Evening Post:Inrinni zan khan Khawzawl Arro Venga mahni chauha khawsa, Lalthlengliana (65) chu a chenna inah kangmei chhuak avangin hliam natak a tuar a, Khawzawl damdawiina dahluh anih hnuin nimin zing dar 5:30 vel khan a thi. Lalthlengliana hi mi inhnuai luaha khawsa a ni a. Inrinni zan khan a thenawm ten keikang rim hriain an enfiah a, Lalthlengliana hi khumah hliam tuarin alo awm a, amah a kan nasat viau lai hian a rizai, thosilen leh khum chu a kang nasa hman lutuk lo. Kangmei hi a chhuah chhan hriat a ni lova, a bati chhit atanga chhuak a nih rin a ni.

More >>>>

Share

May ni 28 khan a tum khatna atan Reiek Tourist Resort ah Mizo Hnam Kutpui neih a ni. Mizo Hnam Kut pui hi Mizo Culturer Organisation (MCO) leh Tourism Department tangkawpin a an buatsaih a ni a, sum senso hi Ministry of Tourism, Govt. of India in a tum sak a ni. He Kutpui hi Tourism Minister Pu S. Hiato chuan a hawng a, Kut thlengtu Pu James Lalchhuanawma, MCO President chuan kan culture leh incheinate hi kan Hnam nihna dik tak pholanna hmanrua anih avangin hetiang Kutpui hi MCO chuan Tourism Department nena tangkawpin an buatsaih tih a sawi.

More >>>>

Share

May 30 tlai dar 4 vela Aizawl SP Offcie chhak lung rem chim chuan Bike 2 leh Scooty pa khat a delh a Mihring thi leh hliam erawh an awmlo.

More >>>>

Share

May 27 chawhnu dar 2 vel khan Seling thlang 5 Km vel Water point an tih bul quarry a min a, he hmuna hnathawk unau pathum zinga pahnih chu a delhhlum. Thudawn danin he quarry ah hian Unau pathum an thawk a, Lianthangpuia chu insaseng hmanin a naupang ber Lalthatluanga leh upa ber Lalbiakthanga chu an insaseng ve hman lo a, Lalthatluanga chu thi lova lak chhuah niin Aizawl Civil Hospital rawn panpui panpui nghal a ni a, damdawi ina enkawl anih hnuin a thi ve leh a ni. Lalthatluanga hi a lu lamah hliam tuar lovin a ke lamah hliam na tak a tuar thung .

More >>>>

Share

May ni 27 zinglam dar 5 vel khan Zokhawthar leh Aizawl service Sumo MZ 01 C 2192 chu Tuirial leh Aizawl inkar ah a chesual a. mi pakhat a thi. Sumo MZ 01 C 2192 hi Zokhawthar atanga Aizawl pana rawn kal an ni a, driver nen mi 7 an chuang a, an zinga mi Pi Kaplianmawii kum 56 Edenthar veng Aizawl chu a boral a, Driver Lalchhanchhuaha kum 23  s/o Lalthantluanga, Bethlehem veng leh chuang dang, Lalnunhlimi, Lalchhawni, Lalnunmawii, Zothanpari leh Vanukliana te chuan hliam an tuar a ni.

Share

May ni 27 hian Industries Minister, Pu S.Hiato chuan Industries District office hrang hrang te hnen ah Computer a sem a sem chhuak. He meeting Pu Shurbir Singh, Director of Industries in a kaihruai ah hian Pu Hiato chuan Mizoram mipuiin Industries Department ah  beiseina nasa tak an nei tih sawiin NLUP – ah trade ngah ber an nih thu a sawi a, Officer te taima tak leh tih tak zet a hna thawk turin a fuih.

More >>>>

Share

More >>>>

Share

click image to enlarge

Eng nomawi emaw chu an chawi ve chiang alawm

Share

Zozam Times : Sorkara mi pawimawh, VIP light chhi thei chin chu tunhnai khan sorkar chuan a siam tha a, heta lang phak ve lote zingah hian Transport Secretary Office-ah VIP light chhit phalna dil an awm nual nia thu dawn a ni. Transport Secretary office chuan tunlai hian India hmarchhak state 5 – Manipur, Nagaland, Meghalaya, Sikkim, Tripura leh Arunachal Pradesh sorkar ten VIP light chhi thei an bitliah dan an zawt kual mek a, state thenkhat chhanna pawh an dawng tawh a ni. Mizoramah chuan VIP light chhi thei chinte list chu Chief Minister in a pawmpui hnuah an tichhuak chauh zel a, VIP light chhit dilna hi cabinet meeting pawhin tunhmain an lo hnawl nual tawh nia hriat a ni bawk.

More >>>>

Share

Aizawl-Thenzawl-Lunglei World Bank kawng chu May 22 zan dar 10 vel khan Ngaizel kham kawng chhak a tanga lung tla in a hnawh ping.

More >>>>

Share