Recent Comments:
USER
Categories
Archives
By bronco | November 29, 2010 | 7:28 pm | Posted in : NEWS | 408 views |
Zozam Times : Tuikuk hel ni ngeia rin te chuan kar kalta zirtawpni tlai khan Mamit district-a Kanhmun khaw bulah truck pahnih suam-in, Kanhmun khaw mi pathum ramvakte an sawi-sak hnu-ah an hmanraw neih te an laksak. Kanhmun atanga thu dawn danin zirtawpni tlai dar 6:05 vel khan AK-47 silai keng mi 7 vel chuan Kanhmun atanga km 2 vela hla, Assam ramri bulah Mizoram atanga chhuk thla, teak phur truck pahnih an suam a. Heng truck te hi Tripura registration nei niin motor license, driving license, teak phurh phalna permit 1, mobile phone 3 leh pawi-sa Rs. 1200 an laksak a. Motor hmasa zawk driver leh handyman chu an silai kawmin an chhu bawk. Silai vawi 5 vel an hmet puak a, chumi hnu-ah pawi -sa an pekna tur phone number, lehkha-a hnut-chhiahin an kalsan leh ta niin an sawi.
By bronco | | 7:25 pm | Posted in : NEWS | 379 views |
Zozam Times : Inrinni kalta Nov. 27 khan Vangchhe khuaa hmeichhe pahnih, an loa phai buh senga riakte chu tlai lama an inbual tur tui-ah an tlahlum. Thudawnna sawi danin heng nula pahnih zinga a naupang zawk chu tui-ah tla hmasa in, a u in chhan a tumna lamah a tla A hmasa zawk hian a lo pawm bet a, an tlahlum ta a ni. Heng nula pahnihte ruang hi Vangchhia bakah khaw thenawm Sazep atang pawhin mi tlawm-ngai thahnem takin an pui a, nikhat leh zan khat an zawn hnu, nimin zing dar 7 vel khan Tiau lui-a ‘Fante Li’ an tih, hlam 5 vela thukah inpawm riala hmuh an ni.
Eng tik niah emaw chuan kan sakruang san tha tak te hian chaihchun ni emvuai ang mai hmel puiin kan thlarau nena inthlah hun chu an tawng ngei ang. Siamtu remruat a ni miau si alawm. Sakeibaknei vanglai meuh pawh riltamin a vak ve thin a nih ngai chuan he Thlarau chaklo tak hi Siamtu vah bo sanin a inhnangfak thei dawn em ni? Kan nawm leh makna zawngin kan vanglai te chuan sakhi tuai ang maia chakin kan duh leh nuam tih zawng ah te tlan thin mah ila, tawpna niah chuan roreltu hmaah darthlalang ai maha fiahin tarlan kan la ni dawn si a.
By bronco | November 27, 2010 | 5:05 pm | Posted in : NEWS | 588 views |
Nov.27 zing dar 3 vel khan Zemabawk daiah Night Sumo a chesual a, mi 3 an thi a, 7 in hliam an tuar. Night Sumo MZ-01D 2373 hi Zokhawthar atanga Aizawl pan a ni a, tukkin zing dar 3:15 vel khan Zemawbawk dai Supply check gate piah Bus turning point bul kawng ngil lai takah a tlan liam a, metre 180 zet a lum a, motor pawh a chhe hle a, a hmunah hian Sumo khalhtu Zirliana (55) S/o. Zohrata Champhai Bethel veng chu a boral a, Civil Hospital, Aizawl thlenpui hnuin tukkin zing khan Kamkhamkual (21) S/o. Pausuannang, Tiddim, Myanmar lam mi chu a thi ve leh a, vawiin tlai lam khan Dalkhanmung (46) S/o, Zachinlian, Tiddim, Myanmar chu a thi ve leh bawk a ni.
Thlasik boruak alo in her leh ta der mai! Mitin thinlungah hian engdang a lian tawh lo “CHRISTMAS” lo chu…A te ber atanga a lian ber thlengin “Christmas chu” kan ti deuh fur tawh mai…Naupang exam a zawh phei chuan, Aizawl khawpui chu a tawt leh mup mup ang chu…Engpawh chu ni se “Christmas leh a kaihhnawih vek a ni” kan tih chuan a sual lo mai mai ang chu!!
Friday, 19 November 2010 , Mizorama Nitin Chanchinbu (Daily News Paper) chhuak zinga lar tak Vanglaini in Editorial ah Mizoram sorkar School Education Department chuan, kum 2011 atangin zirlai hmeichhe naupang pawnfen chhing lutuk te, mipa zirlaite kekawr zuih leh chhing lutukte hak a phal tawh dawn lo a; a tiluite hrem dan tur ruahmanna pawh a siam tawh a ni tih kah ka vei riau mai.
Mi rethei:- Victorian hunlaia thawnthu ziaktu ropui Charles Dickens (7th Feb, 1812-8th June, 1870) kha mi rethei a ni a, leiba rul reng rengin a damchhung hun kha a hmang ral thak a ni. Kha mi rethei, thawnthu phuah thintu ang em ema an damlaia mipuite’n an ngainat lehkha ziaktu dang hi an la piang leh tawh lo hial awm e.
By Rotea | | 4:09 pm | Posted in : Literature, Story | 575 views |
Kum sawm zet a vei ta. Khawvela sikul tha ber nia ka hriat thin Synod High School kha ka hmu leh ta ngai lo reng reng a. Chu sikul ka hriatrengna thil tam tak pawh ka theihnghilh zo ta. Kei erawh chu ka la ngai rengin ka hria a, ka mizia pawh a la danglam chuangin ka hre lo. Rawlthar sa inphut tha nelh nawlh thin kha tlangval sa pan tak ka ni ta thung a.
Kha sikulah khan hlim em emin kan kal thin a. Sikul kawmthlanga Boys Hostel-ah kan awm a. Ni tinin, sikul lam panin step chhawr dawh chho zet mai chu kan zawh tauh tauh thin a.
Thla khat liam ta khan an nghah Krismas rim hi ka hre der tawh a. Kum tina ka tawn thin angin ka hnarah thlifim vawt tak lo lut ang mai hian rim ka hria a, tiang hun a lo thlen hi chuan Krismas a hnai hle tawh tih ka hre thin.
Kan nghah Krismas kawl a lo eng a, siar leh chhawrthlapui te pawh vansangah mawi takin an eng a. Thlasik kawng a lo lang a, thlir nin an har thin, chu mawlh chuan a lawm ka lung hi ti leng thin ni….
