Evening Post : Hnahthial Police Station-ah karhmasa khan PHE Department hnuaia Lab Technician pakhat, training pe tura Aizawl atanga phei a thlenna IB atanga a pawisa ruk sak chungchangah thubuai ziahluh a ni. He thil thlengah hian Lalvenmawia Sailo 30 S/o Lalrinliana Sailo, Hnahthial Peniel veng chu ringhlelin Hrangchalkawn Out Post ten an mai a, Lalvenmawia hian a mawngkuaah pawisate chu a hnawhlut tih sawiin Rs.500 note hlir 7, kuhva funna saranga fun chu a phawrh chhuak a. A hnuah 1 dang a phawrh chhuak leh a ni.

More >>>>

Share

Thla thum dawn lai kal ta khan kan pa, Lalthangliana Sailo chu zana a mu hi a rawn harh a khawsik tlun ang deuh hian khawsik awm si lo hian a rawn khur chiam mai a. A chetzia te chu ni danga a awm dan pangngai a ang lo riauin a hriatna  te chu a chiangkuang lo tan a ni. Zingah chuan a ke vei lam chu a rawn na tana rah pawh rap ngam loh khawp chuan a na a ti ta a. A ke chu nachhawkna damdawi hnawih sak  tura kan en chuan a lo vung sen tut mai a. A awm danah (symptom) atanga kan thlirin thil hlauhawm a ni tih ka hre nghal a. Daktawr ka ko ta vat a. Chung vel lai chuan a BP te chu a tha a. Mahse daktawr office kan thlen chuan a BP chu a lo hniam ta vak mai a. Daktawr chuan en pawh en hman lovin Ambulance a ko va Emergency –ah an tlan pui ta a ni. Daktawr chuan damdawiinah chawlhkar khat I awm a ngai ang a ti a. Hetiang natna hi cellulitis an ti a, thil hlauhawm thei tak a ni. Damdawiinah chuan drip an khai a, antibiotic an pe bawka, tichuan a lo tha chhuak leh thei ta ni.

More >>>>

Share

July 19 zing dar7 vel khan Lalhunliana kum 34 Sesawng Field veng chu a tupa (a farnu fa) Johan Lalmalsawma 21 chuan chempuiin a sathlum. Thudawnnain a sawi danin Lalhunliana hi zu in nasa a ni a, tukin khan a nu pawisa a dila khawlaiah chem nen a um chhuaka a tupa Johana pawh chu kut a thlak a. Chutianga chem nena inhrosa ta chu Johana hian bawhthluin a chem chu a chhuhsaka a sat zui ta mai ani. A pu sathlumtu Johan Lalmalsawma hi tlangval ngawichawi leh mi pawisawi ngailo tak niin thudawnna chuan a sawi bawk.

Share

Adamate nupa bawhchhiatna-     

Kristiante ngaihdanah chuan khawvela mihring tungchhoa kal zawng zawng tuna awm mek leh lo la piang leh zel tur zawng zawngte nen hian  Adama leh Evi thlah vek kan ni a, Edena Pathian huan siama an awm laiin Pathian dan an lo bawhchhiat tak avangin Pathian nena chatuan nun neia lo inzawm reng chu Pathian lak atanga tihhran niin chatuan nun an nei thei ta lo a, chuvang chuan tisa thihna pawh hi a lo awm ta a. Messia an tih, Krista tlanna thisen tel lo chuan chatuan nunna chu zawm thei an ni tawh lo a ni. Tichuan, khawvela mi zawng zawng chuan Krista tlanna an lo mamawh vek ta a ni. Chutichuan Isua Krista, Messia an tih bawk chu khawvela mi zawng zawng chhandamnaturinkhawvela lo kalin a rawn thi ta a ni. Chu chu Bible Thuthlung Thar buin a zirtir dan a ni a, mi dangin tisual ve lo mah sela, an thlahtu berin a tihsual tawh avangin, ‘Pate’n grep thur an ei a, an fate ha a tim e,’ tih chu an thufing tawi a lo ni ta a ni. More >>>>

Share

Hmanni  lawkah Hunthar Veng, Aizawl a khawsa AIDS vei /HIV+ Hmeichhe pakhat chu kawthalo avangin tlai dar 5pm velah a boral a, khawtlang hruaitute leh a chhungte an inbiak hnuah chumi zan dar 10pm velah vui liam nghal rum rum a ni. Hetianga, ruang chhiat mai hlauhawm khawp nisi lo hmanhmawh taka invui vut vut hi kan Mizo khawtlangah chuan thil thar a ni ta tlat mai. A rethei viau a, a in luah lai pawh a chhiat avangin a ruang pawh midang in ah nghah hial a ni. Hei hian sawi zui a hlawh khawp mai. A mak ve deuh bawk a, a rethei a AIDS vei a lo ni kher kher bawk nen, rualkhai takin mitthi kan sawngbawl loh phah ta hial a, kan tlawmngaihna kha cho chhuah leh a ngai ta hial emaw ti tawk an awm bawk ngei ang.

More >>>>

Share

Tawrh Bawm : July 15 chhun dar 12 vel khan Lalthianghlimi Bairabi khua chu Tuikuk hel nia rin mi pahnih silai kengte chuan silaia vaubetin a ka an hnawh sak a, thil pawi a thlen hmain Lalthianghlimi hi a auchhuak hman a, Tuikuk hel nia rinte hi an tlanchhe leh a ni. Lalhmingmawia leh a nupui Lalthianghlimi te hi nimin khan ram-ah an  kal a, an haw lam chu kawngah chawl hah-damin, chawlh pah hian Lalthianghlimi hian an chawlhna atanga hla vak lo, langphak si loah Rawtuai a khawrh leh a, hei hi Tuikuk hel nia rin mipahnihte hian lo man betin, a auchhuah loh nan a kate pawh an hnawh saka, mahse auchhuak thei thoin a pasal chu a auva, a pasal chuan hnamdang (Vai) pakhat punin a nupui awmna lam chu an pan a, a mantute hi an lo tlanchhe leh hman a ni.

More >>>>

Share

MNF ministry laia LAD Minister lo ni thin H.Vanlalauva chu cancer natna vangin July 15 dar 11:45 khan a chenna in Chhinga Veng ah a thi. July 16 hian vuina programme hman a ni ang.

Ex-Minister H.Vanlalauva hi Upa Sangkhuma leh Lalthangi fa panga zinga upa ber niin july 1, 1939 khan Khamliana khua Phulpui khuaah alo piang a. Chhinga Veng Kohhran Secy. naupanglam sunde sikul suprintendent. Music Committee chairman KTP Leader leh tual upa hmasa ber ber 4 te zing a mi a ni a, Politics lamah MNF dintirh 1961 atangin MNF a zawm a, nihna hrang hrang a chelh tawh a. 1966 rambuai avangin man a ni a, kum 4 chhung jail-ah a tang nghe nghe

  More >>>>

Share

via FB : CHANCHINTHAR (Zofate chanchinthar  inhriat tawnna) : July 13 zan dar 9:55 khan Champhai District Jail-a duty Lalhmingmawia (27) S/o. Malsawma Chawlhhmun, Aizawl chuan a thianpa Home Guard ve tho Darthanzama (51) S/o. Sangnghilhlova Sawleng khua chu a siali ken lai .303 Riffle hmangin khuma a mulai chu a tukhumah a kapa, a hmai dinglam a chhe hneh hle a, Darthanzama hi ka pawh chhawn lovin a thi nghal. Thudawn danin Lalhmingmawia hi kumlamah naupang zawk niin service-ah a senior zawka Darthanzama hian midang pawh tawngchaltlai tak taka tih a ching a, kar hmasa lam khan an zu rui an loin sual buai tawh nghe nghe a, Darthanzama hian chema sahhlumah a alo vau zui nghe nghe a ni.

More >>>>

Share

via FB : CHANCHINTHAR (Zofate chanchinthar  inhriat tawnna) : July 14 a  Mizoram Assembly House-a Budget Session-ah Finance Minister H. Liansailova chuan Mizoram State Regular Budget 2011-2012 chu a pharh a. Tun Financial Year chhunga Annual Plan hi Cheng Vaibelchhe 1700 niin nikum Annual Plan kha Cheng vaibelchhe 1500 a ni a, Budget pumpui hi Cheng vaibelchhe 4216.09 a ni. Kumin hian ngaihpawimawh tur (priority sector)-ah New Land Use Policy (NLUP) dah a ni leh a, hemi atan hian cheng vaibelchhe 234 dah a ni.

More >>>>

Share