Sakhua leh culture hi thil hrang daih anga lang leh ngaih theih; mahse, ?hen hran theih hauh loh, inkawp tlat si a ni a. Chuvangin, sakhaw chungchanga mi rilte chuan “Miin a hnam culture a hloh chuan a sakhua a hloh a, a sakhua a hloh chuan a nihna a hloh tihna a ni.” an lo ti thin reng a ni.
Zothlifim Daily : Feb. 23 khan Chief Minister Pu Lal Thanhawla chuan Serchhip leh Hriangtlang inkalpawhna kawnga awm, MGNREGS sum cheng nuai 27.5 senga sak, Tuikum Suspension Bridge leh Cheng Nuai 9 senga sak, Tuichawm RCC Bridge a hawng. Feb. 23 a Lei hawnna inkhawm, Pu H.Darzika, District Bawrhsap kaihhruaiah hian Lei hawngtu, Pu Lal Thanhawla chuan Lei siam chungchanga tha thawhtute chu fakin khawtlang hruaitute leh Sawrkar hnathawkte nena pheikhai rual taka hna thawh a nih chuan thil tha tih theih loh a awm ngai lova, eng sawrkar pawh a tha zawnga thawhpui thiam turin mipui kalkhawmte leh Sawrkar hnathawk kalkhawmte chu a chah a, sum tam tak senga lei leh kawng siamsak, Hriangtlang khua te chuan motor-a phurhlet tur thil thar chhuah nei tura tan an lak hle a ngai a ni a ti.
Zothlifim Daily : Chief Minister Pu Lal Thanhawla chuan vanduai vanga natna vei kan awm laiin, natna tam zawk hi kan cho chhuah a ni a, Cancer te hi kan cho chhuah a ni a, heng natna te cho chhuak lo tur hian kan ei leh inah kan fimkhur a ngai a, zuk leh hmuam-ah kan fihlim a ngai a ni a ti. He thu hi nimina ni 3 awh tur Hriselna Kutpui (Health Mela) hawnna inkhawmah Chief Minister hian a sawi a, Chief Minister chuan ringtute chu mite aia hrisel tur, taima tur leh thianghlim tur kan nih avangin kan inuluk em em a ngai a ni a ti bawk.
Zozam Times : Mizoram-a kum 14 chhung hman tawh zu khap burna dan ‘The Mizoram Liqour Total Prohibition Act, 1995’ zirchiang tura Mizoram sorkarin a din Study Group chu vawiin khan an chairman, H Ral-tawna, IAS (retd) hovin Aizawl-ah a vawikhatna atan an thukhawm. He meeting-ah hian MLTP Act hnuaia security force bakah zu in phalna (Liqour Permit) nei mi 2,492 an awm thu tarlan a ni.
Zothlifim Daily : Feb 21 tlai khan DC Committee Room-ah Serchhip Joint VC te chuan an President, Pu Lalramliana Sailo hovin thuthar lakhawmtute an kawm a, hetah hian Bialtu MLA, Chief Minister ni bawk, Pu Lal Thanhawla hmalakna zar zovin Serchhip khawpui chei hna chu cheng Nuai 2322.43 sengin thawh tan thuai dawn a ni tih an sawi.
Evening Post:MZP chuan Mizoram leh Forest Assam inrina chungchanga tun hma atanga buaina kaltawhah Mizo in a tlawm zawk chan kan chang reng mai chu tlawm thlak a tiin, Mizoram sorkar chu a rang thei ang bera Mizoram chin humhalh hna thawk turin a ngen tak meuh a ni, tiin nimin khan MZP chuan thuchhuah an siam. Thuchhuah an siamah chuan MZP te’n hun kal tawhah kan ram chhung ngeia ‘Zo Run’ a sak pawh Assam lamin thiat lovin tlawm zawk chan chang Mizoram Sorkar Sipaiin buaina punlun hlauin sak ni la la in an thiat leh nghal chuk chuk a ni a.
Champhai District-a Sazep khuaah nizandar 10 vel khan Lalvunga In Assam Type a kang a, a fanu kum 9 mi, Cindy Lallawmzuali leh a fapa kum 7 mi Lalfakfela te an kanghlum. He inkangah hian bungrua engmah an chuh hman lo a, a kan lai hian chhungkaw pa ber damlo kanin a leng chhuak a ni. He In kan chhan hi Electric kal sual vang ni a hriat a ni. In neitu hi Sazepa Cable neitu nia hriat a ni. Bialtu MLA B. Lalthlengliana’n hnatlangte thingpui in nan Rs. 2000/- a pe a, Group YMA in an pe bawk.
Soil & Water Conservation Department, Serchhip District-in NLUP an sem kim ta.Feb 18 khan Soil & Water Conservation Department, Serchhi[p District chuan Chhingchhip Venghlun Community Hall-ah Serchhip District Tuikum Constituency atanga NLUP dawngtu turte hnenah NLUP sum an sem a, hetah hian Bialtu MLA, Pu K.Lianzuala Khuallian niin, Pu R.Lalramliana, District Officer chuan a kaihruai a, kum 2010 – 11 chhunga an Department chhung atanga sem tur chhungkaw 331 te hnenah an pe chhuak kim ta a ni.
Mizo zinga hranghlui mi thiam Pu Remkunga’n English-Mizo Dictionary a siam kan en chuan Recycle awmzia chu, ‘Thil hman tawh hnu singsa danglama hman leh theiha siam,’ tih a ni. Tunlai khawvelah hian lehkha chi hrang hrang, a pan deuh te, a chhah chi card board an tih te, plastic chi hrang hrang te, thir chi hrang hrang te, har chi hrang hrang, alluminium foil leh lead foil tih angte, puan te recycle theih vek an ni a.
Mizo Aw : Mizoram sawrkar Environment & Forest department chuan Plan 10-na kum 2002-2003 atanga 2006-2007 leh plan 11-na chhunga kum 2007-08-2008-09 chhung khan ram kang venna/ramngaw humhalhna atan Rs. 2,858.983 lakhs sawrkar laipui atangin a dawng a, heng pawisa hman dan hi RTI Act hmanga sawrkar atanga dil chhuakin ZNP Thalaite chuan heng pawisa ‘Intensification of Forest Management Scheme’ hnuaia hmuhte hi diktaka hman a ni em chhui chhuak turin Mizoram sawrkar an phut.
