Kum 2010 chu tumah ngai lovin a her liam vung vung mai dawn ta chu a ni a. Hla phuah thiam Pu Rokunga’n, “Ngai mah ila, au mah ila, mual an liam ta kir an rel lo,” a tih zingah hian chhiar tel theih a ni ngei ang. Hman lai a chang dawn ta der mai. Kumin chhunga kan chunga thil thleng theuhte kan ngaihtuah chuan, “Sang tam tak tan lawmna ropui, chhiarsen loh tan tahna a ni,” tih hi a dik hle ang. Mi tam tak tan dam chhunga kan thinlunga tawrhna rapthlak takte chu nawh reh theih a ni dawn lo va, chutiang bawkin, kan hlimna leh lawmnate pawh dam chhunga kan theihnghilh theih loh tur a ni bawk ang a. Khawvel hi a va famkim tak em!
Recent Comments:
USER
Categories
Archives
By bronco | December 28, 2010 | 1:09 pm | Posted in : Articles | 615 views |
December 26, 2010-a misual.com-a chhuak Pu James Lian Mawia ziah, ‘My Last Tribute to J.F Laldailova’ tih kha ka chhiar ve a, a ngaihnawm hle mai. Ngaihnawm ka ti hle a ni ang ka chhiar ka chhiar nawn mai a. Commend-tu kha an tha hnem hle a, a tawi lu deuh a ni ti kha an tam hlein ka hria. Pu James Lian Mawia leh Pu J.F Laldailova hi ka mi ngaihsan em em te an ni. Pu J.F-a hi chu ka tan leh kan chhung tan a hlu leh zual a. A chhan chu ka pa, Vawmphunga German Ral Run chanchin hi tha deuh maiin a lo record sak vek mai hi a ni. Tin ka pa kha ka ngaihsanna em em chu a sawi thiamin a hre chipchiar tha em em na hi a ni. Indopui hmasa 1914-1918 vela kan Mizo tlangvalte thil tawh fel deuh maia record a lo ni hi thil ropui leh hlu tak a ni.
By bronco | December 25, 2010 | 3:30 pm | Posted in : Religion | 424 views |
Chungnungberah Pathian ropui takin awm rawh se. Lei chunga a lawm em em mihringte hnenah REMTHU leng rawh se.” Luke 2:14.
Khawvel in ni ropui bera an ngaih chu Christmas hi a ni. December 25 ni hi, ni dang aiin a danglam lo va, amah mai chuan ropuina a nei bik chuang lo. Kawlah ni a lo chhuak a, thlang lam kawlah a liam ve leh mai a ni. Mahse engvanginnge miten ni ropui berah an ruat? A chhan chu a hming neitu Krista Isua a nih avang a ni. Eng hun lai atang khan nge Kristmas hi ringtute’n an lo neih tan kan sawi thei lo.
By Hmuhneia | December 21, 2010 | 9:56 pm | Posted in : Articles | 546 views |
“Ralna Thing”(Mihring hlui ralna) Ziaktu:- Rengpuii
Lehkhabu Danglam “Ralna Thing” (Mihring hlui ralna) in zoram a tuam mek. He “Ralna Thing” hi chu Copy 3000 lai an print a, engmah advertistment siam miah loin nili (4) chhhung in a zo vek. A ziaktu hi mifing leh ropui anilo Pathian thu Awih ani tawp mai..Pathian in zoram dinhmun a hmuhtir hi han chhiar ve teh a va han dik take m!
By bronco | | 10:06 am | Posted in : Pictures | 604 views |
click image to enlarge
Sawrkar thuchhuah in motor lei tur reng reng in motor hunna tur “garage” neih angaih thu a chhuah lai in, M.V.I. motor ber chuan hunna mumal baihvai takin kawng kamah a hung reng thung!! “Motor Resn. No. hi thlan theih ani lo. Khawl in automatic in, a number in dawt dan in a pe chhuak mai thin” an tih laiin M.V.I. motor ve thung chuan number tha tak a nei lawi si.
By Metalman | December 19, 2010 | 9:34 am | Posted in : Articles | 519 views |
Zawlaidi hi tunlai Mizoram a kan buaipui ber pakhat a ni a. Mizoramin grape wine changkang deuh a kan siamchhuah hmasak ber chu fa tir duat takin kan duat a, a hmingah pawh Mizo thawnthu a kan ngaihsan leh awh em em ZAWLAIDI kan sa hial a nih hi. Engpawh nise kan phak ang tawk a tha tura kan duan ve, kut hnathawktu te thlengphak factory product mumal tak kan neih ve hmasak ber fa hmingkoh atana duat taka a hming kan phuah pawh hi a mak lem love.
By bronco | December 17, 2010 | 4:52 pm | Posted in : NEWS | 345 views |
Dec 17 chawhnu dar 1 khan Pasal Tha Sahrang laka Khaw mite humhimtu Zampuimanga Hriatrengna Lung chu Aizawl melthum Silai mual ah phun a ni. Pasaltha Zampuimanga Lung hi a tu chhuan thumna Pu.C.Lalmuana te chhungkua in an phun a ni a,A thlan hmun hlui Chawngtui south Keltan Hmunpui ah Hmuhchhuah a ni a helai hmun ah pawh hian Zampuimanga Lung hi phun tel a ni.
By Khuangchawia | December 15, 2010 | 9:03 pm | Posted in : NEWS | 465 views |
Evening Post:Mizoram leh Kolkata inkar thlawhna cancel tam lutuk leh indaih lohna nasa lutuk avangin Rajya Sabha MP Lalhmingliana chuan hma a lak mek a. Evening Post thu dawn danin MP leh Union Aviation Minister Praful Patel hian hemi chungchang hi an sawi dun tawh a, harsatna hi sutkian thuai a ni dawn tih MP hnenah hian a hriattir tawh bawk. Tunlai hian ATR thlawhna Lengpui a service thin engine a chhiat avanga cancel reng mai leh thlawhna cancel hrim hrim a tam avangin hunpui Krismas thlen dawnah Mizoram leh India hmarchhak hmun danga hawng tur tam tak haw thei lovin Kolkata-ah an tangkhang nasa em em a…
By Khuangchawia | | 8:34 pm | Posted in : NEWS | 312 views |
December 9, 2010 khan Mizoram sawrkar aiawh leh In neitute lam chuan Bangalore Mizoram House luah turah inremna an ziak fel a. Mizoram sawrkar aiawh hian Kolkata Mizoram House Senior Liaison Officer Talo Rosanga hoin Bangalore Mizo Association hruaitute an thawkchhuak a, Sr. LO leh In neitu Kishore ten inremna hi ziakin In luah man pek lawk ngaite pawh an inpe fel nghal a, Mizoram House tur hi enhoin a chahbi an inhlan a ni.
By bronco | December 14, 2010 | 6:03 pm | Posted in : NEWS | 255 views |
Aizawl District magistrate Pu.C.Thanchhuma chuan krismas leh Kumthar vuakvet a hman tur khapna thupek hetiang hian a chhuah. Mi tumahin Phailam emaw hmundang a tangin Halpuah leh halmawi,Silai lem a mu kap chhuak thei chi reng reng an la lut tur a ni lo. Krimas leh kumthar vuakvet ah mi tumah in Halpuah leh hal mawi an zuar.An hralh tur a nilo an hal tur a ni lo. Silai lem a mu kap chhuak thei chi reng reng zawrh leh hralh kahp a ni.
Thupek hian thlahnih chhung a huam ang.Thupek zawmlo leh bawhchhiate chu an chungah hremna hman a ni ang.
Chhiartlang tur.
