Ni 12 March 2010-ah khawvela a ber kaite ziakna bu-a chuang turin Cheraw kan (Bamboo Dance tia an lehlin tak) kan zirho vut vut a.Kan phur tlang hlawm a,a hun thlen hlan kan nghakhlel hlawm takzet.
“Cheraw kan” hi “Bamboo dance“tia hman chungchangah mi tak zawk chu kan lungkim chiah lo niin a lang.Engpawh nise, “Bamboo dance” tih sirah “Cheraw kan” tih hi lang tel zel hram hram sela,tin “MIZO” tih hi lang zing hlur bawk sela.Chutianga ngaihthiam hram hram chu kan tihtur a ni ta.
Thian thenkhat ram danga awmte an sawi fo thin – “Kumin Chapchar Kut zet chuan Mizo nih nawmna a keng tel chiang mai.Cheraw kan-a Record siam tumna te, lungrual tak maia Mizo thalaite an han kal rual thap thap mai han hmuh hi chuan, Mizova tui tha duh lo ho leh min do tlattute hian sawi tur an hre ta meuh lo….” tiin.
Heti zawng hian thlir ta ila : “Bamboo dance” tih hman a nih chungchanga kan phun fo mai hi,Mizo hnam tana kan thahnemngaih luat vang a ni a,thil tha tak a ni.A hnam pum huapa phur tak maia kan inbuatsaih luih luih chhan hi kan hnam lam mawi tak mai khawvel hriattir a,khawvelah Mizote hnam pakhat ang taka kan lanchhuah ve theih nan a ni a,chumi-in a ken tel chu ” kan Mizo hnam hi kan hmangaih a ni ” tih hi a ni.Hetianga Mizoram mite an inbuatsaih vut vut hi Mizoram mi ni lo,ram danga awm Mizote pawh an lo phur a,Mizo nih nuam an ti deuh deuh tih a chiang.
Awle, a chunga kan tarlan chhun atangte khian “Ram leh Hnam tan” a tilang chiang hle a ni.Ram dang mi leh hnam dang miten min thlir ve thup reng a,chu’ng mite mithmuha Mizote kan lan mawi dan tur zia te hi ka ngaihtuah nasa thin.A hnam tam leh tlem zawnga tehin – hetianga a huhova tan la vut vut hnam, a huhova lam rual vut vut hnam hi khawvelah awm ve ngai tak maw?!!Mizote hian kan Mizona rilru kan la hloh lo a,kan theihtawp chhuaha Mizo hnam tan,Mizoram tan tan lak hi kan rilru-ah a awm reng a ni.
Mizo takin,lungrual takin kan kal zel dawn.
-----------------------------------------------------------------------
Similar Posts
- Cheraw Dance
- Mizo Cheraw for Guiness World Record Website tlawh tura sawmna
- Cheraw nge Bamboo Dance
- Mizoram chu ‘World Largest Bamboo Dance’
- MIZO CHERAW KAN HI
He thu hi Sunday, March 7th, 2010 dar 8:27 pm a Huap Zo . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Dear Zotuithiang i pic rawn dah hi a dik lo aniang, hetiang bakin a chhuak thei lova, ka ti ta ringawt a ni e. i rawn dah that leh theih chuan kan lawm viau ang.
A mak tak tak – ka uluk ve hle emaw ka tih pawh hian sipel chhut sual/tihsual hrim hrim ka lo nei leh nual tho mai!!!In ngaihhnathiamna ka dil e.
Zoram pum huap in thil an buatsaih a, thingtlang lam atang pawn tel ve chak tak tak an tam mai. Kan sorkar hian heng kal ve chak tak tak te kal man tur te hi tum sak thei se, hei ai hian a ropui leh zual ang. Thingtlang lam atang chuan engtin nge kan kal anga, khawnge kan thlen ang, a huho lo chuan thlen a buaithlak bawk nen, chaw ei ringawt pawh a hau tak em em si a, Aizawl khawpui chhung tan lo chuan tih ngaihna a awm lo ani ber mai.
Ka ti ve chiah – sorkar hi hei ai hian inpuahchah deuh sela tha viau tur.
Trawng dang a a tlukpui awm lo na na chu leh (translate) tralh tum loh mai awm. Tin, kan mizo hming pawh kan let kher2 ngai lo a, hnam dang chuan an thiam dan2 in an lam ve mai a, a chik deuh in a awmzia min zawt a, kan sawifiah mai thrin a ni lom ni.
‘Bamboo dance’ tih sir ah ‘Cheraw kan’ tih lan zawk ni lo in, an ti rau rau a nih chuan “CherawKan” or “Cheraw’ – (Bamboo dance) tih zawk awm tak a nia. A hming dik tak lan hma a, a hrilhfiah na ang reng zawk tih lan hmasak hi thil tih phung a ni dawn em ni le!!??