April ni 23 hian Mizoram Board Of School education chuan Higher Secondary School Leaving certificate Examination 2010 Result a ti chhuak ta. Mizoram Board Of School education chuan Higher Secondary School Leaving certificate Examination 2010 Result chu Vawiin April ni 23 chawhma dar 10:15 khan a ti chhuak ta.
Mizoram Upa Pawl (MUP) General Assembly vawi 38-na chu vawiin April ni 21 hian Vanapa Hall, Aizawlah hman a ni a, Social Welfare Minister Pu PC Lalthanliana chu Khualllian a ni. MUP General Assembly hi MUP General Headquarters President Pu H.Raltawna’n a kaihruai a ni. Khuallian, Social Welfare Minister Pu PC Lalthanliana chuan thu sawiin MUP member ni hman lova boral tamtak an awm laiin MUP member ni theia damrei te chu an vanneih zia an hriat a pawimawh tih a hrilh a; chhungkua leh khawtlanga upa te pawimawhna leh hlutna hrang hrang sawiin kum lama upa te ngaihsakna hi ram changkanna tehna pakhat a ni a ti.
Evening Post : April 21 zan khan Aizawl Veng pakhata hmeichhe naupang kum 13 mi vel chu vaiin a pawngsual a, a pawngsualtu leh a tuartu hi in inngheng renga awm niin he hnamdang thil tisualtu hi nizan la la khan Aizawl Police Station lam chuan an la nghal a ni. Aizawl PS Women Cell chuan nizanah pawngsual a thlen ngei thu an sawi a, amaherawhchu thildang erawh engmah sawi zau theih an neih loh thu an sawi a ni.
April ni 20 zinglam dar 3 vela thlipui, rial leh ruahpui thawk chuan Phuaibuang khua ah in 30 a chhia a, Darlawn ah in engemawzat a chhe bawk. April ni 20 zinglam dar 3 vela thli, Ruah leh rial thawk ah khan phuaibuang khua a chenna in 30 chu thlipuiin a nuai chhia a, heng in 30 zing ah hian luahtlak loh a, chhia in 3 a awm a, heng in te hi Pu B.ramhluna, Pi Malsawmkimi in leh Pi Lalsangtlingi te in a ni.
Evening Post : World Bank sum hmanga siam mek kawngpuite cuh kumin June thla ral hma hian zawhfel hman an inbeisei niin World Bank kawng siama Consultant Jaya Deep Nayak chuan a sawi a. Hetihlai hian he kawng hi naktuk hian Mizoram Journalist Association member-te chuan a hmunah an enfiah dawn a, Zoram Driver’s Union Sub.Hqrs.Lunglei leh Vehicle Owner Association Joint Action Committee-te pawhin thawhlehni hian he kawng siam hi a that tawk leh tawk loh enfiah an tum ve bawk.
