Mizo Zirlai pawl chuan Aizawl khawpui chhunga Zirna In hrang hrang a tlawh chhuah atanga a thil hmuh chhuahte bawhzuiin Mizoram sorkarah rawtna hrang hrang a thlen. MZP in Sorkara a thil thlen langsar zualte chu School hrang hrang admission fee inkhairuallo lutuk in zirlaite ah harsatna a thlen thin angin dan fel fai tak Government/Deficit & Private School te tana zawm tur siam nise. Mid-day Meal hmanrua leh buhfai te hi School thlenga a thlen theih nan Project ah te telha hmalak nise.

State dangah Zirna In chhunga Mobile phone ken luh an khap angin Zirna In hungchhunga ken luh khapna dan fel tak siam nise, an ti a. Zirlai tam tak ten intih tunlai nan an taksa khawilai emawah ‘Tatoo’ chhut an in tihhmuh nia sawiin zirlaiten an tih tawhlohna tura khapna dan tha leh fel fai tak siam te, Zirlai naupangte ah tlawmngaihnate, aia upa zahnate, Mizonate nasa zawka Zirna In a zirtir thar leh turin ruahmanna siam, School tinah Child Right-hi ngun taka zirchian a, zirlaite an zirna kawnga an that pui theih ang tura displine kenkawh a nih theih nan hma lak, School tinah zirlaite tui thianghlim hnianghnar taka an hmuh theihnan turin hmalak nise tihte a tel a.

Heng bakah hian Mathematics hi Technical Subject anih avangin zirtirtu nazawngin naupangte an zirtir thei lova. School thenkhatah zirtirtu an neihloh avangin zirlai nu leh pate remtihna in  zirlaiten pawisa an thawh khawm thin tih hmuhchhuah ni. Hemi chungchang hi chhuichiang a zirtirtu neih loh avanga naupangte’n sum an thawh khawm tawhlohna tura hmalak nise an ti a.Zirlaite incheina (Uniform) hmeichhe pawnfen chhing tak tak leh mipa naupang kekawr hafual lutuk leh sam hnim lutuk hian inthununna (decipline) a ti chhe thui hle nia sawiin Dan fel fai tak leh inkhairual zawk siam nise. Deficit School thenkhatah chuan Sawrkar atanga an hlawh pek ang hi pe kim lovin ‘cut’ then sak a awm tih hmuhchhuah a ni a, enfel a hmalak nise.

HSLC leh HSSLC Practical Exam neih thinah External duty ten mark an pe thin a, Duty te hian  an School duhsak bikna leh hleihneihna a awm tih hmuhchhuah a ni a, enfiaha hmalak nise, HSLC leh HSSLC Exam Centre School ah exam ve lo (Cl-VIII, IX & XI) naupangte hi an chawlrei thin em em a, an zirlaiah an hnufum phah tih hmuhchhuah a niin ruahmanna tha zawk siam tawh nise. Mizorama CBSE Compartmental Exam Centre a awm theihnan hmalak nise tihte a tel.

Mizoram Sorkara a thu thlen hrang hrang hi Education Minister chuan lo enfiaha a tul anga hmalak a tum thu hruaitute hnenah hian a sawi a, MZP pawhin a tul dan ang zelin bawhzui a tum bawk a ni.

Share

-----------------------------------------------------------------------
Similar Posts

• Chawhchawrawi Part-II
• Zirtirtu lak leh transfer-ah huaisen tum
• Sorkar sikul HSS hnuailam 3627 awm
• MZP Hqrs Serchhip in Non-Mizo chhinchhiah vek an tum
• KTP General Conference Organising Committee Vawi 6-na neih a ni

He thu hi Monday, March 8th, 2010 dar 4:57 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.