By bronco | March 31, 2011 | 11:31 pm | Posted in : NEWS | 292 views |
An sum hman dan dik lo enho hi ka cho : Ruatfela Nu
Zozam Times : Environment & Forest Department, Aizawl Division hnuaia Forest Development Agency (FDA) te sum hman dan-ah dik lo tam tak a awm tih Vanramchhuangi (Ruatfela Nu) chuan a sawi a. Heng an hnathawh dik lo te enfiah tur hian E&F division hotute, ACB, press mi leh a duh apiang te nen, sum hman dan diklohna hi a hmuna enfiah a cho tih a sawi.
By Hnam Sakhua | | 10:58 pm | Posted in : Articles | 414 views |
Kan chênna khawvel hi engtia rei nge a nih tih hi chhui phak rual a ni lova, rin thilthu pawha dah ngaihna awm lo khawpa rei chu a ni a, mihringte lo awm ?an hun pawh hi engtia rei nge hriat rual a ni hek lo. More >>>>
By bronco | March 29, 2011 | 10:49 am | Posted in : Health | 543 views |
Ziaktu thenkhat chuan mit (eye) hi kan hrisel leh hrisel loh thlirna turkverh tha tak a ni an ti. Kan hriattna panga (5 senses) Pathianin min pekte zingah hian mit-a hmuhtheihna hi a hlu ber leh a pawimawh ber a ni ti ila kan tisual tam lo hle ang. Reilote pawh han maimitchhing ila mitdel nih a hrehawm tur zia chu a hriattheih khawp mai. Tuna kan article hi February 4, 2011 a Yahoo Health News-a an rawn ziah te zinga mi lak a ni. Chung an han tar lan te chu:-
By bronco | March 28, 2011 | 5:33 pm | Posted in : NEWS | 290 views |
March ni 26 Inrinni khan Pu Nihar Kanti Chakma Minister, Pu.S.Laldingliana Parliamentary Secretary, Pu. Kali Kumar Tongchongya CEM, CADC leh Medical Team Lunglei te chuan march ni 20 hmalam a mi panga thihdan in ang a thi te awmna hmun Thanzamasora chu an tlawh. Thanzamasora hi motor in a tlawhpawh thei lova, Lalnutui (Chawngte kawng) atanga peng in heta tang hian km 8 a hla a awm a ni a, Tun hnai a mi 5 thihna hi an natna a in ang vek a an khua a sik a an lu a na a thi in an luak deuh vek a, an thih hian an taksa ah dum thluah thluah a awm vek ni in an sawi. He thihna avang hian an khaw mipuite chuan dawi hnathawh a nih an ring a, khua ah pawh awm tha ngam lovin ramhnuai ah te an riak bo thin a ni.
By bronco | March 26, 2011 | 5:53 pm | Posted in : NEWS | 287 views |
Mizoram Khaw panga Zawlnuam Thuampui, Lallen, Bawngthah, Phulmawi leh Hliappui khua te chuan khaw fai lawmman an dawng. He khawfai lawmman Nirmal Gram Puraskar hi March ni 23 khan vigyan Bhawan New delhi ah Mizoram aiawh a kal Pi Lalthanzuali EE PHE leh Pu H.Thantluanga VCP Hliappui te chuan an zuk dawng a ni Khawfai lawmman hi kum 2005 atang khan kumtin sem thin niin Mizoram khaw 31 in an dawng tawh a, Kumin hian khaw 5 – zawlnuam Thuampui, Lallen, Bawngthah, Phulmawi leh Hliappui khua te chu khaw fai lawmman hi dawng tura thlan an ni.
By HJ | | 3:07 am | Posted in : NEWS | 476 views |
Tunlai kan news chhiar ho hi, chhiatna lam deuh vek a ni mai a, a hahthlak hlawm hle. Chuvang chuan ka news ngaihthlaka a hlimawm lam deuh hi kan ziak khawm ang nge. In hria ve tho chu ka ring a, mahse kan ziak ve reng reng ang nge, thenkhat tan chanchin thar alo nih tak hlauhin.
Hei hi lo en phawt teh u : Pu Obama, White House a thawkhoten kawng an lo kalh hnan lai hi, ka nui nasa lutuk.
Tunlai hian American nulaho London lamah an zin chho nasa hle. A chhan nia news-a arawn puan dan chuan, Princess (lal fanu) nih tumho an ni awm e. Prince William-a unaupa Prince Harry kum 26 mi neih tuma zin chho hote interview-naah chuan engtin nge i neih theih i rin tiha an zawhna chhannaah chuan, Prince hian khawilai emawa a rawn hmuh a, a rawn duh mai beisei an nih thute an sawi. Chuvang chuan Prince Harry-te kalna thinah te an kal kual nasa hlawm hle ni.
By bronco | March 25, 2011 | 8:15 pm | Posted in : NEWS | 297 views |
Thanzamasora/Thanzamalui khua a chhiatna thlengah mi 8 an thih hnuah March ni 24 thleng khan nat belh leh nunna chan dang an awm thu hriat a ni lova, Thanzamasora/Thanzamalui khua ah hian a chhan hriat lohin tunhnai ah mi 8 lai an thi ni a report a awm avangin helai bialtu Pu Nihar Kanti Chakma Minister leh Pu S.Laldingliana Parliamentary Secy chuan session laklawh lai ni mahse Mmarch ni 25 hian he thil thlenna hmun Thanzamasora/Thanzamalui khua hi an pan nghal a ni. Lungleia kan palaiin thu a rawn thawn danin midang ten an lo thihpui tawh ang natna vei Chawngte damdawiina enkawl mek naupang kum 4 mi leh Doniaram Thanzamasora khua mite chuan luak, khawsik, khuh, pumna veia awm mekte chuan that lam an pan zel tih Chawngtea doctor ten an sawia, kan palai zawhna chhangin damlo te leh thita te hri vei diktak enfiah tur hian Malaria thisen enna bak hmanrua an neih loh thu an sawi a.He khuaah hian medical team vawi 2 an kal thu an sawi bawk.
By bronco | | 8:04 pm | Posted in : NEWS | 404 views |
March ni 25 tlai khan Kawlchaw bulah Minu Bus in electriuc hrui a hrut a, electric current man avangin passenger mi 9 an thi. Saiha atanga thu kan dawn danin he motor hi MZ03 2294 niin Driver Zoliana khalh a ni a, March ni 23 atang khan Saiha leh Phura inkarah a service a, March ni 25 khan Phura atanga Saiha pana a kal chu New Latawh leh New Serkawr inkar Serkawr lam hnaih, Saiha atanga Km 70 velah electric hrui 11 KV line a hrut dawn a, Bus hian a chungah Bel na phur a, handiman chu electric hruiin a tawk tur a do tir a, mahse handiman chuana do hneh lova, a zuang thla a, electruic hrui hian bel chu a tawk a, bus a chuang te chu an chi-ai a, kawngka pui lama chhuak apiang te chu current chuan a man a, an kang ut nasa hle.
