Lalpa chu ring la, thil tha ti rawh. He ramah hian awm la, rinawmna um zel rawh; Lalpa chungah chuan lawm bawk rawh; Tichuan I thinlung duhzawngte chu a pe ang che. I awmdan tur chu Lalpa chungah nghat la; Amah chu ring la, aman a ti vek ang.            Sam 37:3-5

Ka naupan laia ka chak ber chu,  Pathian rawngbawlna a tangkai ve, ti mai ang, Pathian mi hman nih ve a ni. A pahnihna-ah chuan Israel rama kal a, Lal Isua sulhnu hmuh hi  a ni. High school kan kal ve laiin kan thian thenkhatte chuan, “Kei chu officer pasal neih ka duh” an ti a. Kei chuan, mahni tlinlohna hrerengin, ka rilru chuan, officer neih chu hna hah thlak deuh tur a sin, mi chunga mawhphurhna nei an ni More >>>>

Share

August ni 27-a Kurung lui-a tuitla 5th IR Vanlalrema ruang chu Aug.30 chhun dar 11:15 khan a tlakna atanga feet 300 velah hmuh a ni. Vanlamrema leh a thian te 2 chuan August ni 27 khan Kurung luiah hian len an deng a, sangha Kg3 vel an man hnu chuan chawhnu lam dar 3 velah hawn tumin luidung an zawh chho a, lungpher atanga lungko danga an lawnkai tur chu chesualin Vanlalrema chu lungpher leh lungpui inkara tui luang chak takah a tla luta lungpher hnuai puk thuk takah tui khauh tak chuan a len ken lai chawpin a lenlut ta a ni. He lui hi a khawkrawkin a chhengchhe em em a, a tlakluhna atanga thlang deuh ah tui hi chak takin a luang chhuak leh a, chutah chuan a thiante pahnih chuan engemaw chen an lo chang a, engmah an chan chhuah tak si lohah chuan midang an pun ta a ni.

More >>>>

Share

Lunglei Tribune : Mizo hming hawha Mizorama dankalha sum-dawngte dapchhuah hna YMA-in an thawh mek chungchangah Minority Youths & Students Federation (MYSF) chuan Inrinni khan Prime Minister Dr. Manmohan Singh hnenah memorandum theh-lutin, YMA hmalakna chu tihtawp tir vat tur leh, thlabar taka awm mekte thlavang hauh turin an ngen. Mizorama hnamdang sumdawngte tihbuai hi tihtawp a nih vat loh chuan Mizoram chakkhai lamna kawngte chu dan chah a nih tur thu leh, Barak Valley-ah Mizo kaltlang an khap dawn niin an tarlang a ni.

More >>>>

Share

Kurung luia tla Vanlalrema ruang zawngtu te zing ami Sairang tlangval Biaknunga kum 23 chu chesualin Aug. 28 khan Kurung luiah vek hian a tla hluma a ruang hmuh nghal a ni. August ni 27-a kurungluia tui tla Vanlalrema ruang zawng hian Sairang bakah hmun hrang hrang atangin tlawmngai an fuankhawma, Kurung lui hi a chhengchhat em avang leh tui a tam avangin chet a harsa a, tuithiam tak tan pawh chetsual mai awlsam tak a nih a vangin khawtlang hruaitute pawh an fimkhur hle a ni. Tuitla zawnga kal tum nazawng chu helai hmunah hian luh thlak an rem tilo. Tuithiam leh helai luidung hrechiang nia an hriat te chauh kal an phal a, group hrang hrangah insiamin group leader te ruatin mumal takin luidung suartluan tur hian mi engemawzat an tir lut a, chung group hrang hrang zinga group 3na member pakhat Sairang tlangval Biaknunga chu vawiin khan chesualin Kurung luiah hian a tlahlum ve ta hlauh mai a ni.

More >>>>

Share

August 27 Inrinni zing dar 7-8 inkar khan Bawngthah kai chhakah Thingzai-a ramriak Muanga kum 20 mi vel chu Tlawngluiah a tla a a ruang zawn mek a ni. Thudawnna in a sawi danin Muanga hi Burma ram chhung Pilawta khaw chhuak a ni a, a thian pahnih te nen Bawngthah ramah hian mi thing zaiin an riak a ni. Aug 27 zing khan an thing zai sa thenkhat chu kai bul lamah lui dunga tawlh thlak an tuma Tlawng lui hi a lianin a khauh hle mai a, a tir lamah chuan a thian pahnih te hian hma an hruia an hnung lamah Muanga hian a rawn zuia, tui khauhin a lak avangin a thiante chu pelin muanga leh a thing tawlh chu livir in la zui ta a, a thian te pawh chu tui luang chak tak chuan la in livirah tho chuan a len lut ta a, an talbuai ta hle mai a ni. Muanga thian te pahnih hi vaukamah eng tin tin emaw an in hai chhuak thei hrama Muanga erawh chu livir hian la in a pil zui ta mi niin thu dawnna chuan a sawi.

More >>>>

Share

Sakawrtuichhun rama Police Training Centre ni thin kha Thenzawl rama sawn a nih hnu khan helai hmunah hian 5th IR batallion dah luh ve nghal an ni. Nimin August ni 26 khan Naik Vanlalrema leh a athiante 2 chu Sairang Kurung luiah len dengin an kal a, chawhnu dar 3 velah khan sangha pawh kg1 vel chu an man tawha, hawng tura luikam lungpui khamko laia an kal chu Vanlalrema hi tawlhtluin kurung luiah hian a tawlh lut ta a ni. Vanlalrema tuia a tla lut hi a rawn lang zui leh ta miah lo niin a thian te chuan an sawi. Kurng luiah hian tui a tamin a khauh em em a, Vanlalrema tlakna lai pawh hi a in khawh so nasa hle a, hleuh thiam engang tan pawh chet ngaihna awm miah lo niin thu dawnna chuan a sawi bawk.

More >>>>

Share

Zozam Times : Home Minister R Lalzirliana chuan Mizoram-ah hel an awm loh thu leh HPC(D) te chu fapa awm tha duh lo ang chauha sorkarin an ngaih thu a sawi a. HPC(D) te chu – “Dan pawna hnawl pawh an ni lo a, keini chuan fapa awm tha duh lo ang chauhah kan ngai a, hel pawla puan hi kan phal lo a ni,” a ti. He thu hi Aug 26 a Congress Bhavan-a Political Session neihah  Home Minister hian a sawi a. Central Home Ministry-in Mizoram-ah hel pawl pathum lai awm anga a sawi chu pawi a tih thu sawiin, “Mizoram-ah hel an awm lo,” a ti a. Hei vang hian nikumah Nagaland sorkarin hel beih nan cheng vaibelchhe 80 a hman laiin, Mizoram sorkar chuan vaibelchhe khatmah hel beih nan a hmang lo,” a ti bawk.

More >>>>

Share

via FB Chanchinthar : Shri Vakkom B. Purushothaman hi Congress hruaitu hlun leh Advocate a ni a, kum 1928, April ni 12-a piang a ni. Kerala Minister hlui a ni a, Andaman and Nicobar Islands-ah kum thum chhung Lt Governor a ni tawh bawk.

More >>>>

Share

Aug. 25 tlai dar 3 vel khan Laldinthara kum 19 S/o Dinga Durtlang mualveng chuan Durtlang hmeichhe naupang unau kum 7 mi leh kum 9 mi te chu a taxi khalhah nawrlutin sihphir lamah a tlan puia, ram hnuaiah a u zawk a pawngsual. Aug 25 tlai dar thum vel khan hmeichhe naupang pa2 te hi ration lak tumin an in atangin an chhuak chu kawngpui an thlenin Laldinthara hian a taxi-ah chuang turin a sawm a, unau hmeichhe naupang te hian an duh lo a, Dinthara hian a taxi-ah nawrlut luiin Sihphir lam panin a tlan pui ta a ni. Rescue home pengah tlan puiin chumi kawng atanga kawngthar peng awmah chuan ramhnuai lam panin a tlan pui ta zel a, naupang te hi au bengchheng lo turin a vau a, mi huan thlamah luh pui a tuma, naupang te hian an duh lova theihtawp chhuah in an tang ve tlat mai a ni.

More >>>>

Share

Zozam Times : MHIP General Headquarters in pawl sum tichingpen nia an hriat avanga General Secretary an chawlhtir hnuah lungawilohna thawm hriat tur a awm deuh reng a. Hemi chungchangah hian MHIP President B.Sangkhumi chuan Aug 23 chhun dar 12 hian Executive Committee thukhawmin, an thu pawh a khal ve tawh mai thei tih a sawi. B.Sangkhumi chuan kum 1974, July ni 6-a MHIP din a nih atanga kum 37 chhungin hetianga pawl chhunga inchawlhtir an la awm loh avangin member thenkhatin an hrethiam lo deuh a ni mai thei tih a sawi a. Mahse, pawl lian tak takah te pawh sum leh pai thil avanga inchawlhtir hialte pawh an awm tawh tho a ni, a ti.

More >>>>

Share