Evening Post : April 21 zan khan Aizawl Veng pakhata hmeichhe naupang kum 13 mi vel chu vaiin a pawngsual a, a pawngsualtu leh a tuartu hi in inngheng renga awm niin he hnamdang thil tisualtu hi nizan la la khan Aizawl Police Station lam chuan an la nghal a ni. Aizawl PS Women Cell chuan nizanah pawngsual a thlen ngei thu an sawi a, amaherawhchu thildang erawh engmah sawi zau theih an neih loh thu an sawi a ni.
Pawngsual a thlen zan hian mi a veng neitute chuan an hre lawk lo a, thudawnnain a sawi danin pawngsualtu hi Aizawl Saron Venga pheikhawk siam a ni a, a pawngsualtu takte nen hian bang insi renga awm an ni. “Bang insi renga awm an ni a, hei vang pawh hi a ni maithei an fanu a pawngsual tih an hmuha khuma a mu kawm reng an hmuh hnu pawh hian khawtlang han pun hluai lem lovin police an laktir nghal ta mai a ni,” tiin thudawnna chuan a sawi.
“An khawtlang VC-te hian thil thalo zawk a thlen an hlau pawh a ni maithei a, hei vang hian a thawm dai zawngin thil an kalpui a nih rin a ni tel bawk. An Veng YMA lamte pawhin an lo hre lem lo a ni awm e,” tiin thudawnna chuan a sawi.
Vawiin hian mi thenkhat chuan vai chenna in hi an khawih ve deuh hlak niin thudawn a ni bawk. He thiltisualtu hi vawiin la la hian Court-ah hruai a ni nghal a ni. Hmeichhe naupang a pawngsual hi a nu leh a unau pathumte nena cheng an ni niin thudawnna chuan Evening Post a hrilh. Vawiin Court-ah hian MZP leh pawl dangte pawh chinchang ngaihvenin anawm ve niin thudawn a ni bawk.
-----------------------------------------------------------------------
Similar Posts
- Kumtling Lo Pawngsualtu Kumtling Lo Pahnih Man
- Pawngsual Thubuai Pali Chingfel, Pahnih Hrem, Pahnih Zuzi
- Ratu ah nula pawngsual rawn
- RV bulah pawngsual rawn
- Police kut atanga vawihnih tlanchhuak man leh
He thu hi Wednesday, April 21st, 2010 dar 8:14 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
MHIP lam chet a hun leh tawh anih chu.
Kawng zawh a khat leh deuh tawh ni!
Khawngaih thlak awm khawp mai,vanduaina tawk naupang leh a chhungte Pathianin awm pui se, thil sual titu hi dan ang taka hrem ni teh se.
A rapthlakin a va han pawi thin tak!! Hetiang thil thleng leh thin hi engtia dan chi nge ni ang aw? Hetiang thil sual titute hi chu na taka hrem chu a tul, dan angin. Chu bakah kan fanu, a bikin kum tling lote hi ven that zawk dan ngaihtuah a tul ani.
Kristian kan nia, phuba la lo tur a zirtir kan ni a, mahse hnam chhan tur chuan kan sakhaw kalh zawng ni lovin kan che ve tur a ni dawn lawm ni?a reng reng thuah vai ho hi an tenawm a nia, kan ramah an lo awm ve a, tual te an that a, mi te an bum a, an rawk a, an pawngsual a, an pute pawisa an tlan bo pui thul..i fimkhur tlang ang u. Hnam dang lakah i fimkhur theuh ang u