Tuk khat chu All India Radio-ah hian tuna thupuia kan hman mek hi thupui atan an hmang a, ka chhinchhiah ran a, he thupui hmang hian Consumer-te kan humhalh dawn a ni. AIR ho nge nge, thupui hman tur an va hre em! Consumer Protection Right  an va vei em! ka ti a, ka fak a ni.

Bungrua lei leh hralh chhuah chungchanga kan ram, India ram inkaihhruaina, dan leh hrai fel tak kan nei a, chu chu The Consumer Protection Act 1986  hi a ni a, a lamtawiin COPRA tih a ni a, CPA ti pawl an awm bawk. He Act hian thil lei kher lovah pawh, thil inhman sak (Service Providing) lam pawh a huam a. Sum leh pai hman thuahte, pawisa man senga dah luttute chanvo humhalhna pawh a huam tel a ni. A khaikhawmna atan chuan Consumer Protection Act hnuaiah chuan thil leitute leh man chawia hmangtute chanvo humhalh a ni a. Dikna leh chanvo an neihte chu he Act hian a hrilhfiah sakin an dikna (right) te chu a kenkawh sak thin a ni.

Kan thupui hi bungraw tha leh tha lo chungchang a ni a, chu bungrua hmangtute chu Consumer-te hi an ni a. Kan tarlan ang hian bungraw tha chuan amahah hlutna leh tangkaina a nei a, bungraw chhia chuan awmzia a nei lo, engmah lo mai a ni. Mihring pawh hian amaha thatna awm chu a thil tha tihah a nemnghet a, a lan chhuahtir loh chuan engmah lo mai bawk a ni.
Consumer Protection Act-ah hian Consumer- bungraw leitu te, hmangtu te, man chawia service leitute chanvo venhimna section pawimawh tak tak a awm a, chung zingah chuan Unfair Trade Practices te leh Deficiancy in Service a ni a. Hetah hian mihring (consumer) te hlut leh hlut lohna chu a innghat a ni.

Bungrua hi a tirte atanga hlutna nei ni mahse, a chhawrnahawm dan azirin an tangkai thei hle thin a. A chhiat chuan amah a intichhia ni lovin, mihring tihchhiat pawh a ni thei. Mahse, khawl thil a nih chuan hman lova dah reng erawh chhiatna a ni thung. Mihring hian hlut bikna kan nei a, chu chu chhia leh tha hriat theihna kan neih hi a ni. Chu chhia leh tha hriatna hmang tangkai thiam apiang chuan vanneihna an chang mai thin a ni.

Thil tha ti tura piang kan ni a, chuvangin mihringte hi kan hlu a ni. Mihringin thil tha ti duh lova, dan bawhchhiaa thil sual a tih chuan hrem theih an ni. Bungrua chu lo chhiain, tangkai ta lo a nih avang ngawtin a hrem theih loh, chhia leh tha a nei lo miauva. Lei mihring erawh chu hrem theih kan ni, chhia leh tha kan hriat theih avangin.

Tichuan CPA hi zir chiang ila, bungraw tha leh hmantlak, tangkai lei turin inbuatsaih la, i hlutna leh i thatna a lo pun deuh deuh theih nan tha takin sumdawngin hna thawk la, mirethei chhanchhuahna hna thawk turin Consumer Protection Act hi lo zir ang che, Rules leh Regulation-te nen.

Share

-----------------------------------------------------------------------
Similar Posts

• Consumer Right In zawta kan chhang e. – Lallunghnema, Charity Lodge
• Chhinga Veng inkang ah cheng nuai 10 man hu buangrua kang
• Truck in Taxi a delh
• KA NGAIHTUAHNA TIBUAITU- Lallunghnema Charity Lodge
• Chhiah awlruk tumna bungrua Cheng Nuai 627.94 man hu an hmuchhuak

He thu hi Saturday, October 30th, 2010 dar 10:49 pm a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.