tuarte thlamuang taka awm turin ngen
- HT Sangliana thusawi MZP-in helh
He thu hi Thursday, March 25th, 2010 dar 5:38 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
