Evening Post : April ni 2 zan dar 8 vel khan Ngopa atanga phai lam pana sawhthing phur truck MZ 01 F 1157 chu Kawnpui khaw daiah a chesual a, culvert kual laiah tlan liamin motor neitu leh khalhtu ni bawk Vanlalthafamkima (Tetea) s/o H. Lalbuatsaiha (L), Pangzawl chu chetsualna hmunah hian a thi nghal. Lirtheiah hian a khalhtu bakah handleman leh sawhthing neitu an chuanga a chuang dangte hian hliam an tuar. He motor hi meter 100 vel a lum nia hriat a ni a, A chetsual lai hmutute chuan truck hi a tlan muang hle niin an sawi a, a thlang deuh atangin kawngsir a zawh tawh avangin a khalhtu hi a muthlu niin an ngai.

April 3 zing khan Republic Veng kawipuiah bus a chesual a, City Bus chesual hian taxi pakhat leh bike a suchhia. MZ 01 C 2083 hi a brake a failed avangin kawipuiah hian a chesual a, taxi hi a su chhe nual a, bike pawh a chhe hle bawk niin Aizawl Police Station atanga thudawnna chuan a sawi. Bus neitu chu PC Malsawma a ni a, a khalhtu hi Lalhuliana (30) s/0 Rothianga, Thiak tuna Republic a cheng mek a ni.

Police lam hian April 3 zing dar 7:35 khan lirthei a chetsual thu hi report an dawng a, report an dawn bawhzui hian a hmunah an kal nghal a, mihring hliam leh thi erawh he chetsualnaah hian an awm lo hlauh thung a ni.

Aizawl khawpui lunlai Zion Street chhoah AS 11 A 8593 chu a thil phur rit tuar lovin a chesual. Police lam sawi dan chuan he truck full load hi a thul phurin a buk a, a hmalam a kang ta zawk a ni. A khalhtu hi Krishna Prasad a ni a, Silchar mi niin Chanmari venga khawsa a ni. Thi leh hliam an awm lo.

Share

-----------------------------------------------------------------------
Similar Posts

• 709 Truck a chesual
• RV ah 407 chesual, 1 thi, 4 hliam
• Truck chesual ah Lalsawmliani a thi
• Truck chesual-ah 5 hliam
• Zokhawthar Dai ah 409 Chesual

He thu hi Saturday, April 3rd, 2010 dar 5:29 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.