Bible : Sam 22 : 28

Kan rama chanchin tha a lo luh atangin kum za chuang a ni ta a. Thil ropui tak min tihsak a, min chawisangtu kan Pathian chu chu fakin awm rawh se. Hnam tin tan Pathianin an awmna tur ramri a siamsak theuh a ni tih kan Pathian thu-ah kan hmu a. Mizote tan pawh Mizoram hi kan chenna turin min ruatsak a ni tih kan pawm thei em aw? I han ngaihtuah teh ang u. Mi tam tak chuan phai zawl zau pui pui, leilet tha tak takte an han hmuh hian Pathianin ram tha bik leh duhawm bik a pe niin an hre thin a. Keini tlang ram chhengchhe taka kan awm hi an hrethiam thin lo a ni. Amaherawhchu kan Pathian hian tum neiin he ram hi min pe a ni tih kan ngaihtuah ngai em? Khati khawpa hnam mawl ni si kha a hnam atan min thlang a, khawvel tieng turin min din a duh a ni. Engtin nge Mizo hnam hi a him theih ang? tih Pathianin fel takin rem a ruat a, min ngaihsak a ni tih hi kan ngaihtuah a ngai a ni.

More >>>>

Share

Mizo Politician zinga mi te ngaihsan leh hmingtha Aizawl khawpui leh Zoram khawpui hrang hrang-a CP road sial chhuak tu Pu C Pahlira Upper Republic chu July 30 zing dar 7:35 khan pumna vangin Aizawl Civil Hospitalah a boral. Pu C Pahlira hi Kum 1924 January ni 7 khan a pianga, kumin January ni 7 khan kum 87 a tling chiah a ni. Hun reitak atang tawh khan lung lam natnain a tlakbuak a, he a natna hian a ti buai ve thin hle. July ni 15 khan a pum na avangin Vaivenga Hospital (Care Hospital ni thin Civi Hospital bul ami) ah admit a ni a, investigation hrang hrang tih a ni a, Pumpui ulcer a neih bakah Jaundice a nei tih hriat a ni a, tin a pum a puar nasa hle bawk. A natna hi a critical deuh avangin Aizawl Civil Hospital lamah July ni 25 khan dahluh a ni leh ta a ni. Civil Hospital-ah Cabin-ah enkawl a ni a, A pum a puar nasa a, a chau in a hniam chak hle bawk. Doctor te chuan a natna hi cancer a nih ring deuh mahse a ma taksa dinhmun en in hmuhchhuah tuma beih chiam khan awmzia a nei lutuk tawh lo niin an ngai a, nachhawkna te nen theih ang angin an enkawl chho ta phawt mai niin thudawnna chuan a sawi.

More >>>>

Share

Vanglaini : July 28 chawhma dar 10 vel khan West Phaileng thlanga Salem Boarding School bula Teirei luiah David Lalchhuangliana (18) s/o Lianthanga, West Phaileng Bethlehem veng ruang chhar a ni a, amah a inkhap hlum nia rin a ni. Thu dawn danin, David Lalchhuangliana hi a awm ding lam hnute chungah silaia kahna hmuh a ni a, engtia kah nge a nih tih hriat theih a la ni rih lo a, amah a inkap hlum nia rin a ni. David Lalchhuanliana hi UT silai kengin aiawt chiah turin a kal a, Teirei lui fintu, Thlangtlak lui chhuahah a ruang hmuh a ni. Tualchher silai a ken, UT silai chu a ruang bulah hian hmuh a ni a, silai kua hi a ruak a, a bulah hian a kaw hawlhna hmuh a ni.

More >>>>

Share

Vanglaini : Kumin October thlaa YMA General Conference thlengtu tur, Kolasib khawpui chu kawng hrang hrangin a inpuahchah mek a; YMA General Conference Organising Committee chuan, conference rorel inkhawma kal tur hmeichhiate’n kekawr hâk loh hram ni se, an ti. YMA General Conference Organising Committee chu Thawhlehni khan CT Mawia, Fund Raising Committee Chairman leh Kolasib Sub-Hqrs. YMA President hoin an thukhawm a, Committee péng hrang hrangte hmalakna ngaithlain an sawiho zui a ni.

More >>>>

Share

Vanglaini : Chief Minister Lal Thanhawla chuan, Sinlung Hills Development Council (SHDC)-ah Act siam a ngaih a hlauh thu a sawi rualin, development council an nih ang erawh chuan, tha taka an function a duh thu a sawi a; HPC(D) chu Mizoram sorkarin a be duh lo ni loin, a biak tur an nih loh thu a sawi bawk. ZNP member K Liantlinga’n SHDC chungchanga District Council Affairs Minister, R Lalzirliana a zawhna kal zelah, kum 1994-a din SHDC-te’n Act an la neih loh thu sawi chhuah a ni a, zawhna chhanbelhin CM Lal Thanhawla chuan, “Act a ngai ang tih ka hlau. Sorkarin tha a tih anga a rel hi a tha tawk rih. SHDC chu hmarthimpui tiêng tura din a ni a, Silai chelek an lo awm ve bawk nen, remna kan siampui ta a ni. Duh ila chuan kan tudài thei ang, mahse leilung fate thisen inchhuah tha kan ti lo a ni,” a ti.

More >>>>

Share

The Lunglei Tribune : Mizo Hmeichhe Insuihkhawm Pawl (MHIP) chhungkaw buaina chuan zual lam a pan chho zel dawn niin a lang a. Sex tape tih te hial sawi rik a ni tawh a. Hei bakah hian ‘Cong leh MNF’ tih ang zawnga sawi rikte pawh a awm tawh a ni. MHIP Gen. Hqrs. executive thukhawmin pawl sum tichingpena an puh avanga Gen. Secy a nihna atanga Lalbiakengi an ban tir chungchangah hian pawl chhung thenfai tumna lam aimahin mimal inbeihna leh political party lian pahnih inepna a kawk zawk mah niin, thudawnna pakhat chuan a tarlang a. An buaina hi hetiang taka ril leh inkaihhnawih thui a nih avang hian awlsam tak chuan a reh mai dawn lo niin, thudawnna chuan a sawi a ni.

More >>>>

Share

 http://mbse.org.in/

Website hack sak ching ho lah hi an kawlhrawng hlawm khop a, kan MBSE website pawh an hacked sak leh tawh! A va han buaithlak ve maw le!!

More >>>>

Share

Salem Veng Local Council chuan, Assembly Session neih mekah C Ramhluna, MLA chuan a resolution putluh khaikhawm pahin Salem Vengah culvert siam anga lang, a tak hmuh tur awm lo leh bo anga a sawi chu dawt a ni, an ti a. Nimin zing khan culvert an siam hi thuthar lakhawmtute an enpui.Salem Veng Local Council chuan, MLA zahawm tak hian a duh phawt chuan an culvert siam hi engtik lai pawhin an kawhhmuh thei reng tih an sawi.

More >>>>

Share

via FB Chanchinthar : July 20 a MHIP Gen. Hqrs. executive committee thukhawm chuan MHIP General Secretary ni mek Lalbiakengi chu pawl sum tichingpenah puhin, secret ballot hmangin chawlhtir an remti. MHIP thuchhuahin a tarlan danin, Lalbiakengi hian GS hna a chelh chhungin GS khawih tur ni lo, pawl sum a khawih thin tihte, pawl hriatpui lohin GS a nihna hmangin pawl hmingin a mimal tan sum a pukin a la thin tihte tarlan a ni a. Hei bakah hian kum 2009-2011 chhungin pawl sum a tichingpen niin an sawi bawk.

More >>>>

Share

July 20 khan Mizoram Pradesh Youth Congress Committee chuan thuchhuah siamin, “Mizoram People Conference party Lalhmangaiha Sailo kaihhruaite’n an party office meuh rauhsana Hnam Run bul khera phuahchawp programme an hmang hi Congress thalai Hqrs. chuan an dinhmun a thlirin awm a tihpui tak zet a ni,” an ti.

More >>>>

Share