By bronco | October 31, 2010 | 6:00 am | Posted in : Religion | 558 views |
Bible-ah hian Pathianin a rawngbawl tura a ruat mi chi hrang hrang kan hmu a. Entir nan, Samsona te, Baptistu Johana te, Tirhkoh Paula leh mi dang dangte pawh. Tunlai hunah pawh hian Pathian chuan a rawngbawl tura a ruatte chu an la awm ngeiin ka ring a. Chu mi zingah chuan Rev. Dr. Dorothy Colney hi a tel ngei bawkin ka ring. Amah hi a la hre lo in la awm nualin ka ring a, in hriat loh atan uiawm ka ti a, kan Women’s Ministry atanga han puan zar ve hi ka chak a ni. Kawl ram Buddhist sakhaw be zinga rawngbawl hi thil awlsam a ni lo va. A rawngbawlna chanchinte hi han hre ve ula, Pathianin rawngbawl tura a ruat a ni tih hi in pawm ve thlap ka ring.
By Hmuna | October 30, 2010 | 10:49 pm | Posted in : Articles | 324 views |
Tuk khat chu All India Radio-ah hian tuna thupuia kan hman mek hi thupui atan an hmang a, ka chhinchhiah ran a, he thupui hmang hian Consumer-te kan humhalh dawn a ni. AIR ho nge nge, thupui hman tur an va hre em! Consumer Protection Right an va vei em! ka ti a, ka fak a ni.
By HJ | | 9:58 am | Posted in : NEWS | 631 views |
Pathian hla sa thin, Lianthangpuii, LTPi/Mapuii tih a lar chu tukin zing dar 6 vel khan hun lo takah chatuan ram min pansan ta. A fate leh a pasal a kal san tak te, a nu leh apa, a chhungkhat zawng zawng te chungah Pathian thlamuanna awm mawlh rawh se. Mapui, a rawng i bawlsak thin Isua chuan hmangaih takin a ang chhungah lo lawmlut che rawh se.
By Khuangchawia | October 29, 2010 | 7:09 pm | Posted in : NEWS | 620 views |
Bawngkawn-a kohhran hrang hrang leh tlawmngai pawl hrang hrang telna Joint Action Committee chuan an veng chhunga Zawlaidi zawrh an remti dawn lo a,tuna an vengazuar tur vendor pakhat pawh an veng pawn lama insuan tura ngen an tum. ”Kan veng chhunga retail vendor awm hi a permit chu kan tihtawpsak theih chu a ni hauh lo a, amaerawh chu a permit-ah hian Bawngkawn huamchhunga zuar kher tura tihna a awm lo bawk nen, kan veng tan chuan hetiang dawr neih loh hi a tha zawk dawna kan hriat avangin heti hian hma kan la ta a ni,” tiin Bawngkawn YMA Branch President K. Lalrinawma chuan Evening Post a hrilh.
By Cephas Sr. Ralte | | 8:15 am | Posted in : NEWS | 781 views |
MZU Sports neih laia nitin buaina chhuak leh a tawp ni a buaina lian tak zirlai ten an siam chung changah College Veng VC leh YMA ten Joint Press Release kan siam anih kha. Hrangbana College Alumni President Pu Lalhmachhuana Zofa in MZU Sports neih apianga buaina awm thin tha a tih loh thu a sawi leh an zirlai ten College Veng nu leh pa te rilru tina khawpa an chet pawi a tih thu a sawi khan College Veng mipui rilru a thawi dam a. Thu a tawp mai dawn emaw kan tih laiin October ni 20.2010-a Hrangbana College Student Union hruaitu ten Aizawl Press Club-a thu thar lakhawmtute hmaah leh Daily News Paper hrang hrang leh Electronic Media hmanga dawt tam tak an puangzar ta mai kha a lungchhiatthlak kan ti. Hei hian Zoram mipuite rilru a hruai sual dawn a, zirlaite thinlungah dawt pawisak lohna te, pawi khawih chakna te leh thisen chhuah duhnate a tuh tan mek niin a lang a. Hemi ven nan hian Press Statement hi siam kan ni a.
Hrangbana College Vice Principal, Lecturer leh Student Union hruaitu ten an zirlaite pawi More >>>>
By Khuangchawia | October 28, 2010 | 5:05 pm | Posted in : NEWS | 1,149 views |
Evening Post : Khawzawl bul Ramlaitui-a inhlawhfa Zahminga (54), Armed Veng, Aizawl ami chu a thawhpui mi pakhat satah leh hmeichhia pawngsualah puh a ni a, amah hi a tlanbo a, police ten an zawng mek. Thudawn danin tun Pathianni khan Tuichang kamaHrangkaia, Khawzawl hnena inhlawh Zahminga hian inhlawhfa ve tho hmeichhe pahnih chu zurui chungin khawih a tum a, hmeichhe pahnih leh mipa pahnih, inhlawhfa ve tho te chuan hlauin khuaah, anmahni chhawrtu Hrangkaia Inah hian an hawsan a, Zahminga hian umzuiin Inah hian a luhchilh a, an zinga mi Paungaihthang (16) Ngaizawl khua chu a lu-ah a sat a ni.
By bronco | | 12:03 am | Posted in : NEWS | 481 views |
kawnkhawpui.blogspot.com : Thiamna leh hmasawnna a pung chho zel a, ram kilkhawr berte zing ami pawh ni ang hmiang, European ho dak rualin kan dak ve thei tawh a, chuchuan kawng tam takah hmasawnna leh awlsam zawkna chu min thlen mek a ni.
By Khuangchawia | October 27, 2010 | 5:18 pm | Posted in : NEWS | 323 views |
Evening Post:MNF Gen. Hqrs. chuan Aizawl Municipal Council inthlan atana State Election Commission-in Election Model Code of Conduct, party leh candidate te tana a siam chu MPCC leh ZNP ten an bawhchhia a ni tiin, State Election Commission-ah ziakin complaint an thehlut.State Election Commissioner hnena MNF Gen. Hqrs.-in Oct 25,2010-a complaint a thehluh te hi tualchhung chanchinbu a thuchhuah, Chief Minister thusawi, “NLUP dawng duhte chuan an Ward theuhah MPCC leh ZNP candidate an lo thlan thlin a ngai a ni,”a tih leh, Oct 18, 2010-a MPCC thuchhuah,”NLUP 2010-2011 atan cheng vaibelchhe 234.87 hmuh a ni tawh a, inthlan zawh veleha sem nghal mai tur a ni,”tih te huan SEC-in a siam Election Model Code of Conducte kalh tlat nia an hriat thu an tarlang. An phu tawk hremna an chunga lek turin an phut a ni.
By bronco | October 26, 2010 | 7:32 pm | Posted in : NEWS | 1,175 views |
OCt 25 tlailam dar 5 vel khan Rangvamual thlen hma kawngpui sira nula pakhat ding chu, tlangval pahnihin a hnunglam atanga kuah phut in a ka an hup a, kawng thlanglamah an pawt tla a an pawngsual rawn ta a ni. He nula hian a sawi dan chuan, amah hi bawnghnute zuar niin a bawnghnute zuar zo Aizawl lama rawn haw tum chu, taxi pakhat lo pharin he taxi ah hian zurui deuh deuh an lo chuan avangin he nula hian chu taxi chu chuang leh duh lovin motor dang a lo nghah leh lai chuan tlangval pahnih te hian an rawn bei ta mai niin a sawi.
